Relato 1

1. Di unda tur cos bon a bini? Bo por duna un ehempel?

2. Kico ta e prome cos cu Dios a crea?

3. Dicon e prome angel tabata special?

4. Splica con Tera tabata na principio. (Wak e plachi.)

5. Con Dios a cuminsa prepara Tera pa bestia y pa hende?

Preguntanan adicional:

1. Lesa Jeremias 10:12.

   Ki cualidadnan di Dios nos ta mira den su creacion? (Isa. 40:26; Rom. 11:33)

2. Lesa Colosensenan 1:15-17.

   Ki papel Hesus a hunga den creacion, y ki efecto esei mester tin riba e manera cu nos ta pensa tocante dje? (Col. 1:15-17)

3. Lesa Genesis 1:1-10.

   1. Con Tera a yega na existi? (Gen. 1:1)

   2. Kico a sosode riba e prome dia di creacion? (Gen. 1:3-5)

   3. Splica kico a sosode riba e di dos dia di creacion. (Gen. 1:7, 8)

Relato 2

1. Con Dios a prepara Tera pa e bira nos cas?

2. Conta algo di e gran variedad di bestia cu Dios a traha. (Wak e plachi.)

3. Dicon e hofi di Eden tabata special?

4. Con Dios tabata kier pa henter mundo bira?

Preguntanan adicional:

1. Lesa Genesis 1:11-25.

   1. Kico Dios a crea riba e di tres dia di creacion? (Gen. 1:12)

   2. Kico a sosode riba e di cuater dia di creacion? (Gen. 1:16)

   3. Ki sorto di bestia Dios a traha riba e di cinco y di seis dia? (Gen. 1:20, 21, 25)

2. Lesa Genesis 2:8 y 9.

   Cua ta e dos palonan special cu Dios a pone den e hofi, y kico nan a simbolisa?

Relato 3

1. Ki diferencia tin entre e plachi di Relato 3 y esun di Relato 2?

2. Ken a traha e prome homber, y con su nomber tabata?

3. Ki trabou Dios a duna Adam?

4. Pakico Dios a laga Adam bai un soño profundo?

5. Pa cuanto tempo Adam cu Eva lo por a biba, y ki trabou Jehova tabata kier pa nan haci?

Preguntanan adicional:

1. Lesa Salmo 83:18 den Traduccion di Mundo Nobo di e Scritura Santo (NW).

   Con ta Dios su nomber, y ki posicion special Dios tin riba henter Tera? (Jer. 16:21, NW; Dan. 4:17)

2. Lesa Genesis 1:26-31.

   1. Kico tabata e creacion mas importante di Dios riba e di seis dia, y den ki sentido e creacion aki tabata diferente for di bestia? (Gen. 1:26)

   2. Kico Dios a percura tanto pa hende como pa bestia? (Gen. 1:30)

3. Lesa Genesis 2:7-25.

   1. Kico Adam tabatin cu haci pa e por a duna e bestianan nomber? (Gen. 2:19)

   2. Con Genesis 2:24 ta yuda nos compronde Jehova su punto di bista tocante matrimonio, separacion y divorcio? (Mat. 19:4-6, 9)

Relato 4

1. Wak e plachi. Kico ta pasando cu Adam cu Eva?

2. Pakico Jehova a castiga nan?

3. Kico un colebra a bisa Eva?

4. Ta ken a laga e colebra papia cu Eva?

5. Pakico Adam cu Eva a perde nan luga di biba den Paradijs?

Preguntanan adicional:

1. Lesa Genesis 2:16 y 17, y 3:1-13, 24.

   1. Con e pregunta cu e colebra a haci a duna un impresion robes di Jehova? (Gen. 3:1-5; 1 Juan 5:3)

   2. Con e caso di Eva ta un spiertamento pa nos? (Fil. 4:8; Sant. 1:14, 15; 1 Juan 2:16)

   3. Den ki manera Adam cu Eva a nenga di acepta falta pa loke nan a haci? (Gen. 3:12, 13)

   4. Con e kerubinnan para na e parti oost di e hofi di Eden a apoya Jehova su soberania? (Gen. 3:24)

2. Lesa Revelacion 12:9.

   Te con leu Satanas a logra pone humanidad bai contra e gobernacion di Dios? (1 Juan 5:19)

Relato 5

1. Con bida tabata pa Adam cu Eva pafo di e hofi di Eden?

2. Kico a cuminsa sosode cu Adam cu Eva, y dicon?

3. Dicon e yiunan di Adam cu Eva mester a bira bieu y muri?

4. Si Adam cu Eva a obedece Jehova, con nan bida y bida di nan yiunan lo tabata?

5. Con e desobediencia di Eva a trece dolor p’e?

6. Con e prome dos yiu hombernan di Adam cu Eva tabata yama?

7. Ken e otro muchanan riba e plachi ta?

Preguntanan adicional:

1. Lesa Genesis 3:16-23 y 4:1, 2.

   1. Con e maldicion riba e suela a afecta Adam su bida? (Gen. 3:17-19; Rom. 8:20, 22)

   2. Pakico e nomber Eva, cu kiermen “Esun Bibo”, tabata apropia? (Gen. 3:20)

   3. Con Jehova a mustra consideracion na Adam cu Eva asta despues cu nan a peca? (Gen. 3:7, 21)

2. Lesa Revelacion 21:3 y 4.

   Cua “prome cosnan” bo ta ansioso pa Dios elimina?

Relato 6

1. Ki trabou Cain y Abel a cuminsa haci ora nan a bira grandi?

2. Ki ofrendanan Cain y Abel a hiba pa Jehova?

3. Pakico Jehova a keda contento cu e ofrenda di Abel, y pakico e no a keda contento cu esun di Cain?

4. Ki sorto di hende Cain tabata, y con Jehova a purba corigie?

5. Kico Cain a haci ora e y su ruman tabata nan so den cunucu?

6. Splica kico a sosode cu Cain despues cu el a mata su ruman.

Preguntanan adicional:

1. Lesa Genesis 4:2-26.

   1. Con Jehova a describi e situacion peligroso cu Cain tabata aden? (Gen. 4:7)

   2. Con Cain a demostra ki actitud tabata biba den su curason? (Gen. 4:9)

   3. Kico Jehova ta pensa tocante dramamento di sanger inocente? (Gen. 4:10; Isa. 26:21)

2. Lesa 1 Juan 3:11 y 12.

   1. Dicon Cain a rabia asina tanto, y dicon esei ta sirbi como un spiertamento pa nos awe? (Gen. 4:4, 5; Pro. 14:30; Sant. 3:16)

   2. Con Bijbel ta mustra cu asta si henter nos famia ta opone Jehova, toch nos por mantene integridad? (Sal. 27:10; Mat. 10:21, 22)

3. Lesa Juan 11:25.

   Ki garantia Jehova ta duna tocante tur hende cu muri pa causa di husticia? (Juan 5:24)

Relato 7

1. Den ki sentido Enok tabata diferente?

2. Pakico e hendenan den tempo di Enok tabata haci asina tanto cos malo?

3. Ki sorto di cos malo e hendenan tabata haci? (Wak e plachi.)

4. Pakico Enok tabatin mester di curashi?

5. Con largo hende tabata biba e tempo ei, pero cuanto aña Enok a biba?

6. Kico a sosode despues cu Enok a muri?

Preguntanan adicional:

1. Lesa Genesis 5:21-24 y 27.

   1. Ki clase di relacion Enok tabatin cu Jehova? (Gen. 5:24)

   2. Segun Bijbel, ken ta e homber cu a biba mas largo, y cuanto aña e tabatin ora el a muri? (Gen. 5:27)

2. Lesa Genesis 6:5.

   Con malo situacion riba Tera a bira despues cu Enok a muri, y con nos por compara esaki cu nos tempo? (2 Tim. 3:13)

3. Lesa Hebreonan 11:5.

   Cua cualidad di Enok a “agrada Dios”, y kico tabata e resultado? (Gen. 5:22)

4. Lesa Judas 14 y 15.

   Con cristiannan awe por imita Enok su curashi ora di spierta hende tocante e guera di Armagedon cu ta acerca? (2 Tim. 4:2; Heb. 13:6)

Relato 8

1. Kico a sosode ora algun di Dios su angelnan a scucha Satanas?

2. Pakico algun angel a bandona nan trabou den shelo y baha na Tera?

3. Dicon tabata incorecto pa e angelnan baha na Tera y forma curpa humano pa nan mes?

4. Con asina e yiunan di e angelnan tabata diferente?

5. Manera bo por mira riba e plachi, kico e yiunan di e angelnan a haci ora nan a bira gigante?

6. Ken tabata un bon hende cu a biba riba Tera despues di Enok, y pakico Dios tabata stim’e?

Preguntanan adicional:

1. Lesa Genesis 6:1-8.

   Kico Genesis 6:6 ta revela tocante e manera cu nos conducta ta afecta Jehova su sintimentonan? (Sal. 78:40, 41; Pro. 27:11)

2. Lesa Judas 6.

   Con e angelnan cu “no a warda nan mes posicion” den tempo di Noe ta sirbi como un recordatorio pa nos awe? (1 Cor. 3:5-9; 2 Ped. 2:4, 9, 10)

Relato 9

1. Cuanto hende tabatin den Noe su famia, y con su tres yiu hombernan tabata yama?

2. Ki cos straño Dios a pidi Noe haci, y dicon?

3. Con Noe su bisiñanan a reacciona ora el a conta nan di e arca?

4. Kico Dios a bisa Noe pa e haci cu e bestianan?

5. Despues cu Dios a sera porta di e arca, kico Noe y su famia mester a haci?

Preguntanan adicional:

1. Lesa Genesis 6:9-22.

   1. Dicon Noe tabata un adorado sobresaliente di e Dios berdadero? (Gen. 6:9, 22)

   2. Kico Jehova ta pensa tocante violencia, y con esaki mester afecta e manera cu nos ta scohe nos entretenimento? (Gen. 6:11, 12; Sal. 11:5)

   3. Con nos por imita Noe ora nos ricibi guia pa medio di Jehova su organisacion? (Gen. 6:22; 1 Juan 5:3)

2. Lesa Genesis 7:1-9.

   Dicon e echo cu Jehova a considera Noe husto a pesar cu e tabata un homber imperfecto ta anima nos? (Gen. 7:1; Pro. 10:16; Isa. 26:7)

Relato 10

1. Dicon ni un hende no por a drenta e arca ora awa a cuminsa cai?

2. Pa cuanto dia y cuanto anochi Jehova a laga awa cai, y te con halto e awa a subi?

3. Kico a sosode cu e arca ora awa a cuminsa tapa e Tera?

4. E gigantenan a sobrevivi e diluvio? Anto kico a pasa cu e tatanan di e gigantenan?

5. Kico a sosode cu e arca despues di cinco luna?

6. Pakico Noe a laga un raaf sali for di e arca?

7. Con Noe a haya sa cu e awanan cu tabata tapa Tera a baha?

8. Kico Dios a bisa Noe despues cu e y su famia tabatin mas cu un aña den e arca?

Preguntanan adicional:

1. Lesa Genesis 7:10-24.

   1. Con completo e destruccion di e cosnan bibo riba Tera tabata? (Gen. 7:23)

   2. Cuanto tempo a tuma pa e awanan di e diluvio bai? (Gen. 7:24)

2. Lesa Genesis 8:1-17.

   Con Genesis 8:17 ta mustra cu Jehova su proposito original pa Tera no a cambia? (Gen. 1:22)

3. Lesa 1 Pedro 3:19 y 20.

   1. Ora e angelnan rebelde a bolbe na shelo, ki huicio nan a ricibi? (Judas 6)

   2. Con e relato di Noe y su famia ta fortalece nos confiansa den Jehova su habilidad pa libra su pueblo? (2 Ped. 2:9)

Relato 11

1. Manera bo por mira riba e plachi, kico ta e prome cos cu Noe a haci ora el a sali for di e arca?

2. Ki mandamento Dios a duna Noe y su famia despues di e diluvio?

3. Ki promesa Dios a haci?

4. Ora nos mira un regenboog, kico e mester haci nos corda?

Preguntanan adicional:

1. Lesa Genesis 8:18-22.

   1. Awendia, con nos por trece un “holo dushi” pa Jehova? (Gen. 8:21; Heb. 13:15, 16)

   2. Ki observacion Jehova a haci tocante e condicion di hende su curason, y p’esei nos mester tene cuidou cu kico? (Gen. 8:21; Mat. 15:18, 19)

2. Lesa Genesis 9:9-17.

   1. Ki promesa Jehova a haci na tur criatura riba Tera? (Gen. 9:10, 11)

   2. Pa cuanto tempo e promesa di regenboog lo keda na vigor? (Gen. 9:16)

Relato 12

1. Ken Nimrod tabata, y kico Dios a pensa tocante dje?

2. Dicon e hendenan riba e plachi ta traha bloki?

3. Pakico Jehova no a gusta loke nan tabata traha?

4. Con Dios a para trahamento di e toren?

5. Ki nomber e stad a haya, y kico e nomber ei ta nifica?

6. Kico a para di e hendenan despues cu Dios a confundi nan idioma?

Preguntanan adicional:

1. Lesa Genesis 10:1 y 8-10.

   Ki caracter Nimrod tabatin, y ki spiertamento esei ta pa nos? (Pro. 3:31)

2. Lesa Genesis 11:1-9.

   Kico a motiva e hendenan pa traha e toren, y dicon nan proyecto tabata condena na fracaso? (Gen. 11:4; Pro. 16:18; Juan 5:44)

Relato 13

1. Ki sorto di hende tabata biba den e stad Ur?

2. Ken e homber riba e plachi ta, na ki tempo el a nace y na unda e tabata biba?

3. Kico Dios a manda Abraham haci?

4. Dicon Abraham a ser yama amigo di Dios?

5. Ken a bai hunto cu Abraham ora el a bandona Ur?

6. Kico Dios a bisa Abraham ora el a yega e tera di Canaan?

7. Kico Dios a priminti Abraham ora e tabatin 99 aña di edad?

Preguntanan adicional:

1. Lesa Genesis 11:27-32.

   1. Kico Abraham tabata di Lot? (Gen. 11:27)

   2. Aunke Bijbel ta bisa cu ta Tare a bai Canaan cu su famia, con nos sa cu ta Abraham a tuma e iniciativa pa bai, y dicon el a hacie? (Gen. 11:31; Echo. 7:2-4)

2. Lesa Genesis 12:1-7.

   Kico Jehova a agrega na e promesa haci na Abraham despues cu Abraham a yega e tera di Canaan? (Gen. 12:7)

3. Lesa Genesis 17:1-8 y 15-17.

   1. Con Abram su nomber a cambia ora e tabatin 99 aña di edad, y dicon? (Gen. 17:5)

   2. Ki bendicionnan pa futuro Jehova a priminti Sara? (Gen. 17:15, 16)

4. Lesa Genesis 18:9-19.

   1. Segun Genesis 18:19, ki responsabilidad tatanan tin? (Deu. 6:6, 7; Efe. 6:4)

   2. Cua experencia di Sara ta mustra cu nos no por sconde nada pa Jehova? (Gen. 18:12, 15; Sal. 44:21)

Relato 14

1. Kico Dios a priminti Abraham, y con Dios a cumpli cu su promesa?

2. Manera e plachi ta mustra, con Dios a pone Abraham su fe na prueba?

3. Kico Abraham a haci, a pesar cu e no a compronde pakico Dios a mand’e haci un cos asina?

4. Kico a sosode ora Abraham a saca cuchiu pa mata su yiu?

5. Con fuerte Abraham su fe den Dios tabata?

6. Kico Dios a percura pa Abraham por a sacrifica, y con Dios a hacie?

Preguntanan adicional:

1. Lesa Genesis 21:1-7.

   Pakico Abraham a circuncida su yiu riba e di ocho dia? (Gen. 17:10-12; 21:4)

2. Lesa Genesis 22:1-18.

   Con Isaak a mustra sumision na su tata Abraham, y con esaki a prefigura un suceso mas importante? (Gen. 22:7-9; 1 Cor. 5:7; Fil. 2:8, 9)

Relato 15

1. Dicon Abraham y Lot a separa?

2. Pakico Lot a scohe pa bai biba na Sodoma?

3. Con e hendenan na Sodoma tabata?

4. Ki spiertamento dos angel a duna Lot?

5. Dicon e esposa di Lot a bira un pilar di salo?

6. Ki les nos por siña for di loke a sosode cu esposa di Lot?

Preguntanan adicional:

1. Lesa Genesis 13:5-13.

   Ki les nos por siña for di Abraham tocante con pa resolve problema entre hende? (Gen. 13:8, 9; Rom. 12:10; Fil. 2:3, 4)

2. Lesa Genesis 18:20-33.

   Con e manera cu Jehova a trata cu Abraham ta duna nos confiansa cu Jehova y Hesus lo husga cu husticia? (Gen. 18:25, 26; Mat. 25:31-33)

3. Lesa Genesis 19:1-29.

   1. Kico e relato di Bijbel aki ta siña nos tocante Dios su punto di bista di homosexualidad? (Gen. 19:5, 13; Lev. 20:13)

   2. Ki diferencia nos ta mira den e manera cu Lot a reacciona na Dios su guia y e manera cu Abraham a hacie, y kico nos por siña for di esaki? (Gen. 19:15, 16, 19, 20; 22:3)

4. Lesa Lucas 17:28-32.

   Ki actitud e esposa di Lot tabatin den su curason tocante cos material, y con esaki ta sirbi como un spiertamento pa nos? (Luc. 12:15; 17:31, 32; Mat. 6:19-21, 25)

5. Lesa 2 Pedro 2:6-8.

   Mescos cu Lot, ki actitud nos mester tin tocante e mundo malbado cu tin rond di nos? (Eze. 9:4; 1 Juan 2:15-17)

Relato 16

1. Ken e homber y e hende muher riba e plachi ta?

2. Kico Abraham a haci pa e haya un esposa pa su yiu, y pakico?

3. Con Dios a contesta e oracion di Abraham su cria?

4. Kico Rebeca a bisa ora nan a puntr’e si e kier casa cu Isaak?

5. Kico a haci Isaak bira contento atrobe?

Preguntanan adicional:

1. Lesa Genesis 24:1-67.

   1. Ki cualidadnan excelente Rebeca a mustra ora el a topa e cria di Abraham na e pos? (Gen. 24:17-20; Pro. 31:17, 31)

   2. Ki ehempel excelente cristiannan berdadero di awendia por haya den e areglo cu Abraham a haci pa Isaak? (Gen. 24:37, 38; 1 Cor. 7:39; 2 Cor. 6:14)

   3. Pakico nos mester saca tempo pa medita mescos cu Isaak a haci? (Gen. 24:63; Sal. 77:12; Fil. 4:8)

Relato 17

1. Ken Esau cu Jacob tabata, y con asina nan tabata diferente?

2. Ki edad Esau cu Jacob tabatin ora nan welo Abraham a muri?

3. Kico Esau a haci cu a pone su mama y su tata bira hopi tristo?

4. Pakico Esau a bira masha rabia cu su ruman Jacob?

5. Ki instruccion Isaak a duna su yiu Jacob?

Preguntanan adicional:

1. Lesa Genesis 25:5-11 y 20-34.

   1. Kico Jehova a profetisa tocante e dos yiu hombernan di Rebeca? (Gen. 25:23)

   2. Ki diferencia tabatin entre e actitud di Jacob y esun di Esau tocante e derecho di primogenito? (Gen. 25:31-34)

2. Lesa Genesis 26:34 y 35; 27:1-46; y 28:1-5.

   1. Con Esau su falta di aprecio pa cosnan spiritual a keda bisto? (Gen. 26:34, 35; 27:46)

   2. Pa Jacob por a ricibi Dios su bendicion, kico Isaak a mand’e haci? (Gen. 28:1-4)

3. Lesa Hebreonan 12:16 y 17, NW.

   Manera e ehempel di Esau ta mustra, kico lo sosode cu hende cu desprecia cosnan sagrado?

Relato 18

1. Ken ta e mucha muher riba e plachi, y kico Jacob a haci p’e?

2. Kico Jacob tabata dispuesto pa haci pa e por a casa cu Raquel?

3. Kico Laban a haci ora e tempo a yega pa Jacob casa cu Raquel?

4. Kico Jacob a acepta pa haci pa Raquel por a bira su esposa?

Preguntanan adicional:

1. Lesa Genesis 29:1-30.

   1. Asta ora Laban a nek Jacob, con Jacob a mustra cu e ta un hende honorabel, y kico nos por siña for di esaki? (Gen. 25:27; 29:26-28; Mat. 5:37)

   2. Con e ehempel di Jacob ta mustra e diferencia cu tin entre stima un hende y gust’e? (Gen. 29:18, 20, 30; Cant. 8:6)

   3. Cua ta e cuater hende muhernan cu a forma parti di e famia di Jacob y cu a dun’e yiu despues? (Gen. 29:23, 24, 28, 29)

Relato 19

1. Con yama e seis yiu hombernan cu Jacob a haya cu su prome esposa, Lea?

2. Cua ta e dos yiu hombernan cu Zilpa e cria di Lea a duna Jacob?

3. Con yama e dos yiu hombernan cu Bilha e cria di Raquel a duna Jacob?

4. Cua ta e dos yiu hombernan cu Raquel a haya, pero kico a sosode ora e di dos yiu homber a nace?

5. Manera bo por mira riba e plachi, cuanto yiu homber Jacob tabatin, y kico a bini for di nan?

Preguntanan adicional:

1. Lesa Genesis 29:32-35; 30:1-26 y 35:16-19.

   Manera e caso di e 12 yiu hombernan di Jacob ta mustra, con Hebreonan tabata duna nan yiu hombernan nomber den antiguedad?

2. Lesa Genesis 37:35.

   Maske ta Dina so Bijbel ta menciona pa nomber, con nos sa cu Jacob tabatin mas cu un yiu muher? (Gen. 37:34, 35)

Relato 20

1. Dicon Abraham y Isaak no tabata kier pa nan yiunan casa cu hende di e tera di Canaan?

2. Jacob a haya cu ta bon pa su yiu muher bira amiga di mucha muhernan di Canaan?

3. Ken ta e homber riba e plachi cu ta wak Dina, y ki cos malo el a haci?

4. Kico Simeon y Levi, rumannan homber di Dina, a haci ora nan a tende loke a sosode?

5. Jacob a haya ta bon loke Simeon y Levi a haci?

6. Con tur e problemanan ei cu e famia a pasa aden a cuminsa?

Preguntanan adicional:

1. Lesa Genesis 34:1-31.

   1. Ta un biaha so Dina a bai cerca e yiu muhernan di Canaan? Splica. (Gen. 34:1, NW)

   2. Dicon te na cierto grado tabata Dina su mes falta cu el a perde su birginidad? (Gal. 6:7)

   3. Con hobennan awe por mustra cu nan ta tuma loke a sosode cu Dina como spiertamento? (Pro. 13:20; 1 Cor. 15:33; 1 Juan 5:19)

Relato 21

1. Pakico Jose su rumannan tabata jaloers riba dje, y kico nan a haci?

2. Kico Jose su rumannan kier a haci cu ne, pero kico Ruben a bisa?

3. Kico a sosode ora algun comerciante Ismaelita a pasa eibanda?

4. Kico e rumannan di Jose a haci pa pone nan tata kere cu Jose a muri?

Preguntanan adicional:

1. Lesa Genesis 37:1-35.

   1. Con cristiannan por imita e ehempel di Jose, informando ora malecho sosode den congregacion? (Gen. 37:2; Lev. 5:1; 1 Cor. 1:11)

   2. Kico a pone Jose su rumannan trat’e na un manera asina traicionero? (Gen. 37:11, 18; Pro. 27:4; Sant. 3:14-16)

   3. Kico Jacob a haci cu ta normal pa hende haci ora nan ta hopi tristo? (Gen. 37:35)

Relato 22

1. Cuanto aña Jose tabatin ora nan a hib’e Egipto, y kico a sosode ora el a yega aya?

2. Con bin nan a sera Jose den prizon?

3. Ki asignacion Jose a ricibi den prizon?

4. Ora Jose tabata den prizon, kico el a haci pa e copero y e panadero di Farao?

5. Kico a pasa despues cu e copero a sali for di prizon?

Preguntanan adicional:

1. Lesa Genesis 39:1-23.

   Ya cu no tabatin ningun lei skirbi di Dios cu a condena adulterio den tempo di Jose, kico ta loke a impuls’e pa hui for di esposa di Potifar? (Gen. 2:24; 20:3; 39:9)

2. Lesa Genesis 40:1-23.

   1. Describi brevemente e soño di e copero y e interpretacion cu Jehova a duna Jose. (Gen. 40:9-13)

   2. Ki soño e panadero tabatin, y kico e soño a nifica? (Gen. 40:16-19)

   3. Awe, con e esclabo fiel y prudente ta imita e actitud cu Jose tabatin? (Gen. 40:8; Sal. 36:9; Juan 17:17; Echo. 17:2, 3)

   4. Con Genesis 40:20 ta aclara e punto di bista cu cristiannan tin tocante celebracion di hacimento di aña? (Ecl. 7:1; Mar. 6:21-28)

Relato 23

1. Kico a pasa Farao un anochi?

2. Dicon e copero a bin corda riba Jose porfin?

3. Cua dos soñonan Farao a haya, manera bo por mira riba e plachi?

4. Kico Jose a bisa cu e soñonan ta nifica?

5. Con bin Jose a bira e homber mas importante na Egipto despues di Farao?

6. Pakico Jose su rumannan a bai Egipto, y dicon nan no a reconoce Jose?

7. Ki soño Jose a corda, y kico esei a yud’e compronde?

Preguntanan adicional:

1. Lesa Genesis 41:1-57.

   1. Con Jose a dirigi atencion na Jehova, y con cristiannan djawe por imita su ehempel? (Gen. 41:16, 25, 28; Mat. 5:16; 1 Ped. 2:12)

   2. Con e bon añanan na Egipto, sigui pa e añanan di scarsedad, ta un bon ilustracion di e contraste cu tin entre e condicion spiritual di Jehova su pueblo y cristiandad awe? (Gen. 41:29, 30; Amos 8:11, 12)

2. Lesa Genesis 42:1-8 y 50:20.

   Ta malo pa sirbidornan di Jehova buig dilanti di un hende pa mustra honor of respet pa su posicion, si esei ta e custumber di e pais? (Gen. 42:6)

Relato 24

1. Pakico Jose a acusa su rumannan di ta spion?

2. Pakico Jacob a laga Benjamin, su yiu mas chikito, bai Egipto?

3. Con e copa di plata di Jose a yega den e saco di Benjamin?

4. Kico Juda a ofrece pa haci, pa nan laga Benjamin liber?

5. Con Jose su rumannan a cambia?

Preguntanan adicional:

1. Lesa Genesis 42:9-38.

   Con loke Jose a bisa na Genesis 42:18 ta un bunita recordatorio pa esnan cu tin responsabilidad den Jehova su organisacion awe? (Neh. 5:15; 2 Cor. 7:1, 2)

2. Lesa Genesis 43:1-34.

   1. Maske Ruben tabata e yiu mayo, con nos por mira claramente cu ta Juda a hiba palabra pa su rumannan? (Gen. 43:3, 8, 9; 44:14, 18; 1 Cro. 5:2)

   2. Aparentemente, con Jose a test su rumannan, y pakico? (Gen. 43:33, 34)

3. Lesa Genesis 44:1-34.

   1. Como parti di Jose su plan pa su rumannan no haya sa ken e ta, el a haci como si fuera e ta ken? (Gen. 44:5, 15; Lev. 19:26)

   2. Con e rumannan di Jose a demostra cu e spirito di envidia cu nan tabatin prome a disparce? (Gen. 44:13, 33, 34)

Relato 25

1. Kico a sosode ora Jose a bisa su rumannan ken e ta?

2. Kico Jose a splica su rumannan bondadosamente?

3. Kico Farao a bisa ora el a tende tocante Jose su rumannan?

4. Con grandi e famia di Jacob tabata ora nan a bai biba na Egipto?

5. Ki nomber Jacob su famia a haya despues, y dicon?

Preguntanan adicional:

1. Lesa Genesis 45:1-28.

   Con e relato di Bijbel tocante Jose ta mustra cu Jehova por pone cu ora hende purba haci su sirbidornan daño, esei ta resulta den algo bon? (Gen. 45:5-8; Isa. 8:10; Fil. 1:12-14)

2. Lesa Genesis 46:1-27.

   Ki siguransa Jehova a duna Jacob riba caminda pa Egipto? (Gen. 46:1-4, nota na pia di pagina den NW)

Relato 26

1. Ken Job tabata?

2. Kico Satanas a purba haci, pero, el a logra?

3. Kico Jehova a permiti Satanas haci, y pakico?

4. Pakico Job su esposa a bis’e pa ‘plega Dios y muri’? (Wak e plachi.)

5. Manera bo por mira riba e di dos plachi, con Jehova a bendiciona Job, y pakico?

6. Si nos ta fiel na Jehova mescos cu Job, ki bendicion nos lo ricibi?

Preguntanan adicional:

1. Lesa Job 1:1-22.

   Con cristiannan djawe por imita Job? (Job 1:1; Fil. 2:15; 2 Ped. 3:14)

2. Lesa Job 2:1-13.

   Con Job y su esposa a reacciona na dos manera net contrario di otro ora Satanas a manda persecucion riba nan? (Job 2:9, 10; Pro. 19:3; Mik. 7:7; Mal. 3:14)

3. Lesa Job 42:10-17.

   1. Con e recompensa cu Job a ricibi ta similar na loke Hesus a ricibi debi cu el a keda fiel durante su bida riba Tera? (Job 42:12; Fil. 2:9-11)

   2. Con e bendicionnan cu Job a ricibi pa motibo cu el a mantene su integridad na Dios ta anima nos? (Job 42:10, 12; Heb. 6:10; Sant. 1:2-4, 12; 5:11)

Relato 27

1. Riba e plachi, ken e homber cu e zwiep ta y ken e ta suta?

2. Despues cu Jose a muri, kico a sosode cu e Israelitanan?

3. Pakico e Egipcionan a haya miedo di e Israelitanan?

4. Kico Farao a manda e parteranan di e Israelitanan haci?

Preguntanan adicional:

1. Lesa Exodo 1:6-22.

   1. Con Jehova a cuminsa cumpli cu su promesa na Abraham? (Exo. 1:7; Gen. 12:2; Echo. 7:17)

   2. Con e parteranan Hebreo a mustra respet pa santidad di bida? (Exo. 1:17; Gen. 9:6)

   3. Con Jehova a recompensa e parteranan pa nan fieldad? (Exo.1:20, 21; Pro. 19:17)

   4. Con Satanas a purba stroba cumplimento di Jehova su proposito tocante e Simiña priminti di Abraham? (Exo. 1:22; Mat. 2:16)

Relato 28

1. Ken e baby riba e plachi ta, y ken su dede e ta tene?

2. Kico Moises su mama a haci pa nan no mat’e?

3. Ken e mucha muher chikito riba e plachi ta, y kico el a haci?

4. Ora e yiu muher di Farao a haya e baby, kico Miriam a sugeri pa e haci?

5. Kico e princesa a bisa e mama di Moises?

Pregunta adicional:

1. Lesa Exodo 2:1-10.

   Ki oportunidad Moises su mama a haya pa entrena y siña Moises tempo e tabata chikito, y ki ehempel esaki ta pa mayornan awe? (Exo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15)

Relato 29

1. Na unda Moises a crece, pero kico e tabata sa tocante su mayornan?

2. Kico Moises a haci ora e tabatin 40 aña di edad?

3. Kico Moises a bisa un homber Israelita cu tabata bringa, y con e homber a responde?

4. Pakico Moises a hui for di Egipto?

5. Na unda Moises a hui bai, y ken el a topa ei?

6. Kico Moises a haci durante e 40 añanan despues cu el a hui for di Egipto?

Preguntanan adicional:

1. Lesa Exodo 2:11-25.

   A pesar di tur e añanan di educacion den e sabiduria di e Egipcionan, con Moises a demostra su lealtad na Jehova y su pueblo? (Exo. 2:11, 12; Heb. 11:24)

2. Lesa Echonan 7:22-29.

   Ki les nos por saca for di Moises su intento pa libra un Israelita cu su mes forsa for di sclabitud na Egipto? (Echo. 7:23-25; 1 Ped. 5:6, 10)

Relato 30

1. Con yama e sero cu bo ta mira riba e plachi?

2. Conta ki cos straño Moises a mira ora el a bai na e sero cu su carnenan.

3. Kico un stem for di e mata na candela a bisa, y ta ken su stem e tabata?

4. Con Moises a responde ora Dios a bis’e cu e lo guia e pueblo di Dios pa sali for di Egipto?

5. Kico Dios a manda Moises bisa si nan puntr’e ta ken a mand’e?

6. Con Moises lo por a duna prueba cu ta Dios a mand’e?

Preguntanan adicional:

1. Lesa Exodo 3:1-22.

   Con e experencia di Moises ta duna nos confiansa cu asta ora nos ta sinti cu nos no ta cualifica pa un cierto asignacion teocratico, Jehova lo yuda nos? (Exo. 3:11, 13; 2 Cor. 3:5, 6)

2. Lesa Exodo 4:1-20.

   1. Con Moises su actitud a cambia durante e 40 añanan cu el a pasa na Madian, y kico esnan cu ta purba alcansa privilegionan den congregacion por siña for di esaki? (Exo. 2:11, 12; 4:10, 13; Mik. 6:8; 1 Tim. 3:1, 6, 10)

   2. Asta ora Jehova disciplina nos pa medio di su organisacion, ki siguransa e ehempel di Moises por duna nos? (Exo. 4:12-14; Sal. 103:14; Heb. 12:4-11)

Relato 31

1. Kico e Israelitanan a haci ora nan a mira e milagernan cu Moises y Aaron a haci?

2. Kico Moises y Aaron a bisa Farao, y kico Farao a contesta?

3. Manera bo por mira riba e plachi, kico a sosode ora Aaron a tira su bara na suela?

4. Con Jehova a siña Farao un les, y kico Farao a haci e ora ei?

5. Kico a sosode despues di e di dies plaga?

Preguntanan adicional:

1. Lesa Exodo 4:27-31 y 5:1-23.

   Kico Farao tabata kiermen ora el a bisa: ‘Mi no conoce Jehova mes’? (Exo. 5:2; 1 Sam. 2:12; Rom. 1:21)

2. Lesa Exodo 6:1-13, 26-30.

   1. Den ki sentido Jehova no a haci su mes conoci na Abraham, Isaak y Jacob? (Exo. 3:13, 14, NW; 6:3; Gen. 12:8)

   2. Con nos mester sinti awor cu nos sa cu Jehova a uza Moises a pesar cu Moises a sinti cu e no ta e persona adecua pa e tarea cu Dios a dun’e? (Exo. 6:12, 30; Luc. 21:13-15)

3. Lesa Exodo 7:1-13.

   1. Ora Moises y Aaron a informa Farao cu curashi tocante Jehova su huicio, ki ehempel nan a pone pa sirbidornan di Dios awe? (Exo. 7:2, 3, 6; Echo. 4:29-31)

   2. Con Jehova a demostra cu e ta superior cu e diosnan di e Egipcionan? (Exo. 7:12; 1 Cro. 29:12)

Relato 32

1. Uza e plachinan aki pa splica cua tabata e prome tres plaganan cu Jehova a manda riba Egipto.

2. Ki diferencia tabatin entre e prome tres plaganan y e otronan cu a bini despues?

3. Kico tabata e di cuater, di cinco y di seis plaga?

4. Kico tabata e di shete, di ocho y di nuebe plaga?

5. Kico Jehova a manda e Israelitanan haci prome cu e di dies plaga?

6. Kico tabata e di dies plaga, y kico a sosode despues?

Preguntanan adicional:

1. Lesa Exodo 7:19–8:23.

   1. Maske e sacerdotenan practicante di magia di Egipto a logra imita e prome dos plaganan di Jehova, kico nan a haya nan obliga di admiti despues di e di tres plaga? (Exo. 8:18, 19; Mat. 12:24-28)

   2. Con e di cuater plaga a demostra cu Jehova ta capas pa proteha su pueblo, y con esaki ta laga Jehova su pueblo sinti, ya cu nan sa cu e “gran tribulacion” profetisa ta na caminda? (Exo. 8:22, 23; Rev. 7:13, 14; 2 Cro. 16:9)

2. Lesa Exodo 8:24; 9:3, 6, 10, 11, 14, 16, 23-25 y 10:13-15, 21-23.

   1. Cua dos grupo Farao y e sacerdotenan practicante di magia a representa, y awe, kico e dos gruponan aki no por a logra haci tampoco? (Exo. 8:10, 18, 19; 9:14)

   2. Con Exodo 9:16 ta yuda nos compronde dicon Jehova a permiti Satanas keda existi te awor? (Rom. 9:21, 22)

3. Lesa Exodo 12:21-32.

   Con e Pasco Hudiu a haci salbacion posibel pa hopi hende, y na kico e Pasco ei a señala? (Exo. 12:21-23; Juan 1:29; Rom. 5:18, 19, 21; 1 Cor. 5:7)

Relato 33

1. Cuanto homber Israelita a sali for di Egipto, hunto cu hende muher y mucha, y ken mas a sali hunto cu nan?

2. Con Farao a sinti despues cu el a laga e Israelitanan bai, anto kico el a haci?

3. Kico Jehova a haci pa stroba e Egipcionan di ataca su pueblo?

4. Kico a sosode ora Moises a saca su bara riba Lama Cora, y kico e Israelitanan a haci?

5. Kico a pasa ora e Egipcionan a core drenta Lama Cora tras di e Israelitanan?

6. Con e Israelitanan a mustra cu nan tabata contento y gradicido na Jehova dor cu nan a scapa?

Preguntanan adicional:

1. Lesa Exodo 12:33-36.

   Con Jehova a percura pa su pueblo ricibi recompensa pa tur e añanan di sclabitud cu nan a pasa bou di mando di e Egipcionan? (Exo. 3:21, 22; 12:35, 36)

2. Lesa Exodo 14:1-31.

   Ki efecto Moises su palabranan skirbi na Exodo 14:13 y 14 tin riba sirbidornan di Jehova awe cu pronto ta bai confronta e benidero bataya di Armagedon? (2 Cro. 20:17; Sal. 91:8)

3. Lesa Exodo 15:1-8, 20 y 21.

   1. Pakico sirbidornan di Jehova mester canta alabansa p’e? (Exo. 15:1, 2; Sal. 105:2, 3; Rev. 15:3, 4)

   2. Con e manera cu Miriam y e hende muhernan na Lama Cora a alaba Jehova ta sirbi como un ehempel pa hende muher cristian di nos tempo? (Exo. 15:20, 21; Sal. 68:11, NW)

Relato 34

1. Kico e hendenan riba e plachi ta piki for di suela, y con yama e cos ei?

2. Ki ordo Moises ta duna e hendenan tocante pikimento di mana?

3. Kico Jehova a manda e pueblo haci riba e di seis dia, y dicon?

4. Ki milager Jehova a haci ora e hendenan a warda mana pa e di shete dia?

5. Pa cuanto tempo Jehova a keda alimenta e pueblo cu mana?

Preguntanan adicional:

1. Lesa Exodo 16:1-36 y Numbernan 11:7-9.

   1. Con Exodo 16:8 ta mustra cu ta importante pa nos respeta nombramento teocratico den e congregacion cristian? (Heb. 13:17)

   2. Den desierto, kico a pone e Israelitanan keda corda diariamente cu nan tabata depende di Jehova? (Exo. 16:14-16, 35; Deu. 8:2, 3)

   3. Ki nificacion simbolico Hesus a aplica na mana, y con nos ta beneficia for di e “pan di shelo” aki? (Juan 6:31-35, 40)

2. Lesa Josue 5:10-12.

   Pa cuanto aña e Israelitanan a come mana, con esaki a pone nan na prueba y kico nos por siña for di e relato aki? (Exo. 16:35; Num. 11:4-6; 1 Cor. 10:10, 11)

Relato 35

1. Mas o menos dos luna despues cu e Israelitanan a sali for di Egipto, unda nan a lanta nan campamento?

2. Kico Jehova a bisa cu e tabata kier pa e pueblo haci, y kico nan a contesta?

3. Pakico Jehova a duna Moises dos tabla di piedra?

4. Ademas di e Dies Mandamentonan, ki otro leinan Jehova a duna e Israelitanan?

5. Cua dos lei Hesucristo a bisa ta esnan di mas grandi?

Preguntanan adicional:

1. Lesa Exodo 19:1-25; 20:1-21; 24:12-18; y 31:18.

   Con e palabranan skirbi na Exodo 19:8 ta yuda nos compronde kico dedicacion cristian ta ensera? (Mat. 16:24; 1 Ped. 4:1-3)

2. Lesa Deuteronomio 6:4-6; Levitico 19:18; y Mateo 22:36-40.

   Con cristiannan ta demostra cu nan stima Dios y nan prohimo? (Mar. 6:34; Echo. 4:20; Rom. 15:2)

Relato 36

1. Kico e hendenan riba e plachi ta haci, y pakico?

2. Dicon Jehova a rabia, y kico Moises a haci ora el a mira loke e pueblo tabata haci?

3. Kico Moises a manda algun di e hombernan haci?

4. Ki les e relato aki mester siña nos?

Preguntanan adicional:

1. Lesa Exodo 32:1-35.

   1. Segun e relato aki ta mustra, kico Jehova ta pensa relaciona cu mesclamento di religion falso cu adoracion berdadero? (Exo. 32:4-6, 10; 1 Cor. 10:7, 11)

   2. Cu kico cristiannan mester tene cuidou ora nan ta scohe entretenimento, manera cantamento y baliamento? (Exo. 32:18, 19; Efe. 5:15, 16; 1 Juan 2:15-17)

   3. Con e tribu di Levi a pone un bon ehempel di para firme na fabor di husticia? (Exo. 32:25-28; Sal. 18:25)

Relato 37

1. Con yama e edificio riba e plachi, y pakico nan tabata uz’e?

2. Pakico Jehova a bisa Moises pa traha e tent na un manera cu e ta facil pa desarma?

3. Kico e caha den e camber chikito na man robes di e tent ta, y kico tin den dje?

4. Ken Jehova ta scohe pa bira sumo sacerdote, y kico e sumo sacerdote mester haci?

5. Menciona tres cos cu tin den e camber grandi di e tent.

6. Kico ta dos cos cu tin den cura di e tabernakel, y pakico nan ta ser uza?

Preguntanan adicional:

1. Lesa Exodo 25:8-40; 26:1-37; 27:1-8; y 28:1.

   Kico e kerubinnan riba e “arca di pacto” a representa? (Exo. 25:20, 22; Num. 7:89; 2 Rei. 19:15)

2. Lesa Exodo 30:1-10, 17-21; 34:1, 2; y Hebreonan 9:1-5.

   1. Pakico Jehova a enfatisa cu tabata importante pa e sacerdotenan cu ta sirbi den e tabernakel ta fisicamente limpi, y ki efecto esaki mester tin riba nos awe? (Exo. 30:18-21; 40:30, 31; Heb. 10:22)

   2. Con apostel Pablo a mustra cu e tabernakel y e pacto di lei no tabata aplicabel mas na momento cu el a skirbi su carta na e cristiannan Hebreo? (Heb. 9:1, 9; 10:1)

Relato 38

1. Kico bo por ripara tocante e troshi di druif riba e plachi, y di unda nan a bini cu ne?

2. Pakico Moises a manda 12 spion na e tera di Canaan?

3. Kico dies spion a bisa ora nan a bin duna Moises nan informe?

4. Con dos spion a mustra cu nan ta confia Jehova, y con nan nomber ta?

5. Pakico Jehova a rabia, y kico el a bisa Moises?

Preguntanan adicional:

1. Lesa Numbernan 13:1-33.

   1. Ken a ser scohi pa bai spiona e tera, y ki oportunidad precioso nan tabatin? (Num. 13:2, 3, 18-20)

   2. Pakico Josue y Caleb tabatin un punto di bista diferente for di e otro spionnan, y kico esaki ta siña nos? (Num. 13:28-30; Mat. 17:20; 2 Cor. 5:7)

2. Lesa Numbernan 14:1-38.

   1. Ki spiertamento nos mester obedece tocante murmura contra Jehova su representantenan riba Tera? (Num. 14:2, 3, 27; Mat. 25:40, 45; 1 Cor. 10:10)

   2. Con Numbernan 14:24 ta mustra cu Jehova tin interes personal den cada un di su sirbidornan? (1 Rei. 19:18; Pro. 15:3)

Relato 39

1. Ken a rebela contra e autoridad di Moises y Aaron, y kico nan a bisa Moises?

2. Kico Moises a bisa Core y su 250 siguidonan?

3. Kico Moises a bisa e pueblo, y kico a sosode asina cu el a caba di papia?

4. Kico a pasa cu Core y su 250 siguidonan?

5. Kico Eleazar yiu di Aaron a haci cu e weyanan-pa-sencia di e hombernan morto, y pakico?

6. Pakico Jehova a laga e bara di Aaron floria? (Wak e plachi.)

Preguntanan adicional:

1. Lesa Numbernan 16:1-49.

   1. Kico Core y su siguidonan a haci, y pakico esei tabata un acto di rebelion contra Jehova? (Num. 16:9, 10, 18; Lev. 10:1, 2; Pro. 11:2)

   2. Ki punto di bista robes Core y e 250 “representantenan di e asamblea” a desaroya? (Num. 16:1-3; Pro. 15:33; Isa. 49:7)

2. Lesa Numbernan 17:1-11 y 26:10.

   1. Kico e echo cu Aaron su bara a floria a indica, y pakico Jehova a manda pa ward’e den e arca? (Num. 17:5, 8, 10)

   2. Ki les vital nos por siña for di e señal di e bara di Aaron? (Num. 17:10; Echo. 20:28; Fil. 2:14; Heb. 13:17)

Relato 40

1. Con Jehova a cuida e Israelitanan tempo cu nan tabata den desierto?

2. Kico e Israelitanan a keha di dje ora nan a establece nan campamento na Kades?

3. Con Jehova a percura awa pa e pueblo y nan bestianan?

4. Ken e homber riba e plachi cu ta mustra riba su mes ta, y dicon e ta haci esei?

5. Pakico Jehova a rabia cu Moises y Aaron, y con el a castiga nan?

6. Kico a sosode na Sero Hor, y ken a bira sumo sacerdote di Israel?

Preguntanan adicional:

1. Lesa Numbernan 20:1-13, 22-29 y Deuteronomio 29:5.

   1. Kico nos ta siña for di e manera cu Jehova a cuida e Israelitanan den desierto? (Deu. 29:5; Mat. 6:31; Heb. 13:5; Sant. 1:17)

   2. Con Jehova a considera e echo cu Moises y Aaron a keda sin santific’e dilanti di Israel? (Num. 20:12; 1 Cor. 10:12; Rev. 4:11)

   3. Kico nos por siña for di e manera cu Moises a reacciona na e disciplina cu el a ricibi for di Jehova? (Num. 12:3; 20:12, 27, 28; Deu. 32:4; Heb. 12:7-11)

Relato 41

1. Kico e cos lora rond di e palo riba e plachi ta, y pakico Jehova a manda Moises pon’e ei?

2. Con e pueblo a mustra cu nan tabata malagradecido pa tur loke Dios a haci pa nan?

3. Kico e pueblo ta pidi Moises haci despues cu Jehova a manda colebra venenoso pa castiga nan?

4. Pakico Jehova a manda Moises traha un colebra di koper?

5. Ki les e relato aki ta siña nos?

Preguntanan adicional:

1. Lesa Numbernan 21:4-9.

   1. Ki spiertamento tin pa nos den e manera cu e Israelitanan a keha tocante e manera cu Jehova a percura pa nan? (Num. 21:5, 6; Rom. 2:4)

   2. Siglonan despues, con e Israelitanan a uza e colebra di koper, y ki accion Rei Ezekias a tuma? (Num. 21:9; 2 Rei. 18:1-4)

2. Lesa Juan 3:14 y 15.

   Dicon e manera cu nan a pone e colebra di koper riba un palo tabata un simbolo apropia di e manera cu a claba Hesucristo na staca? (Gal. 3:13; 1 Ped. 2:24)

Relato 42

1. Ken ta Balak, y pakico el a manda busca Balaam?

2. Dicon e burico di Balaam a cai drumi riba caminda?

3. Kico Balaam a tende e burico bisa?

4. Kico un angel a bisa Balaam?

5. Kico a pasa ora Balaam a purba maldiciona Israel?

Preguntanan adicional:

1. Lesa Numbernan 21:21-35.

   Dicon Israel a derota Rei Sehon di e Amoreonan y Rei Og di Basan? (Num. 21:21, 23, 33, 34)

2. Lesa Numbernan 22:1-40.

   Kico a motiva Balaam pa purba maldiciona Israel, y ki les nos por saca for di esaki? (Num. 22:16, 17; Pro. 6:16, 18; 2 Ped. 2:15; Judas 11)

3. Lesa Numbernan 23:1-30.

   Maske Balaam a papia manera cos cu e ta un adorado di Jehova, con su accionnan a demostra net lo contrario? (Num. 23:3, 11-14; 1 Sam. 15:22)

4. Lesa Numbernan 24:1-25.

   Con e relato biblico aki ta fortalece nos fe cu Jehova su proposito lo ser realisa? (Num. 24:10; Isa. 54:17)

Relato 43

1. Ken ta e dos hombernan riba e plachi para hunto cu Moises?

2. Kico Jehova a bisa Josue?

3. Pakico Moises a subi te na punta di Sero Nebo, y kico Jehova a bis’e?

4. Cuanto aña Moises tabatin ora el a muri?

5. Pakico e pueblo tabata tristo, pero ki motibo nan tabatin pa bira contento?

Preguntanan adicional:

1. Lesa Numbernan 27:12-23.

   Ki tarea importante Josue a ricibi for di Jehova, y kico ta indica cu Jehova ta cuida su pueblo awe? (Num. 27:15-19; Echo. 20:28; Heb. 13:7)

2. Lesa Deuteronomio 3:23-29.

   Pakico Jehova no a laga Moises cu Aaron crusa drenta e tera priminti, y ki les esaki ta pa nos? (Deu. 3:25-27; Num. 20:12, 13)

3. Lesa Deuteronomio 31:1-8 y 14-23.

   Con e palabranan di despedida di Moises na Israel a mustra cu el a acepta e disciplina di Jehova cu humildad? (Deu. 31:6-8, 23)

4. Lesa Deuteronomio 32:45-52.

   Ki efecto e Palabra di Dios mester tin riba nos bida? (Deu. 32:47; Lev. 18:5; Heb. 4:12)

5. Lesa Deuteronomio 34:1-12.

   Maske nunca Moises no a mira Jehova literalmente, kico Deuteronomio 34:10 ta indica encuanto su relacion cu Jehova? (Exo. 33:11, 20; Num. 12:8)

Relato 44

1. Unda Rahab tabata biba?

2. Ken e dos hombernan riba e plachi ta, y pakico nan tabata na Jerico?

3. Kico e rei di Jerico a manda Rahab haci, y kico el a contesta?

4. Con Rahab a yuda e dos hombernan, y ki fabor el a pidi nan?

5. Kico e dos spionnan a priminti Rahab?

Preguntanan adicional:

1. Lesa Josue 2:1-24.

   Con Jehova su promesa skirbi na Exodo 23:28 a cumpli ora e Israelitanan a ataca Jerico? (Jos. 2:9-11)

2. Lesa Hebreonan 11:31.

   Con e ehempel di Rahab ta mustra e importancia di tin fe? (Rom. 1:17; Heb. 10:39; Sant. 2:25)

Relato 45

1. Ki milager Jehova a haci pa e Israelitanan por a crusa Riu Jordan?

2. Ki obra di fe e Israelitanan mester a haci pa nan a crusa Riu Jordan?

3. Pakico Jehova a bisa Josue pa cohe 12 piedra grandi for di fondo seco di e riu?

4. Kico a sosode asina cu e sacerdotenan a subi sali for di Riu Jordan?

Preguntanan adicional:

1. Lesa Josue 3:1-17.

   1. Manera e relato aki ta mustra, kico nos mester haci pa nos ricibi Jehova su yudansa y bendicion? (Jos. 3:13, 15; Pro. 3:5; Sant. 2:22, 26)

   2. Den ki estado Riu Jordan tabata ora e Israelitanan a crusa drenta e Tera Priminti, y con esaki a halsa e nomber di Jehova? (Jos. 3:15; 4:18; Sal. 66:5-7)

2. Lesa Josue 4:1-18.

   Pa ki proposito nan a saca e 12 piedranan for di Riu Jordan y pone nan na Gilgal? (Jos. 4:4-7)

Relato 46

1. Kico Jehova a bisa e hombernan di guera y e sacerdotenan cu nan mester haci pa seis dia?

2. Kico e hombernan mester a haci riba e di shete dia?

3. Manera bo ta mira riba e plachi, kico a sosode cu e muraya di Jerico?

4. Pakico tin un cabuya cora ta colga for di e bentana?

5. Kico Josue a manda e hombernan di guera haci cu e hendenan y e stad, pero kico nan mester a haci cu e plata, oro, koper y hero?

6. Kico e dos spionnan mester a haci?

Preguntanan adicional:

1. Lesa Josue 6:1-25.

   1. Con e marchamento di e Israelitanan rond di Jerico riba e di shete dia ta similar na e actividad di predica di Testigonan di Jehova den e ultimo dianan aki? (Jos. 6:15, 16; Isa. 60:22; Mat. 24:14; 1 Cor. 9:16)

   2. Con e profesia skirbi na Josue 6:26 a cumpli mas o menos 500 aña despues, y kico esaki ta siña nos di e Palabra di Jehova? (1 Rei. 16:34; Isa. 55:11)

Relato 47

1. Ken ta e homber riba e plachi cu ta dera e tesoronan cu nan a cohe na Jerico, y ken ta yud’e?

2. Pakico e cos cu Acan y su famia a haci ta asina grave?

3. Kico Jehova a bisa Josue ora el a puntra Dios pakico e Israelitanan a perde e bataya di Ai?

4. Despues cu a trece Acan y su famia dilanti di Josue, kico a pasa cu nan?

5. Ki les importante e huicio di Acan ta siña nos tur?

Preguntanan adicional:

1. Lesa Josue 7:1-26.

   1. Kico Josue su oracionnan ta siña nos tocante e relacion cu e tabatin cu su Creador? (Jos. 7:7-9; Sal. 119:145; 1 Juan 5:14)

   2. Kico e ehempel di Acan ta mustra, y con esaki ta un spiertamento pa nos? (Jos. 7:11, 14, 15; Pro. 15:3; 1 Tim. 5:24; Heb. 4:13)

2. Lesa Josue 8:1-29.

   Ki responsabilidad personal nos cada un tin cu e congregacion cristian awe? (Jos. 7:13; Lev. 5:1; Pro. 28:13)

Relato 48

1. Con e hendenan di Gabaon tabata diferente for di e Cananeonan den e stadnan bisiña?

2. Manera bo por mira riba e plachi, kico e Gabaonitanan a haci, y pakico?

3. Kico Josue y e lidernan di Israel a priminti e Gabaonitanan, pero kico nan a haya sa tres dia despues?

4. Kico a sosode ora reinan den otro stadnan a tende cu e Gabaonitanan a sera pas cu Israel?

Preguntanan adicional:

1. Lesa Josue 9:1-27.

   1. Ya cu Jehova a manda e nacion di Israel “destrui tur e habitantenan di e tera”, ki caracteristicanan di dje ta sali na cla for di e echo cu el a spar e Gabaonitanan? (Jos. 9:22, 24; Mat. 9:13; Echo. 10:34, 35; 2 Ped. 3:9)

   2. Con Josue a pone un bunita ehempel pa cristiannan djawe dor di tene su mes na e pacto cu el a sera cu e Gabaonitanan? (Jos. 9:18, 19; Mat. 5:37; Efe. 4:25)

2. Lesa Josue 10:1-5.

   Con e multitud grandi ta imita e Gabaonitanan awe, y esei ta haci nan e blanco di kico? (Jos. 10:4; Zac. 8:23; Mat. 25:35-40; Rev. 12:17)

Relato 49

1. Kico Josue ta bisando riba e plachi, y pakico?

2. Con Jehova a yuda Josue y su hombernan di guera?

3. Cuanto rei enemigo Josue a derota, y cuanto tempo esei a tuma?

4. Pakico Josue a parti e tera di Canaan?

5. Cuanto aña Josue tabatin ora el a muri, y kico a sosode cu e pueblo despues?

Preguntanan adicional:

1. Lesa Josue 10:6-15.

   Ya cu nos sa cu ta Jehova a pone solo y luna para keto pa Israel, ki confiansa nos tin awe? (Jos. 10:8, 10, 12, 13; Sal. 18:3; Pro. 18:10)

2. Lesa Josue 12:7-24.

   Ta ken realmente a derota e 31 reinan di Canaan, y pakico esaki ta importante pa nos awe? (Jos. 12:7; 24:11-13; Deu. 31:8; Luc. 21:9, 25-28)

3. Lesa Josue 14:1-5.

   Con e tera a ser parti entre e tribunan di Israel, y kico esaki ta indica tocante e herencianan den Paradijs? (Jos. 14:2; Isa. 65:21; Eze. 47:21-23; 1 Cor. 14:33)

4. Lesa Huesnan 2:8-13.

   Mescos cu Josue den Israel, ken awe ta sirbi como frena contra apostasia? (Hues. 2:8, 10, 11; Mat. 24:45-47; 2 Tes. 2:3-6; Tito 1:7-9; Rev. 1:1; 2:1, 2)

Relato 50

1. Ken e huesnan tabata, y con algun di nan tabata yama?

2. Ki privilegio special Debora a ricibi, y kico esei a ensera?

3. Ora Rei Jabin y su hefe di ehersito, Sisara, a menasa Israel, ki mensahe di Jehova Debora a duna Hues Barak, y ken el a bisa cu lo ricibi e honor?

4. Con Jael a mustra cu e ta un hende muher cu curashi?

5. Kico a sosode despues di morto di Rei Jabin?

Preguntanan adicional:

1. Lesa Huesnan 2:14-22.

   Con e Israelitanan a pone e rabia di Jehova bin riba nan, y ki les nos por siña for di esaki? (Hues. 2:20; Pro. 3:1, 2; Eze. 18:21-23)

2. Lesa Huesnan 4:1-24.

   Ki lesnan tocante fe y curashi hende muher cristian di awe por siña for di ehempel di Debora y Jael? (Hues. 4:4, 8, 9, 14, 21, 22; Pro. 31:30; 1 Cor. 16:13)

3. Lesa Huesnan 5:1-31.

   Con por aplica e cantica di victoria di Barak y Debora como un oracion tocante e benidero guera di Armagedon? (Hues. 5:3, 31; 1 Cro. 16:8-10; Rev. 7:9, 10; 16:16; 19:19-21)

Relato 51

1. Dicon Noemi a bai biba na e tera di Moab?

2. Ken Ruth y Orfa ta?

3. Con Ruth y Orfa a reacciona ora Noemi a bisa nan pa bai bek nan pueblo?

4. Ken ta Boaz, y con el a yuda Ruth y Noemi?

5. Ki nomber e yiu homber di Boaz cu Ruth a haya, y pakico nos mester keda cord’e?

Preguntanan adicional:

1. Lesa Ruth 1:1-17.

   1. Ki bunita expresion di amor leal Ruth a haci? (Ruth 1:16, 17)

   2. Con e disposicion mental di Ruth ta un bon refleho di e actitud cu e “otro carnenan” tin pa e unginan riba Tera awe? (Juan 10:16; Zac. 8:23)

2. Lesa Ruth 2:1-23.

   Con Ruth a pone un bunita ehempel pa hende muhernan hoben awe? (Ruth 2:17, 18; Pro. 23:22; 31:15)

3. Lesa Ruth 3:5-13.

   1. Kico Boaz a pensa di e echo cu Ruth tabata dispuesto pa casa cu ne en bes di un homber mas hoben?

   2. Kico e actitud di Ruth ta siña nos encuanto amor leal? (Ruth 3:10; 1 Cor. 13:4, 5)

4. Lesa Ruth 4:7-17.

   Con hende homber cristian awe por ta manera Boaz? (Ruth 4:9, 10; 1 Tim. 3:1, 12, 13; 5:8)

Relato 52

1. Den ki problema e Israelitanan a haya nan, y dicon?

2. Pakico Jehova a bisa Gideon cu e tin mucho hopi homber den su ehersito?

3. Cuanto hende homber a keda despues cu Gideon a manda e hombernan cu miedo cas?

4. Uza e plachi pa splica con Jehova a baha e cantidad di hende den e ehersito di Gideon te na 300 homber.

5. Con Gideon a organisa su 300 hombernan, y con Israel a gana e bataya?

Preguntanan adicional:

1. Lesa Huesnan 6:36-40.

   1. Con Gideon a haci sigur kico tabata Jehova su boluntad?

   2. Con nos ta haya sa awe kico ta Jehova su boluntad? (Pro. 2:3-6; Mat. 7:7-11; 2 Tim. 3:16, 17)

2. Lesa Huesnan 7:1-25.

   1. Ki les nos por siña for di e 300 hombernan cu a keda alerta na contraste cu esnan cu no a paga tino? (Hues. 7:3, 6; Rom. 13:11, 12; Efe. 5:15-17)

   2. Mescos cu e 300 hombernan a siña dor di wak Gideon, con nos ta siña dor di wak riba e Gideon Mayor, Hesucristo? (Hues. 7:17; Mat. 11:29, 30; 28:19, 20; 1 Ped. 2:21)

   3. Con Huesnan 7:21 ta yuda nos keda contento pa sirbi na unda cu nos ricibi un asignacion den Jehova su organisacion? (1 Cor. 4:2; 12:14-18; Sant. 4:10)

3. Lesa Huesnan 8:1-3.

   Ora nos mester trata desacuerdo personal cu ruman, kico nos por siña for di e manera cu Gideon a resolve e pleito cu e hendenan di e tribu di Efrain? (Pro. 15:1; Mat. 5:23, 24; Luc. 9:48)

Relato 53

1. Ken Jefte tabata, y den ki tempo el a biba?

2. Kico Jefte a priminti Jehova?

3. Dicon Jefte a bira tristo ora el a yega su cas bek despues di a vence e Amonitanan?

4. Kico e yiu muher di Jefte a bisa ora el a haya sa kico su tata a priminti?

5. Dicon e pueblo a stima e yiu muher di Jefte?

Preguntanan adicional:

1. Lesa Huesnan 10:6-18.

   Ki spiertamento nos mester saca for di Israel su historia di infieldad contra Jehova? (Hues. 10:6, 15, 16; Rom. 15:4; Rev. 2:10)

2. Lesa Huesnan 11:1-11 y 29-40.

   1. Con nos sa cu ora Jefte a duna su yiu “como un ofrenda kima” esei no kiermen cu el a ofrec’e den candela como un sacrificio humano? (Hues. 11:31; Lev. 16:24; Deu. 18:10, 12)

   2. Den ki sentido Jefte a ofrece su yiu muher como sacrificio?

   3. Kico nos por siña for di e actitud cu Jefte tabatin tocante su promesa na Jehova? (Hues. 11:35, 39; Ecl. 5:4, 5; Mat. 16:24)

   4. Con e yiu muher di Jefte ta un bunita ehempel pa yuda cristiannan hoben enfoca riba un carera di sirbishi di tempo completo? (Hues. 11:36; Mat. 6:33; Fil. 3:8)

Relato 54

1. Con yama e homber di mas fuerte cu a yega di biba, y ken a dun’e forsa?

2. Kico Samson a haci un biaha cu un leon grandi, manera bo por mira riba e plachi?

3. Ki secreto Samson ta conta Dalila riba e plachi, y con esaki a pone cu e Filisteonan a captur’e?

4. Con Samson a pone 3.000 enemigo Filisteo muri hunto cu ne?

Preguntanan adicional:

1. Lesa Huesnan 13:1-14.

   Con Manoa y su esposa a pone un bon ehempel pa mayornan den lantamento di yiu? (Hues. 13:8; Sal. 127:3; Efe. 6:4)

2. Lesa Huesnan 14:5-9 y 15:9-16.

   1. Kico e relatonan cu ta conta con Samson a mata e leon, a kibra e cabuya nobo cu nan a mar’e cu ne y a uza e cacumbein di un burico macho pa mata 1.000 homber ta revela tocante e manera cu Jehova su spirito santo ta funciona?

   2. Con spirito santo ta yuda nos awe? (Hues. 14:6; 15:14; Zac. 4:6; Echo. 4:31)

3. Lesa Huesnan 16:18-31.

   Con mal asociacion a afecta Samson, y kico esaki ta siña nos? (Hues. 16:18, 19; 1 Cor. 15:33)

Relato 55

1. Con yama e mucha chikito riba e plachi, y ken e otro hendenan ta?

2. Kico Ana a pidi den oracion un dia ora cu el a bishita e tabernakel di Jehova, y con Jehova a contest’e?

3. Cuanto aña Samuel tabatin ora nan a hib’e pa sirbi na Jehova su tent, y kico su mama tabata haci tur aña p’e?

4. Con yama e yiu hombernan di Eli, y ki tipo di hende nan ta?

5. Con Jehova a yama Samuel, y ki mensahe El a dun’e?

6. Kico Samuel a bira ora el a bira grandi, y kico a sosode ora cu el a bira bieu?

Preguntanan adicional:

1. Lesa 1 Samuel 1:1-28.

   1. Ki ehempel excelente Elcana a pone pa cabesnan di famia den e manera cu el a hiba delantera den adoracion berdadero? (1 Sam. 1:3, 21; Mat. 6:33; Fil. 1:10, NW)

   2. Ki les nos por siña for di e manera cu Ana a trata cu un problema dificil? (1 Sam. 1:10, 11; Sal. 55:22; Rom. 12:12)

2. Lesa 1 Samuel 2:11-36.

   Con Eli a honra su yiu hombernan mas cu Jehova, y con esaki por sirbi como un spiertamento pa nos? (1 Sam. 2:22-24, 27, 29; Deu. 21:18-21; Mat. 10:36, 37)

3. Lesa 1 Samuel 4:16-18.

   Cua cuater mal noticia a bini pareu for di e campo di bataya, y ki efecto nan tabatin riba Eli?

4. Lesa 1 Samuel 8:4-9.

   Con Israel a ofende Jehova gravemente, y con nos por apoya su Reino lealmente awe? (1 Sam. 8:5, 7; Juan 17:16; Sant. 4:4)

Relato 56

1. Kico Samuel ta haciendo riba e plachi, y pakico e ta hacie?

2. Pakico Jehova ta gusta Saul, y ki tipo di hende e ta?

3. Con yama e yiu homber di Saul, y kico el a haci?

4. Pakico Saul a ofrece sacrificio en bes di warda pa Samuel hacie?

5. Ki lesnan nos por siña for di e relato tocante Saul?

Preguntanan adicional:

1. Lesa 1 Samuel 9:15-21 y 10:17-27.

   Con Saul su actitud humilde a yud’e evita di actua sin pensa ora cierto hendenan a papia riba dje cu falta di respet? (1 Sam. 9:21; 10:21, 22, 27; Pro. 17:27)

2. Lesa 1 Samuel 13:5-14.

   Ki pica Saul a comete na Gilgal? (1 Sam. 10:8; 13:8, 9, 13)

3. Lesa 1 Samuel 15:1-35.

   1. Ki pica grave Saul a comete relaciona cu Agag, e Rei di Amalek? (1 Sam. 15:2, 3, 8, 9, 22)

   2. Con Saul a purba hustifica su accionnan y tira falta riba otro hende? (1 Sam. 15:24)

   3. Ki spiertamento nos mester tuma na pecho awe ora nos ricibi conseho? (1 Sam. 15:19-21; Sal. 141:5; Pro. 9:8, 9; 11:2)

Relato 57

1. Con yama e mucha homber riba e plachi, y con nos sa cu e tin curashi?

2. Unda David ta biba, y con yama su tata y su welo?

3. Pakico Jehova a manda Samuel bai na cas di Isai na Betlehem?

4. Kico a sosode ora Isai a trece shete di su yiu hombernan pa Samuel?

5. Kico Jehova a bisa Samuel ora David a ser treci paden?

Preguntanan adicional:

1. Lesa 1 Samuel 17:34 y 35.

   Con e sucesonan aki ta resalta cu David tabatin curashi y a depende riba Jehova? (1 Sam. 17:37)

2. Lesa 1 Samuel 16:1-14.

   1. Con Jehova su palabranan na 1 Samuel 16:7 ta yuda nos pa no mustra prehuicio debi na aparencia di hende? (Echo. 10:34, 35; 1 Tim. 2:4)

   2. Con e ehempel di Saul ta mustra cu ora Jehova kita su spirito santo for di un hende, un mal spirito, esta, un deseo fuerte pa haci malo, por bin yena e bashi cu a keda atras? (1 Sam. 16:14; Mat. 12:43-45; Gal. 5:16)

Relato 58

1. Con Goliat a reta e ehersito Israelita?

2. Con grandi Goliat tabata, y ki recompensa Rei Saul a priminti di duna esun cu mata Goliat?

3. Kico David a bisa ora Saul a bis’e cu e no por bringa contra Goliat pasobra e ta apenas un mucha?

4. Con e manera cu David a contesta Goliat a mustra cu e tabata confia den Jehova?

5. Manera bo por mira riba e plachi, kico David a uza pa mata Goliat, y kico a sosode cu e Filisteonan despues di esei?

Preguntanan adicional:

1. Lesa 1 Samuel 17:1-54.

   1. Kico tabata e secreto di David su gran curashi, y con nos por imit’e den esaki? (1 Sam. 17:37, 45; Efe. 6:10, 11)

   2. Pakico cristiannan mester evita di tin un spirito di competencia manera Goliat ora nan ta participa den wega of recreo? (1 Sam. 17:8; Gal. 5:26, NW; 1 Tim. 4:8)

   3. Con e palabranan di David ta indica cu e tabatin fe cu Dios lo apoy’e? (1 Sam. 17:45-47; 2 Cro. 20:15)

   4. En bes di simplemente describi un competencia entre dos ehersito enemigo, con e relato aki ta mustra cu en realidad ta diosnan falso tabata den bataya contra e Dios berdadero, Jehova? (1 Sam. 17:43, 46, 47)

   5. Con e resto ungi ta imita e confiansa cu David tabatin den Jehova? (1 Sam. 17:37; Jer. 1:17-19; Rev. 12:17)

Relato 59

1. Pakico Saul a bira jaloers riba David, pero con Saul su yiu Jonatan si tabata diferente?

2. Kico a sosode un dia ora David tabata toca harpa pa Saul?

3. Kico Saul a bisa cu David mester a haci prome cu e por a casa cu Mical e yiu muher di Saul, y pakico Saul a bisa esei?

4. Ora David tabata toca harpa pa Saul, kico a sosode pa di tres bes, manera bo por mira riba e plachi?

5. Con Mical a yuda scapa David su bida, y kico David mester a haci e ora ei pa shete aña largo?

Preguntanan adicional:

1. Lesa 1 Samuel 18:1-30.

   1. Con e amor inkebrantabel di Jonatan pa David a prefigura e amor cu ta existi entre e “otro carnenan” y e ‘trupa chikito’? (1 Sam. 18:1; Juan 10:16; Luc. 12:32; Zac. 8:23)

   2. Como cu, si bo wak bon, ta Jonatan mester a bira heredero di Saul, con 1 Samuel 18:4 ta mustra cu Jonatan tabata remarcablemente sumiso na esun cu Dios a scohe pa bira rei?

   3. Con e ehempel di Saul ta mustra cu jaloersheid por hiba na pica grave, y con esaki ta sirbi pa spierta nos? (1 Sam. 18:7-9, 25; Sant. 3:14-16)

2. Lesa 1 Samuel 19:1-17.

   Con Jonatan a pone su propio bida na peliger confrontando Saul? (1 Sam. 19:1, 4-6; Pro. 16:14)

Relato 60

1. Con yama e hende muher cu ta bin topa David riba e plachi, y ki clase di persona e ta?

2. Ken ta Nabal?

3. Pakico David a manda algun di su hombernan pidi Nabal un fabor?

4. Kico Nabal a bisa e hombernan di David, y con David a reacciona?

5. Con Abigail a mustra cu e ta un hende muher sabi?

Preguntanan adicional:

1. Lesa 1 Samuel 22:1-4.

   Con e famia di David a pone un bunita ehempel den con nos mester apoya otro den e hermandad cristian? (Pro. 17:17; 1 Tes. 5:14)

2. Lesa 1 Samuel 25:1-43.

   1. Pakico Nabal ta ser describi cu tanto desprecio? (1 Sam. 25:2-5, 10, 14, 21, 25)

   2. Kico esposanan cristian awe por siña for di e ehempel di Abigail? (1 Sam. 25:32, 33; Pro. 31:26; Efe. 5:24)

   3. Abigail a kita David di haci cua dos cos malo? (1 Sam. 25:31, 33; Rom. 12:19; Efe. 4:26)

   4. Con e manera cu David a reacciona riba e palabranan di Abigail ta yuda hende homber awe tin Jehova su punto di bista di hende muher? (Echo. 21:8, 9; Rom. 2:11; 1 Ped. 3:7)

Relato 61

1. Kico David y Abisai a haci mientras Saul tabata drumi den su campamento?

2. Ki preguntanan David a haci Saul?

3. Unda David a bai despues cu el a bai for di caminda Saul tabata?

4. Kico a haci David asina tristo cu el a compone un bunita cantica?

5. Cuanto aña David tabatin ora el a bira rei na Hebron, y con algun di su yiu hombernan tabata yama?

6. Unda David a reina como Rei despues?

Preguntanan adicional:

1. Lesa 1 Samuel 26:1-25.

   1. Kico David su expresion skirbi na 1 Samuel 26:11 por siña nos tocante su actitud pa cu areglo teocratico? (Sal. 37:7; Rom. 13:2)

   2. Ora nos haci nos best pa demostra bondad amoroso y toch resulta cu hende no ta aprecia loke nos ta haci, con e palabranan di David na 1 Samuel 26:23 ta yuda nos keda cu un punto di bista corecto? (1 Rei. 8:32; Sal. 18:20)

2. Lesa 2 Samuel 1:26.

   Con cristiannan awe por desaroya e mesun tipo di ‘amor ferviente pa otro’, manera esun di David y Jonatan? (1 Ped. 4:8; Col. 3:14; 1 Juan 4:12)

3. Lesa 2 Samuel 5:1-10.

   1. Pa cuanto aña David a reina, y con e periodo aki tabata dividi? (2 Sam. 5:4, 5)

   2. Debi na kico David a logra grandesa, y con esei ta sirbi como un recordatorio pa nos awe? (2 Sam. 5:10; 1 Sam. 16:13; 1 Cor. 1:31; Fil. 4:13)

Relato 62

1. Cu yudansa di Jehova, kico a sosode finalmente cu e tera di Canaan?

2. Kico a sosode un anochi ora David tabata den balcon riba dak di su palacio?

3. Pakico Jehova a rabia hopi cu David?

4. Riba e plachi, ken Jehova a manda pa bisa David tocante su picanan, y kico e homber ei a bisa cu lo pasa cu David?

5. Ki problemanan David a haya?

6. Despues di David, ken a bira rei di Israel?

Preguntanan adicional:

1. Lesa 2 Samuel 11:1-27.

   1. Con nos ta ser proteha dor di keda ocupa den Jehova su sirbishi?

   2. Con David a ser tenta pa cai den pica, y con esei ta un spiertamento pa adoradonan di Jehova awe? (2 Sam. 11:2; Mat. 5:27-29; 1 Cor. 10:12; Sant. 1:14, 15)

2. Lesa 2 Samuel 12:1-18.

   1. Ki les anciano- y mayornan por siña for di e manera cu Natan a acerca David pa dun’e conseho? (2 Sam. 12:1-4; Pro. 12:18; Mat. 13:34)

   2. Pakico Jehova a actua cu misericordia den caso di David? (2 Sam. 12:13; Sal. 32:5; 2 Cor. 7:9, 10)

Relato 63

1. Kico Jehova a puntra Salomon, y con el a contesta?

2. Debi cu Jehova a gusta loke Salomon a pidi, kico el a priminti di duna Salomon?

3. Ki problema dificil dos hende muher a presenta na Salomon?

4. Manera bo por mira riba e plachi, con Salomon a resolve e problema?

5. Con e reinado di Salomon tabata, y dicon?

Preguntanan adicional:

1. Lesa 1 Reinan 3:3-28.

   1. Kico hombernan cu a ricibi responsabilidad den Dios su organisacion awe por siña for di e expresion sincero di Salomon na 1 Reinan 3:7? (Sal. 119:105; Pro. 3:5, 6)

   2. Con e peticion di Salomon ta un bon ehempel di cosnan cu nos por pidi p’e den oracion? (1 Rei. 3:9, 11; Pro. 30:8, 9; 1 Juan 5:14)

   3. E manera cu Salomon a trata cu e pleito entre e dos hende muhernan ta duna nos ki siguransa pa futuro relaciona cu e reinado di Hesucristo, e Salomon Mayor? (1 Rei. 3:28; Isa. 9:6, 7; 11:2-4)

2. Lesa 1 Reinan 4:29-34.

   1. Con Jehova a contesta Salomon su peticion pa un curason obediente? (1 Rei. 4:29)

   2. En bista di e esfuersonan cu hende a yega di haci pa tende e sabiduria di Salomon, ki actitud nos mester tin tocante estudio di e Palabra di Dios? (1 Rei. 4:29, 34; Juan 17:3; 2 Tim. 3:16)

Relato 64

1. Cuanto tempo a dura pa Salomon caba di traha e tempel di Jehova, y pakico el a costa asina tanto placa?

2. Cuanto sala principal tabatin den e tempel, y kico nan a pone den e sala interior?

3. Kico Salomon a bisa den su oracion ora e tempel a keda cla?

4. Con Jehova a mustra cu el a keda contento cu e oracion di Salomon?

5. Kico e esposanan di Salomon a logra pon’e haci, y kico a sosode cu Salomon?

6. Pakico Jehova a rabia cu Salomon, y kico Jehova a bis’e?

Preguntanan adicional:

1. Lesa 1 Cronicanan 28:9 y 10.

   En bista di e palabranan di David skirbi na 1 Cronicanan 28:9 y 10, kico nos mester haci nos best pa cumpli cu ne den nos bida diario? (Sal. 19:14; Fil. 4:8, 9)

2. Lesa 2 Cronicanan 6:12-21 y 32-42.

   1. Con Salomon a mustra cu ningun edificio cu hende traha no por contene e Dios Haltisimo? (2 Cro. 6:18; Echo. 17:24, 25)

   2. Kico e palabranan di Salomon na 2 Cronicanan 6:32 y 33 ta mustra tocante Jehova? (Echo. 10:34, 35; Gal. 2:6)

3. Lesa 2 Cronicanan 7:1-5.

   Mescos cu e yiunan di Israel a ser motiva pa expresa alabansa na Jehova ora nan a mira su gloria, ora nos awe mira e manera cu Jehova ta bendiciona su pueblo, ki efecto esei mester tin riba nos? (2 Cro. 7:3; Sal. 22:22; 34:1; 96:2)

4. Lesa 1 Reinan 11:9-13.

   Con e bida di Salomon ta mustra cu ta importante pa nos keda fiel te na fin? (1 Rei. 11:4, 9; Mat. 10:22; Rev. 2:10)

Relato 65

1. Con yama e dos hombernan riba e plachi, y ken nan ta?

2. Kico Ahias a haci cu e mantel cu e tabatin bisti, y kico esei a nifica?

3. Kico Salomon a purba haci cu Jeroboam?

4. Pakico e pueblo a haci Jeroboam rei riba dies tribu?

5. Pakico Jeroboam a traha dos bishe di oro, y kico a sosode cu e tera un poco despues?

6. Kico a sosode cu e reino di dos tribu y e tempel di Jehova na Jerusalem?

Preguntanan adicional:

1. Lesa 1 Reinan 11:26-43.

   Ki clase di persona Jeroboam tabata, y kico Jehova a primintie si el a warda Dios su leinan? (1 Rei. 11:28, 38)

2. Lesa 1 Reinan 12:1-33.

   1. Kico e mal ehempel di Roboam por siña mayor- y ancianonan tocante abuso di autoridad? (1 Rei. 12:13; Ecl. 7:7; 1 Ped. 5:2, 3)

   2. Na ken hobennan mester acudi awe pa ricibi guia confiabel ora di tuma decisionnan importante den bida? (1 Rei. 12:6, 7; Pro. 1:8, 9; 2 Tim. 3:16, 17; Heb. 13:7)

   3. Kico a motiva Jeroboam pa establece dos centro pa adoracion di bishe, y con esei a demostra un gran falta di fe den Jehova? (1 Rei. 11:37; 12:26-28)

   4. Ken a guia e pueblo di e reino di dies tribu pa rebela contra adoracion berdadero? (1 Rei. 12:32, 33)

Relato 66

1. Ken ta Jezabel?

2. Pakico Rei Acab tabata tristo un dia?

3. Kico Jezabel a haci pa haya e cunucu di wendruif di Nabot pa su casa Acab?

4. Ken Jehova a manda pa castiga Jezabel?

5. Manera bo por mira riba e plachi, kico a sosode ora Jehu a yega na Jezabel su palacio?

Preguntanan adicional:

1. Lesa 1 Reinan 16:29-33 y 18:3 y 4.

   Con malo situacion tabata na Israel den tempo di Rei Acab? (1 Rei. 16:33)

2. Lesa 1 Reinan 21:1-16.

   1. Con Nabot a demostra curashi y lealtad na Jehova? (1 Rei. 21:1-3; Lev. 25:23-28)

   2. Kico e ehempel di Acab ta siña nos tocante con pa enfrenta decepcion? (1 Rei. 21:4; Rom. 5:3-5)

3. Lesa 2 Reinan 9:30-37.

   Kico nos por siña for di e celo cu Jehu tabatin pa haci e boluntad di Jehova? (2 Rei. 9:4-10; 2 Cor. 9:1, 2; 2 Tim. 4:2)

Relato 67

1. Ken ta Josafat, y na ki tempo el a biba?

2. Pakico e Israelitanan tin miedo, y kico hopi di nan ta haci?

3. Kico ta Jehova su contesta riba e oracion di Josafat?

4. Kico Jehova a laga sosode prome cu e bataya?

5. Ki les nos por siña for di Josafat?

Preguntanan adicional:

1. Lesa 2 Cronicanan 20:1-30.

   1. Con Josafat a mustra kico sirbidornan fiel di Dios mester haci ora nan ta den peliger? (2 Cro. 20:12; Sal. 25:15; 62:1)

   2. Ya cu semper Jehova a uza un canal di comunicacion den su trato cu su pueblo, ki canal e ta uza awe? (2 Cro. 20:14, 15; Mat. 24:45-47; Juan 15:15)

   3. Ora Dios cuminsa e “guera di e gran dia di Dios Todopoderoso”, con nos situacion lo ta similar na esun di Josafat? (2 Cro. 20:15, 17; 32:8; Rev. 16:14, 16)

   4. Con pionero- y misioneronan ta imita e Levitanan den e manera cu nan ta contribui na e obra mundial di predicacion awe? (2 Cro. 20:19, 21; Rom. 10:13-15; 2 Tim. 4:2)

Relato 68

1. Ken e tres hendenan riba e plachi ta, y kico a pasa cu e mucha homber?

2. Kico Elias a pidi den oracion tocante e mucha, y kico a sosode e ora ei?

3. Con yama e ayudante di Elias?

4. Pakico nan a manda yama Eliseo pa e bai cas di un hende muher na Sunem?

5. Kico Eliseo a haci, y kico a pasa cu e mucha morto?

6. Kico Jehova tin poder pa haci, manera nos por mira den caso di Elias y Eliseo?

Preguntanan adicional:

1. Lesa 1 Reinan 17:8-24.

   1. Con e obediencia y fe di Elias a ser poni na prueba? (1 Rei. 17:9; 19:1-4, 10)

   2. Pakico nos por bisa cu e fe di e viuda di Sarepta tabata remarcabel? (1 Rei. 17:12-16; Luc. 4:25, 26)

   3. Con e experencia di e viuda di Sarepta ta mustra cu loke Hesus a bisa na Mateo 10:41 y 42 ta berdad? (1 Rei. 17:10-12, 17, 23, 24)

2. Lesa 2 Reinan 4:8-37.

   1. Kico e señora di Sunem ta siña nos tocante hospitalidad? (2 Rei. 4:8; Luc. 6:38; Rom. 12:13; 1 Juan 3:17)

   2. Den ki maneranan nos por mustra bondad na Dios su sirbidornan awe? (Echo. 20:35; 28:1, 2; Gal. 6:9, 10; Heb. 6:10)

Relato 69

1. Kico e mucha muher riba e plachi ta bisando e señora?

2. Ken e señora riba e plachi ta, y kico e mucha muher ta haci den e señora su cas?

3. Kico Eliseo a manda su sirbidor bisa Naaman, y pakico Naaman a rabia?

4. Kico a sosode ora Naaman a haci loke su sirbidor a bis’e?

5. Pakico Eliseo a nenga e regalo di Naaman, pero kico Gehazi a haci?

6. Kico a sosode cu Gehazi, y kico esaki ta siña nos?

Preguntanan adicional:

1. Lesa 2 Reinan 5:1-27.

   1. Con e ehempel di e mucha muher Israelita por anima hobennan awe? (2 Rei. 5:3; Sal. 8:2; 148:12, 13)

   2. Pakico ta bon pa nos corda riba e ehempel di Naaman ora nos ricibi conseho basa riba Bijbel? (2 Rei. 5:15; Heb. 12:5, 6; Sant. 4:6)

   3. Ki lesnan nos por siña si nos compara e ehempel di Eliseo cu esun di Gehazi? (2 Rei. 5:9, 10, 14-16, 20; Mat. 10:8; Echo. 5:1-5; 2 Cor. 2:17)

Relato 70

1. Ken Jonas tabata, y kico Jehova a mand’e haci?

2. Kico Jonas a haci como cu e no kier a bai caminda Jehova a mand’e?

3. Kico Jonas a bisa e matroosnan cu nan mester haci pa e tormenta stop?

4. Manera bo por mira riba e plachi, kico a sosode ora Jonas a hundi den awa?

5. Cuanto tempo Jonas a keda den e pisca grandi, y kico el a haci eiden?

6. Unda Jonas a bai despues cu el a sali for di e pisca grandi, y kico esaki ta siña nos?

Preguntanan adicional:

1. Lesa Jonas 1:1-17.

   Aparentemente, con Jonas a sinti encuanto su asignacion pa predica na e Ninivitanan? (Jon. 1:2, 3; Pro. 3:7; Ecl. 8:12)

2. Lesa Jonas 2:1, 2 y 10.

   Con e experencia di Jonas ta duna nos confiansa cu Jehova lo contesta nos oracionnan? (Sal. 22:24; 34:6; 1 Juan 5:14)

3. Lesa Jonas 3:1-10.

   1. Con e echo cu Jehova a sigui uza Jonas a pesar cu na prome instante el a keda sin cumpli cu su asignacion ta un animacion pa nos? (Sal. 103:14; 1 Ped. 5:10)

   2. Kico e experencia di Jonas cu e Ninivitanan ta siña nos tocante prehuicio encuanto e hendenan den nos teritorio? (Jon. 3:6-9; Ecl. 11:6; Echo. 13:48)

Relato 71

1. Ken Isaias tabata, na ki tempo el a biba y kico Jehova a mustr’e?

2. Kico e palabra “paradijs” kiermen, y kico e ta haci bo corda?

3. Kico Jehova a bisa Isaias pa skirbi tocante e Paradijs nobo?

4. Pakico Adam cu Eva a perde nan bunita luga di biba?

5. Kico Jehova ta priminti hende cu ta stim’e?

Preguntanan adicional:

1. Lesa Isaias 11:6-9.

   1. Con e Palabra di Dios ta describi e pas cu lo existi entre bestia y hende den e mundo nobo? (Sal. 148:10, 13; Isa. 65:25; Eze. 34:25)

   2. Con e palabranan di Isaias ta cumpliendo den sentido spiritual den Jehova su pueblo awe? (Rom. 12:2; Efe. 4:23, 24)

   3. Ken merece credito pa e manera cu personalidad di hende ta transforma tanto awor como den e mundo nobo? (Isa. 48:17, 18; Gal. 5:22, 23; Fil. 4:7)

2. Lesa Revelacion 21:3 y 4.

   1. Con e Scritura ta mustra cu e echo cu Dios ta bai biba cu humanidad kiermen cu e lo ta presente den sentido simbolico, no fisicamente riba Tera? (Lev. 26:11, 12; 2 Cro. 6:18; Isa. 66:1; Rev. 21:2, 3, 22-24)

   2. Ki sorto di lagrima y dolor lo disparce? (Luc. 8:49-52; Rom. 8:21, 22; Rev. 21:4)

Relato 72

1. Ken e homber riba e plachi ta, y pakico e ta den problema grandi?

2. Ki carta Ezekias a pone dilanti di Dios, y kico Ezekias a pidi den oracion?

3. Ki tipo di rei Ezekias tabata, y ki mensahe Jehova a manda p’e via profeta Isaias?

4. Kico e angel di Jehova a haci cu e Asirionan, manera e plachi ta mustra?

5. A pesar cu e reino di dos tribu tabatin pas pa un tempo, kico a sosode despues cu Ezekias a muri?

Preguntanan adicional:

1. Lesa 2 Reinan 18:1-36.

   1. Con e vocero Asirio, Rabsakes, a purba debilita fe di e Israelitanan? (2 Rei. 18:19, 21; Exo. 5:2; Sal. 64:3)

   2. Ora Testigonan di Jehova ta trata cu opositornan, con nan ta sigui ehempel di Ezekias? (2 Rei. 18:36; Sal. 39:1; Pro. 26:4; 2 Tim. 2:24)

2. Lesa 2 Reinan 19:1-37.

   1. Awe, con Jehova su pueblo ta imita Ezekias den tempo di angustia? (2 Rei. 19:1, 2; Pro. 3:5, 6; Heb. 10:24, 25; Sant. 5:14, 15)

   2. Ki tripel derota Rei Senakerib a sufri, y ken e ta simbolisa profeticamente? (2 Rei. 19:32, 35, 37; Rev. 20:2, 3)

3. Lesa 2 Reinan 21:1-6 y 16.

   Pakico nos por bisa cu Manases tabata un di e reinan di mas malbado cu a yega di goberna na Jerusalem? (2 Cro. 33:4-6, 9)

Relato 73

1. Cuanto aña Josias tabatin ora el a bira rei, y kico el a cuminsa haci ora e tabatin shete aña como Rei?

2. Kico bo ta mira Josias haci riba e prome plachi?

3. Kico e sumo sacerdote a haya ora e hombernan tabata drechando e tempel?

4. Pakico Josias a kibra su paña?

5. Ki mensahe di Jehova e profetisa Hulda a duna Josias?

Preguntanan adicional:

1. Lesa 2 Cronicanan 34:1-28.

   1. Con Josias ta un ehempel pa esnan cu tabatin un infancia dificil? (2 Cro. 33:21-25; 34:1, 2; Sal. 27:10)

   2. Ki pasonan importante Josias a dal pa adelanto di adoracion berdadero durante e di 8, di 12 y di 18 aña di su reinado? (2 Cro. 34:3, 8)

   3. Kico nos por siña relaciona cu mantencion di nos luga di adoracion for di e ehempel di Rei Josias y sumo sacerdote Hilkias? (2 Cro. 34:9-13; Pro. 11:14; 1 Cor. 10:31)

Relato 74

1. Ken e hoben riba e plachi ta?

2. Kico Jeremias a pensa tocante bira profeta, pero kico Jehova a bis’e?

3. Ki mensahe Jeremias a keda bisa e pueblo?

4. Con e sacerdotenan a purba stop Jeremias, pero con el a demostra cu e no tin miedo?

5. Kico a sosode ora e Israelitanan a keda sin bira for di nan mal caminda?

Preguntanan adicional:

1. Lesa Jeremias 1:1-8.

   1. Manera e ehempel di Jeremias ta mustra, kico ta cualifica un hende pa Jehova su sirbishi? (2 Cor. 3:5, 6)

   2. Ki animacion e ehempel di Jeremias ta pa hobennan cristian awe? (Ecl. 12:1; 1 Tim. 4:12)

2. Lesa Jeremias 10:1-5.

   Ki ilustracion impactante Jeremias a uza pa mustra cu confia den idolo no tin sentido? (Jer. 10:5; Isa. 46:7; Hab. 2:19)

3. Lesa Jeremias 26:1-16.

   1. Con e resto ungi a tuma na pecho e mandamento cu Jehova a duna Jeremias pa “no laga ni un palabra afo”, segun cu nan ta proclama e mensahe di advertencia awe? (Jer. 26:2; Deu. 4:2; Echo. 20:27)

   2. Ki ehempel excelente Jeremias a pone pa Testigonan di Jehova awe den e manera cu el a proclama Jehova su spiertamento na e nacionnan? (Jer. 26:8, 12, 14, 15; 2 Tim. 4:1-5)

4. Lesa 2 Reinan 24:1-17.

   Ki consecuencia tristo tabatin como resultado di Juda su infieldad na Jehova? (2 Rei. 24:2-4, 14)

Relato 75

1. Ken e cuater hobennan riba e plachi ta, y pakico nan ta na Babilonia?

2. Ki plan Nabucodonosor tin pa e cuater hobennan, y kico e ta manda su sirbidornan haci?

3. Kico Daniel ta pidi tocante e cuminda y bebida cu e y su tres amigonan mester ricibi?

4. Despues di come berdura pa dies dia, con Daniel y su tres amigonan tabata na comparacion cu e otro hobennan?

5. Dicon nan a hiba Daniel y su tres amigonan den palacio di e rei, y den ki sentido nan tabata mihor cu e sacerdotenan y e hombernan sabi?

Preguntanan adicional:

1. Lesa Daniel 1:1-21.

   1. Con nos mester haci esfuerso pa por resisti tentacion y vence debilidad? (Dan. 1:8; Gen. 39:7, 10; Gal. 6:9)

   2. Den ki maneranan hobennan awe por ser tenta of presiona pa entrega na loke algun hende ta considera delicia manera e ‘bon cuminda di e rei’? (Dan. 1:8; Pro. 20:1; 2 Cor. 6:17–7:1)

   3. Kico e relato biblico tocante e cuater hobennan Hebreo ta yuda nos compronde tocante adkiri conocemento di mundo? (Dan. 1:20; Isa. 54:13; 1 Cor. 3:18-20)

Relato 76

1. Kico ta pasando cu Jerusalem y e Israelitanan riba e plachi?

2. Ken ta Ezekiel, y ki cosnan escandaloso Jehova a mustr’e?

3. Debi cu e Israelitanan no tabatin respet pa Jehova, kico el a priminti?

4. Kico Rei Nabucodonosor a haci despues cu e Israelitanan a rebela contra dje?

5. Pakico Jehova a laga e destruccion teribel aki bini riba e Israelitanan?

6. Con bin e tera di Israel a keda sin ningun hende, y pa cuanto tempo?

Preguntanan adicional:

1. Lesa 2 Reinan 25:1-26.

   1. Ken Sedekias tabata, kico a sosode cu ne, y con esaki a cumpli cu profesia biblico? (2 Rei. 25:5-7; Eze. 12:13-15)

   2. Ken Jehova a tene responsabel pa tur e infieldad cu Israel a comete? (2 Rei. 25:9, 11, 12, 18, 19; 2 Cro. 36:14, 17)

2. Lesa Ezekiel 8:1-18.

   Con cristiandad a imita e Israelitanan apostata cu a adora solo? (Eze. 8:16; Isa. 5:20, 21; Juan 3:19-21; 2 Tim. 4:3)

Relato 77

1. Kico Nabucodonosor Rei di Babilonia a manda e pueblo haci?

2. Pakico e tres amigonan di Daniel no a buig pa e imagen di oro?

3. Ora Nabucodonosor a duna e tres Hebreonan un otro chens pa buig, con nan a mustra cu nan a confia den Jehova?

4. Kico Nabucodonosor a laga su hombernan haci cu Sadrak, Mesak y Abed-nego?

5. Kico Nabucodonosor a mira ora el a wak den e forno?

6. Pakico e Rei a alaba e Dios di Sadrak, Mesak y Abed-nego, y ki ehempel nan a pone pa nos?

Preguntanan adicional:

1. Lesa Daniel 3:1-30.

   1. Ki actitud di e tres Hebreonan tur sirbidor di Dios mester imita ora nan ta enfrenta prueba di integridad? (Dan. 3:17, 18; Mat. 10:28; Rom. 14:7, 8)

   2. Ki les importante Jehova Dios a siña Nabucodonosor? (Dan. 3:28, 29; 4:34, 35)

Relato 78

1. Kico a sosode ora e Rei di Babilonia a tene un fiesta grandi y a uza e copi- y comchinan saca for di Jehova su tempel na Jerusalem?

2. Kico Belsasar a bisa su hombernan sabi, pero kico nan no por a haci?

3. Kico mama di e Rei a bis’e pa haci?

4. Segun loke Daniel a bisa e Rei, pakico Dios a manda e man pa skirbi riba muraya?

5. Kico Daniel a splica cu e palabranan riba muraya ta nifica?

6. Kico a sosode prome cu Daniel a caba di papia?

Preguntanan adicional:

1. Lesa Daniel 5:1-31.

   1. Splica e diferencia cu tin entre temor di Dios y e temor cu Belsasar a sinti ora el a mira e skirbimento riba muraya. (Dan. 5:6, 7; Sal. 19:9; Rom. 8:35-39)

   2. Con Daniel a demostra un curashi tremendo dor di papia cu Belsasar y su hendenan importante? (Dan. 5:17, 18, 22, 26-28; Echo. 4:29)

   3. Con Daniel capitulo 5 ta enfatisa Jehova su soberania universal? (Dan. 4:17, 25; 5:21)

Relato 79

1. Ken ta Dario, y ki punto di bista e tabatin di Daniel?

2. Kico algun homber jaloers a pone Dario haci?

3. Kico Daniel a haci ora el a tende di e lei nobo?

4. Pakico Dario a precupa asina tanto cu e no por a drumi, y kico el a haci su manece?

5. Kico Daniel a contesta Dario?

6. Kico a pasa cu e hombernan malbado cu kier a mata Daniel, y kico Dario a skirbi tur hende den su reino?

Preguntanan adicional:

1. Lesa Daniel 6:1-28.

   1. Con e conspiracion contra Daniel ta haci nos corda loke opositornan a yega di haci pa purba stroba e trabou di Testigonan di Jehova den nos tempo? (Dan. 6:7; Sal. 94:20; Isa. 10:1; Rom. 8:31)

   2. Con sirbidornan di Dios awe por imita e manera cu Daniel a keda sumiso na ‘autoridadnan superior’? (Dan. 6:5, 10; Rom. 13:1; Echo. 5:29)

   3. Con nos por imita Daniel su ehempel di sirbi Jehova ‘cu constancia’? (Dan. 6:16, 20; Fil. 3:16; Rev. 7:15)

Relato 80

1. Kico e Israelitanan riba e plachi ta haciendo?

2. Con Ciro a cumpli cu e profesia cu Jehova a duna via Isaias?

3. Kico Ciro a bisa e Israelitanan cu no por a bai bek Jerusalem?

4. Kico Ciro a duna e pueblo pa nan hiba bek na Jerusalem?

5. Cuanto tempo a dura pa e Israelitanan yega Jerusalem bek?

6. Cuanto aña a pasa desde cu e tera a keda completamente sin hende?

Preguntanan adicional:

1. Lesa Isaias 44:28 y 45:1-4.

   1. Con Jehova a enfatisa cu e profesia tocante Ciro lo a cumpli sigur? (Isa. 55:10, 11; Rom. 4:17)

   2. Kico e profesia di Isaias tocante Ciro ta mustra encuanto Jehova su habilidad pa predeci futuro? (Isa. 42:9; 45:21; 46:10, 11; 2 Ped. 1:20)

2. Lesa Esdras 1:1-11.

   Siguiendo ehempel di esnan cu no por a regresa Jerusalem, con nos awe por ‘fortalece man’ di esnan cu si por drenta e sirbishi di tempo completo? (Esd. 1:4, 6; Rom. 12:13; Col. 4:12)

Relato 81

1. Cuanto hende a haci e biahe largo for di Babilonia pa Jerusalem, pero kico nan a topa ora nan a yega?

2. Kico e Israelitanan a cuminsa construi ora nan a yega, pero kico nan enemigonan a haci?

3. Ken Hageo y Zacarias ta, y kico nan a bisa e pueblo?

4. Pakico Tatnai a manda un carta Babilonia, y ki contesta el a ricibi?

5. Kico Esdras a haci ora el a haya sa di e necesidad pa drecha e tempel di Dios?

6. Kico Esdras ta pidi p’e den oracion riba e plachi, con su oracion a ser contesta, y kico esei ta siña nos?

Preguntanan adicional:

1. Lesa Esdras 3:1-13.

   Si un dia nos haya nos den un area caminda no tin ningun congregacion di e pueblo di Dios, kico nos mester sigui haci? (Esd. 3:3, 6; Echo. 17:16, 17; Heb. 13:15)

2. Lesa Esdras 4:1-7.

   Ki ehempel Zorobabel a pone pa Jehova su pueblo tocante union di fe? (Exo. 34:12; 1 Cor. 15:33; 2 Cor. 6:14-17)

3. Lesa Esdras 5:1-5, 17 y 6:1-22.

   1. Pakico e opositornan no por a para e trabou di reconstrui e tempel? (Esd. 5:5; Isa. 54:17)

   2. Con loke e ancianonan Hudiu a haci ta anima ancianonan cristian pa busca Jehova su guia ora nan haya nan enfrenta cu opositor? (Esd. 6:14; Sal. 32:8; Rom. 8:31; Sant. 1:5)

4. Lesa Esdras 8:21-23 y 28-36.

   Prome cu nos dicidi di cuminsa haci algo, ki ehempel di Esdras lo ta bon pa nos imita? (Esd. 8:23; Sal. 127:1; Pro. 10:22; Sant. 4:13-15)

Relato 82

1. Ken Mardokeo y Ester tabata?

2. Pakico Rei Asuero tabata kier un esposa nobo, y ken el a scohe?

3. Ken ta Haman, y kico a pon’e rabia hopi?

4. Ki lei nan a saca, y kico Ester a haci ora el a haya un mensahe di Mardokeo?

5. Kico a sosode cu Haman, y kico a sosode cu Mardokeo?

6. Con e Israelitanan a ser salba for di nan enemigonan?

Preguntanan adicional:

1. Lesa Ester 2:12-18.

   Con Ester a demostra e balor di desaroya un “spirito suave y keto”? (Est. 2:15; 1 Ped. 3:1-5)

2. Lesa Ester 4:1-17.

   Mescos cu Ester a haya oportunidad pa actua na fabor di adoracion berdadero, ki oportunidad nos tin awe pa expresa nos devocion y lealtad na Jehova? (Est. 4:13, 14; Mat. 5:14-16; 24:14)

3. Lesa Ester 7:1-6.

   Con hopi hende den Jehova su pueblo awe tambe a enfrenta e peliger di ser persigui, mescos cu Ester? (Est. 7:4; Mat. 10:16-22; 1 Ped. 2:12)

Relato 83

1. Con e Israelitanan a sinti debi cu nan no tabatin muraya rond di nan stad Jerusalem?

2. Ken ta Nehemias?

3. Ki trabou Nehemias tabatin, y pakico e tabata un trabou importante?

4. Ki noticia a haci Nehemias tristo, y kico el a haci?

5. Con Rei Artaherhes a mustra bondad na Nehemias?

6. Con Nehemias a organisa e trabou di construccion di tal manera cu e enemigonan di e Israelitanan no por a par’e?

Preguntanan adicional:

1. Lesa Nehemias 1:4-6 y 2:1-20.

   Con Nehemias a busca Jehova su guia? (Neh. 2:4, 5; Rom. 12:12; 1 Ped. 4:7)

2. Lesa Nehemias 3:3-5.

   Kico anciano- y sirbidornan ministerial por siña for di e diferencia cu tabatin entre e Tekoitanan y nan “noblenan”? (Neh. 3:5, 27; 2 Tes. 3:7-10; 1 Ped. 5:5)

3. Lesa Nehemias 4:1-23.

   1. Kico a motiva e Israelitanan pa sigui cu e construccion a pesar di oposicion fuerte? (Neh. 4:6, 8, 9; Sal. 50:15; Isa. 65:13, 14)

   2. Con e ehempel di e Israelitanan ta duna nos curashi awe?

4. Lesa Nehemias 6:15.

   E echo cu e murayanan di Jerusalem a keda completa denter di dos luna ta mustra nos kico tocante e poder di fe? (Sal. 56:3, 4; Mat. 17:20; 19:26)

Relato 84

1. Ken e hende muher riba e plachi ta?

2. Kico Gabriel ta bisa Maria?

3. Con Gabriel ta splica Maria cu e lo haya un yiu maske nunca el a yega di biba cu hende homber?

4. Kico a sosode ora Maria a bishita su pariente Elisabet?

5. Kico Jose a pensa ora el a haya sa cu Maria tabata bai haya yiu, pero kico a pon’e cambia di pensamento?

Preguntanan adicional:

1. Lesa Lucas 1:26-56.

   1. Kico Lucas 1:35 ta indica encuanto cualkier imperfeccion adamico den e eicel, of ovulo di Maria ora e bida di e Yiu di Dios a ser transferi for di e region di spirito? (Hag. 2:11-13; Juan 6:69; Heb. 7:26; 10:5)

   2. Con Hesus a ricibi honor asta prome cu el a nace? (Luc. 1:41-43)

   3. Ki ehempel excelente Maria a pone pa cristiannan awe cu ta ricibi privilegionan special di sirbishi? (Luc. 1:38, 46-49; 17:10; Pro. 11:2)

2. Lesa Mateo 1:18-25.

   Maske Hesus no a haya e nomber personal Emanuel, con e papel cu el a hunga como ser humano a cumpli cu e nificacion di e nomber? (Mat. 1:22, 23; Juan 14:8-10; Heb. 1:1-3)

Relato 85

1. Ken e baby riba e plachi ta, y den kico Maria ta pon’e?

2. Con bini Hesus a nace den un stal hunto cu bestia?

3. Ken ta e hombernan riba e plachi cu ta drenta e stal, y kico un angel a bisa nan?

4. Pakico Hesus ta special?

5. Pakico Hesus por ser yama e Yiu di Dios?

Preguntanan adicional:

1. Lesa Lucas 2:1-20.

   1. Ki papel Cesar Augusto a hunga den cumplimento di e profesia tocante e nacemento di Hesus? (Luc. 2:1-4; Mik. 5:2)

   2. Kico un hende mester haci pa e tambe ser conta como un “hende di bon boluntad”? (Luc. 2:14, NW; Mat. 16:24; Juan 17:3; Echo. 3:19; Heb. 11:6)

   3. Si e humilde wardadonan di carne ei di Judea tabatin motibo pa regociha debi na e nacemento di un Salbador, ki motibo di alegria mas grandi sirbidornan di Dios tin awe? (Luc. 2:10, 11; Efe. 3:8, 9; Rev. 11:15; 14:6)

Relato 86

1. Ken e hombernan riba e plachi ta, y pakico un di nan ta mustra riba un streya briyante?

2. Kico a pone Rei Herodes bira nervioso, anto kico el a haci?

3. Unda e streya briyante a hiba e hombernan, pero dicon nan a tuma un otro ruta pa regresa nan pais?

4. Ki ordo Herodes a duna, y pakico?

5. Kico Jehova a manda Jose haci?

6. Ta ken a pone e streya nobo briya, y pakico?

Pregunta adicional:

1. Lesa Mateo 2:1-23.

   Cuanto aña Hesus tabatin y unda e tabata biba ora e astrologonan a bishit’e? (Mat. 2:1, 11, 16)

Relato 87

1. Cuanto aña Hesus tin riba e plachi, y na unda e ta?

2. Kico Jose tabata haci hunto cu su famia tur aña?

3. Pakico Jose cu Maria a regresa Jerusalem despues cu nan tabatin un dia canando pa bai nan cas?

4. Na unda Jose cu Maria a haya Hesus, y pakico e hendenan ei a keda asombra?

5. Kico Hesus a bisa su mama, Maria?

6. Con nos por ta manera Hesus ora di siña tocante Dios?

Preguntanan adicional:

1. Lesa Lucas 2:41-52.

   1. Aunke e lei pa asisti na e celebracionnan anual a conta pa hende homber so, ki ehempel excelente Jose cu Maria a pone pa mayornan awe? (Luc. 2:41; Deu. 16:16; 31:12; Pro. 22:6)

   2. Con Hesus a pone un bon ehempel pa hobennan awe pa ta sumiso na nan mayornan? (Luc. 2:51; Deu. 5:16; Pro. 23:22; Col. 3:20)

2. Lesa Mateo 13:53-56.

   Ken ta e cuater rumannan carnal di Hesus cu Bijbel ta menciona, y con a uza dos di nan despues den e congregacion cristian? (Mat. 13:55; Echo. 12:17; 15:6, 13; 21:18; Gal. 1:19; Sant. 1:1; Judas 1)

Relato 88

1. Ken e dos hombernan riba e plachi ta?

2. Con ta batisa hende?

3. Ki tipo di hende Juan tabata batisa normalmente?

4. Pa ki motibo special Hesus a pidi Juan batis’e?

5. Con Dios a mustra cu el a keda contento cu Hesus a batisa?

6. Kico a sosode ora Hesus a bai na un luga solitario pa 40 dia?

7. Cua tabata algun di Hesus su prome siguidonan of discipelnan, y kico tabata e prome milager cu el a haci?

Preguntanan adicional:

1. Lesa Mateo 3:13-17.

   Ki ehempel Hesus a pone pa e bautismo di su discipelnan? (Sal. 40:7, 8; Mat. 28:19, 20; Luc. 3:21, 22)

2. Lesa Mateo 4:1-11.

   Con e habilidad cu Hesus tabatin pa uza e Scritura ta anima nos pa studia Bijbel regularmente? (Mat. 4:5-7; 2 Ped. 3:17, 18; 1 Juan 4:1)

3. Lesa Juan 1:29-51.

   Na ken Juan Bautista a dirigi su discipelnan, y con nos awe por imit’e? (Juan 1:29, 35, 36; 3:30; Mat. 23:10)

4. Lesa Juan 2:1-12.

   Con e prome milager di Hesus a mustra cu Jehova no ta nenga Su sirbidornan ningun cos bon? (Juan 2:9, 10; Sal. 84:11; Sant. 1:17)

Relato 89

1. Pakico nan tabata bende bestia den e tempel?

2. Kico a pone Hesus rabia?

3. Manera bo por mira riba e plachi, kico Hesus a haci, y ki ordo el a duna e hombernan cu tabata bende paloma?

4. Kico e siguidonan di Hesus a corda ora nan a mira loke el a haci?

5. Via cua districto Hesus a pasa ora di bai bek Galilea?

Pregunta adicional:

1. Lesa Juan 2:13-25.

   Cordando con Hesus a rabia pa motibo di e cambiadonan di placa den e tempel, cua ta e punto di bista corecto tocante actividad comercial den Salon di Reino? (Juan 2:15, 16; 1 Cor. 10:24, 31-33)

Relato 90

1. Pakico Hesus a para na un pos na Samaria, y kico e ta bisando un señora ei?

2. Pakico e señora a keda sorprendi, kico Hesus a bis’e, y pakico?

3. Ki clase di awa e señora a pensa cu Hesus tabata papia di dje, pero ki clase di awa Hesus tabata kiermen realmente?

4. Pakico e señora a keda asombra tocante loke Hesus tabata sa di dje, y con Hesus a haya e informacion ei?

5. Ki lesnan nos por saca for di e relato di e señora na e pos?

Preguntanan adicional:

1. Lesa Juan 4:5-43.

   1. Siguiendo e ehempel di Hesus, ki actitud nos mester desplega pa hende di otro rasa of di otro antecedente social? (Juan 4:9; 1 Cor. 9:22; 1 Tim. 2:3, 4; Tito 2:11)

   2. Ki beneficionan spiritual un hende ta haya dor di bira discipel di Hesus? (Juan 4:14; Isa. 58:11; 2 Cor. 4:16)

   3. Con nos por mustra aprecio mescos cu e señora Samaritano kende tabata ansioso pa comparti loke el a siña? (Juan 4:7, 28; Mat. 6:33; Luc. 10:40-42)

Relato 91

1. Riba e plachi, na unda Hesus ta siñando e hendenan, y ken ta sinta mas cerca di dje?

2. Con yama e 12 apostelnan?

3. Kico ta e Reino cu Hesus a predica di dje?

4. Kico Hesus a siña e hendenan pidi den oracion?

5. Kico Hesus a bisa tocante con hende mester trata otro?

Preguntanan adicional:

1. Lesa Mateo 5:1-12.

   Den ki maneranan nos por demostra cu nos ta conciente di nos necesidad spiritual? (Mat. 5:3, NW; Rom. 10:13-15; 1 Tim. 4:13, 15, 16)

2. Lesa Mateo 5:21-26.

   Con Mateo 5:23 y 24 ta enfatisa cu nos relacion cu nos rumannan tin efecto riba nos relacion cu Jehova? (Mat. 6:14, 15; Sal. 133:1; Col. 3:13; 1 Juan 4:20)

3. Lesa Mateo 6:1-8.

   Cua ta algun caracteristica di hende cu ta husto den nan mes bista cu cristiannan mester evita? (Luc. 18:11, 12; 1 Cor. 4:6, 7; 2 Cor. 9:7)

4. Lesa Mateo 6:25-34.

   Kico Hesus a siña nos tocante e importancia di confia cu Jehova por percura pa nos necesidadnan material? (Exo. 16:4; Sal. 37:25; Fil. 4:6)

5. Lesa Mateo 7:1-11.

   Kico e ilustracion bibo na Mateo 7:5 ta siña nos? (Pro. 26:12; Rom. 2:1; 14:10; Sant. 4:11, 12)

Relato 92

1. Ken ta tata di e mucha muher riba e plachi, y pakico e cu su casa tabata hopi precupa?

2. Kico Jairo a haci ora el a haya Hesus?

3. Kico a sosode ora Hesus tabata bayendo cas di Jairo, y ki mensahe Jairo a ricibi ora e tabata na caminda?

4. Pakico e hendenan na cas di Jairo a hari Hesus?

5. Despues di bai cu tres apostel y e mama cu e tata di e mucha muher den camber di e mucha, kico Hesus a haci?

6. Ken mas Hesus a yega di lanta for di morto, y kico esei ta mustra?

Preguntanan adicional:

1. Lesa Lucas 8:40-56.

   Con Hesus a mustra compasion y tabata rasonabel cu e señora cu tabatin e fluho di sanger, y kico ancianonan cristian por siña for di esaki? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14)

2. Lesa Lucas 7:11-17.

   Pakico e manera cu Hesus a reacciona riba e tristesa di e viuda di Nain ta un gran consuelo pa hende cu a perde sernan keri den morto? (Luc. 7:13; 2 Cor. 1:3, 4; Heb. 4:15)

3. Lesa Juan 11:17-44.

   Con Hesus a mustra cu ta normal pa hende bira tristo ora un ser keri fayece? (Juan 11:33-36, 38; 2 Sam. 18:33; 19:1-4)

Relato 93

1. Ki cos teribel a sosode cu Juan Bautista, y con esei a pone Hesus sinti?

2. Con Hesus a alimenta e multitud cu a siguie, y cuanto cuminda a sobra?

3. Pakico e discipelnan a haya miedo durante anochi, y kico a pasa cu Pedro?

4. Con Hesus a alimenta miles di hende pa di dos bes?

5. Pakico lo ta maraviyoso ora Hesus ta goberna Tera como e Rei di Dios?

Preguntanan adicional:

1. Lesa Mateo 14:1-32.

   1. Kico e relato na Mateo 14:23-32 ta laga nos mira tocante e personalidad di Pedro?

   2. Con e registro biblico ta mustra cu Pedro a madura y vence su comportacion impulsivo? (Mat. 14:27-30; Juan 18:10; 21:7; Echo. 2:14, 37-40; 1 Ped. 5:6, 10)

2. Lesa Mateo 15:29-38.

   Con Hesus a mustra respet pa loke su Tata a percura p’e den sentido material? (Mat. 15:37; Juan 6:12; Col. 3:15)

3. Lesa Juan 6:1-21.

   Con cristiannan awe por sigui e ehempel di Hesus relaciona cu gobierno? (Juan 6:15; Mat. 22:21; Rom. 12:2; 13:1-4)

Relato 94

1. Tocante kico e apostelnan tabata pleita ora nan tabata bolbe for di un biahe largo?

2. Pakico Hesus a yama un mucha chikito y a pon’e para meimei di su apostelnan?

3. Den ki sentido e apostelnan mester a siña ta manera mucha chikito?

4. Un par di luna despues, con Hesus a mustra cu e ta stima mucha?

Preguntanan adicional:

1. Lesa Mateo 18:1-4.

   Pakico Hesus a uza ilustracion pa siña hende? (Mat. 13:34, 36; Mar. 4:33, 34)

2. Lesa Mateo 19:13-15.

   Ki cualidad di mucha chikito nos mester imita si nos kier haya e bendicionnan di Reino? (Sal. 25:9; 138:6; 1 Cor. 14:20)

3. Lesa Marco 9:33-37.

   Kico Hesus a siña su discipelnan tocante deseo pa posicion prominente? (Mar. 9:35; Mat. 20:25, 26; Gal. 6:3; Fil. 2:5-8)

4. Lesa Marco 10:13-16.

   Con acercabel Hesus tabata, y kico ancianonan cristian por siña di su ehempel? (Mar. 6:30-34; Fil. 2:1-4; 1 Tim. 4:12)

Relato 95

1. Kico un homber a puntra Hesus, y dicon?

2. Kico Hesus tabata uza tin bes pa siña hende, y kico nos a siña caba tocante Hudiu y Samaritano?

3. Den e relato cu Hesus a conta, kico a pasa cu un Hudiu cu tabata biaha riba e caminda pa Jerico?

4. Kico a pasa ora un sacerdote Hudiu y un Levita a pasa riba e caminda?

5. Riba e plachi, ken ta yudando e Hudiu golpia?

6. Ora Hesus a caba di conta e relato, kico el a puntra, y con e homber a contesta?

Preguntanan adicional:

1. Lesa Lucas 10:25-37.

   1. En bes di duna un contesta directo, con Hesus a yuda e homber studia den e Lei pa rasona riba e asunto? (Luc. 10:26; Mat. 16:13-16)

   2. Con Hesus a uza ilustracion pa yuda su oyentenan vence prehuicio? (Luc. 10:36, 37; 18:9-14; Tito 1:9)

Relato 96

1. Kico Hesus a haci mientras e tabata biaha dor di e pais?

2. Mas o menos tres aña despues cu Hesus a batisa, kico el a bisa su apostelnan?

3. Ken e hendenan riba e plachi ta, y kico Hesus a haci pa e señora?

4. Pakico e manera cu Hesus a contesta e critica di e lidernan religioso a pone nan sinti berguensa?

5. Ora Hesus y su apostelnan a yega cerca di Jerico, kico Hesus a haci pa dos limosnero ciego?

6. Pakico Hesus a haci milager?

Preguntanan adicional:

1. Lesa Mateo 15:30 y 31.

   Con Jehova su poder a ser demostra na un manera maraviyoso pa medio di Hesus, y con esaki ta yuda nos compronde loke Jehova a priminti tocante su mundo nobo? (Sal. 37:29; Isa. 33:24)

2. Lesa Lucas 13:10-17.

   Kico e echo cu Hesus a haci algun di su milagernan di mas grandi riba sabat ta mustra tocante e alivio cu humanidad lo ricibi durante su Gobernacion di Mil Aña? (Luc. 13:10-13; Sal. 46:9; Mat. 12:8; Col. 2:16, 17; Rev. 21:1-4)

3. Lesa Mateo 20:29-34.

   Con e relato aki ta mustra cu nunca Hesus tabata mucho ocupa pa yuda hende, y kico nos por siña for di esaki? (Deu. 15:7; Sant. 2:15, 16; 1 Juan 3:17)

Relato 97

1. Kico Hesus a bisa su discipelnan haci ora nan a yega na un pueblo chikito cerca di Jerusalem?

2. Manera bo por mira riba e plachi, kico a sosode ora Hesus a yega cerca di e stad Jerusalem?

3. Kico e mucha chikitonan a haci ora nan a mira Hesus ta cura hende ciego y mancaron?

4. Kico Hesus a bisa e sacerdotenan rabia?

5. Con nos por ta manera e muchanan cu a alaba Hesus?

6. Kico e discipelnan tabata kier sa?

Preguntanan adicional:

1. Lesa Mateo 21:1-17.

   1. Con e manera cu Hesus a drenta Jerusalem como Rei tabata diferente for di e manera cu generalnan victorioso tabata drenta den temponan Romano? (Mat. 21:4, 5; Zac. 9:9; Fil. 2:5-8; Col. 2:15)

   2. Ki les hobennan por siña for di e mucha hombernan Israelita cu a cita for di Salmo 118 ora Hesus tabata drenta e tempel? (Mat. 21:9, 15; Sal. 118:25, 26; 2 Tim. 3:15; 2 Ped. 3:18)

2. Lesa Juan 12:12-16.

   Kico e ramanan di palma cu e hendenan a uza pa aclama Hesus ta simbolisa? (Juan 12:13; Fil. 2:10; Rev. 7:9, 10)

Relato 98

1. Cua di e hombernan riba e plachi ta Hesus, y ken ta hunto cu ne?

2. Kico e sacerdotenan a purba haci cu Hesus den e tempel, y kico el a bisa nan?

3. Kico e apostelnan a puntra Hesus?

4. Pakico Hesus a bisa su apostelnan algun di e cosnan cu lo sosode riba Tera ora cu e ta goberna como Rei den shelo?

5. Kico Hesus a bisa cu lo sosode prome cu e caba cu tur maldad riba Tera?

Preguntanan adicional:

1. Lesa Mateo 23:1-39.

   1. Maske Bijbel ta indica cu por ta apropia pa uza titulo seglar, kico e palabranan di Hesus na Mateo 23:8-11 ta indica tocante uzo di titulo pa labia hende den e congregacion cristian? (Echo. 26:25; Rom. 13:7; 1 Ped. 2:13, 14)

   2. Kico e farizeonan a haci pa purba stroba hende di bira cristian, y con lidernan religioso a uza tacticanan similar den nos tempo? (Mat. 23:13; Luc. 11:52; Juan 9:22; 12:42; 1 Tes. 2:16)

2. Lesa Mateo 24:1-14.

   1. Di ki manera Mateo 24:13 ta enfatisa con importante ta pa nos persevera?

   2. Kico e expresion “fin” na Mateo 24:13 ta nifica? (Mat. 16:27; Rom. 14:10-12; 2 Cor. 5:10)

3. Lesa Marco 13:3-10.

   Ki expresion na Marco 13:10 ta mustra con urgente ta pa nos predica e bon nobo, y ki efecto e palabranan aki di Hesus mester tin riba nos? (Rom. 13:11, 12; 1 Cor. 7:29-31; 2 Tim. 4:2)

Relato 99

1. Pakico Hesus y su 12 apostelnan ta den un sala grandi ariba, manera bo por mira riba e plachi?

2. Ken e homber cu ta saliendo ta, y kico e ta bai haci?

3. Ki cena special Hesus a cuminsa despues cu nan a caba di come e cena di Pasco Hudiu?

4. E Pasco Hudiu a recorda e Israelitanan di ki suceso, y kico e cena special aki ta pone siguidonan di Hesus corda?

5. Despues di e Cena di Señor, kico Hesus a bisa su siguidonan, y kico nan a haci?

Preguntanan adicional:

1. Lesa Mateo 26:14-30.

   1. Con Mateo 26:15 ta mustra cu ta deliberadamente Judas a traiciona Hesus?

   2. E sanger drama di Hesus a sirbi cua dos proposito? (Mat. 26:27, 28; Jer. 31:31-33; Efe. 1:7; Heb. 9:19, 20)

2. Lesa Lucas 22:1-39.

   Den ki sentido Satanas a drenta Judas? (Luc. 22:3; Juan 13:2; Echo. 1:24, 25)

3. Lesa Juan 13:1-20.

   1. Den bista di e relato na Juan 13:2, por bisa cu Judas ta responsabel pa loke el a haci? Y kico sirbidornan di Dios por siña for di esaki? (Gen. 4:7; 2 Cor. 2:11; Gal. 6:1; Sant. 1:13, 14)

   2. Ki les practico y poderoso Hesus a laga atras? (Juan 13:15; Mat. 23:11; 1 Ped. 2:21)

4. Lesa Juan 17:1-26.

   Den ki sentido Hesus a pidi den oracion pa su siguidonan por “ta un”? (Juan 17:11, 21-23; Rom. 13:8; 14:19; Col. 3:14)

Relato 100

1. Unda Hesus y su apostelnan a bai despues cu nan a baha for di e sala ariba, y kico el a bisa nan pa haci?

2. Ki situacion Hesus a topa ora el a bolbe cerca su apostelnan, y cuanto biaha esei a sosode?

3. Ken a drenta den e hofi y kico Judas Iscariot a haci, manera bo por mira riba e plachi?

4. Pakico Judas a sunchi Hesus, y kico Pedro a haci?

5. Kico Hesus a bisa Pedro, pero pakico Hesus no a pidi Dios pa manda angel?

Preguntanan adicional:

1. Lesa Mateo 26:36-56.

   1. Con e manera cu Hesus a conseha su discipelnan ta sirbi como un excelente ehempel pa ancianonan cristian awe? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Ki punto di bista Hesus tabatin encuanto di uzo di arma carnal contra nos prohimo? (Mat. 26:52; Luc. 6:27, 28; Juan 18:36)

2. Lesa Lucas 22:39-53.

   E echo cu un angel a aparece na Hesus den e hofi di Getsemane pa fortalec’e a nifica cu Hesus su fe a tambalia? Splica. (Luc. 22:41-43; Isa. 49:8; Mat. 4:10, 11; Heb. 5:7)

3. Lesa Juan 18:1-12.

   Con Hesus a proteha su discipelnan contra su opositornan, y kico nos por siña for di e ehempel aki? (Juan 10:11, 12; 18:1, 6-9; Heb. 13:6; Sant. 2:25)

Relato 101

1. Ken mas cu tur ta responsabel pa e echo cu nan a mata Hesus?

2. Kico e apostelnan a haci ora e lidernan religioso a bai cu Hesus?

3. Kico a sosode na cas di e sumo sacerdote, Caifas?

4. Pakico Pedro a bai anto yora?

5. Kico e sacerdotenan principal a grita ora e hendenan a trece Hesus bek pa Pilato?

6. Kico a pasa cu Hesus riba diabierna traimerdia, y kico el a priminti un criminal cu tabata colga na staca banda di dje?

7. Unda e Paradijs cu Hesus a papia di dje lo ta?

Preguntanan adicional:

1. Lesa Mateo 26:57-75.

   Con e miembronan di e corte supremo Hudiu a demostra cu nan curason ta malbado? (Mat. 26:59, 67, 68)

2. Lesa Mateo 27:1-50.

   Pakico nos por bisa cu e arepentimento cu Judas a sinti no tabata berdadero? (Mat. 27:3, 4; Mar. 3:29; 14:21; 2 Cor. 7:10, 11)

3. Lesa Lucas 22:54-71.

   Ki les nos por siña for di e echo cu Pedro a nenga Hesus e anochi cu el a ser traiciona y aresta? (Luc. 22:60-62; Mat. 26:31-35; 1 Cor. 10:12)

4. Lesa Lucas 23:1-49.

   Con Hesus a reacciona na e inhusticia cometi contra dje, y kico nos por siña for di esaki? (Luc. 23:33, 34; Rom. 12:17-19; 1 Ped. 2:23)

5. Lesa Juan 18:12-40.

   Kico nos por siña for di e echo cu maske miedo di hende a paralisa Pedro temporalmente, despues el a recupera y bira un apostel sobresaliente? (Juan 18:25-27; 1 Cor. 4:2; 1 Ped. 3:14, 15; 5:8, 9)

6. Lesa Juan 19:1-30.

   1. Ki punto di bista balansa Hesus tabatin di cos material? (Juan 2:1, 2, 9, 10; 19:23, 24; Mat. 6:31, 32; 8:20)

   2. Con e ultimo palabranan di Hesus prome cu su morto tabata un declaracion di triunfo pa e echo cu el a sostene Jehova su soberania te final? (Juan 16:33; 19:30; 2 Ped. 3:14; 1 Juan 5:4)

Relato 102

1. Ken e señora riba e plachi ta, ken e dos hombernan ta, y na unda nan ta ei?

2. Pakico Pilato a bisa e sacerdotenan pa manda solda pa tene warda na e graf di Hesus?

3. Kico un angel a haci tempran riba e di tres dia despues cu Hesus a muri, pero kico e sacerdotenan a haci?

4. Pakico algun hende muher a keda sorprendi ora nan a bishita e graf di Hesus?

5. Dicon Pedro y Juan a core bai na e graf di Hesus, y kico nan a topa ei?

6. Kico a sosode cu e curpa di Hesus, pero kico el a haci pa mustra e discipelnan cu e ta bibo?

Preguntanan adicional:

1. Lesa Mateo 27:62-66 y 28:1-15.

   Ora Hesus a resusita, con e sacerdotenan principal, e farizeonan y e ancianonan a peca contra spirito santo? (Mat. 12:24, 31, 32; 28:11-15)

2. Lesa Lucas 24:1-12.

   Con e relato di e resureccion di Hesus ta mustra cu den Jehova su bista, hende muher ta testigo confiabel? (Luc. 24:4, 9, 10; Mat. 28:1-7)

3. Lesa Juan 20:1-12.

   Con Juan 20:8 y 9 ta yuda nos mira cu nos mester tene pasenshi ora nos no ta compronde completamente con un profesia biblico ta bai cumpli? (Pro. 4:18; Mat. 17:22, 23; Luc. 24:5-8; Juan 16:12)

Relato 103

1. Kico Maria a bisa un homber cu el a mira pa e hardinero, pero kico a yud’e realisa cu en realidad tabata Hesus?

2. Kico a sosode cu dos discipel cu tabata cana bai e pueblo Emaus?

3. Ki cos asombroso a sosode ora e dos discipelnan a bisa e apostelnan cu nan a mira Hesus?

4. Cuanto biaha Hesus a aparece na su siguidonan?

5. Kico Tomas a bisa ora el a tende cu e discipelnan a mira Señor, pero kico a sosode ocho dia despues?

Preguntanan adicional:

1. Lesa Juan 20:11-29.

   Loke Hesus tabata kiermen na Juan 20:23 ta cu hende tin autoridad pa pordona pica? Splica. (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2)

2. Lesa Lucas 24:13-43.

   Con nos por prepara nos curason pa e ta receptivo na berdadnan di Bijbel? (Luc. 24:32, 33; Esd. 7:10; Echo. 16:14; Heb. 5:11-14)

Relato 104

1. Cuanto discipel a mira Hesus na un cierto ocasion, y tocante kico el a papia cu nan?

2. Kico e Reino di Dios ta, y con bida lo ta riba Tera ora Hesus ta gobernando como Rei pa mil aña?

3. Pa cuanto dia Hesus a keda aparece na su discipelnan, pero awor a yega tempo pa e haci kico?

4. Net prome cu Hesus a bai laga su discipelnan, kico el a manda nan haci?

5. Kico ta sosode riba e plachi, y con Hesus a disparce for di nan bista?

Preguntanan adicional:

1. Lesa 1 Corintionan 15:3-8.

   Pakico apostel Pablo por a papia cu asina tanto confiansa tocante e resureccion di Hesus, y tocante kico cristiannan awe por papia cu confiansa? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5)

2. Lesa Echonan 1:1-11.

   Te con leu e trabou di predica a plama, manera a ser profetisa na Echonan 1:8? (Echo. 6:7; 9:31; 11:19-21; Col. 1:23)

Relato 105

1. Manera bo por mira riba e plachi, kico a sosode cu e siguidonan di Hesus cu a keda spera na Jerusalem?

2. Ki sorpresa e bishitantenan na Jerusalem a ricibi?

3. Kico Pedro a splica e hendenan?

4. Kico e hendenan a sinti despues cu nan a scucha Pedro, y kico Pedro a bisa nan pa haci?

5. Cuanto hende a batisa riba e dia di Pentecoste di aña 33 di nos era?

Preguntanan adicional:

1. Lesa Echonan 2:1-47.

   1. Con e palabranan di Pedro na Echonan 2:23 y 36 ta mustra cu henter e nacion Hudiu a carga culpa pa e morto di Hesus? (1 Tes. 2:14, 15)

   2. Con Pedro a pone un bon ehempel den e manera cu el a rasona for di e Scritura? (Echo. 2:16, 17, 29, 31, 36, 39; Col. 4:6)

   3. Con Pedro a uza e prome ‘yabi di e reino di shelo’ cu Hesus a priminti di dun’e? (Echo. 2:14, 22-24, 37, 38; Mat. 16:19)

Relato 106

1. Kico a sosode cu Pedro y Juan un atardi ora nan tabata bai na e tempel?

2. Kico Pedro a bisa e homber coho, y kico Pedro a dun’e cu tabatin mas balor cu placa?

3. Pakico e lidernan religioso a rabia, y kico nan a haci cu Pedro y Juan?

4. Kico Pedro a bisa e lidernan religioso, y ki spiertamento e apostelnan a ricibi?

5. Pakico e lidernan religioso tabata jaloers, pero kico a sosode ora nan a sera e apostelnan den prizon e di dos bes?

6. Kico e apostelnan a contesta ora a hiba nan den e sala di Sanedrin?

Preguntanan adicional:

1. Lesa Echonan 3:1-10.

   Aunke nos awendia no a ricibi poder pa haci milager, con e palabranan di Pedro na Echonan 3:6 ta yuda nos aprecia e balor di e mensahe di Reino? (Juan 17:3; 2 Cor. 5:18-20; Fil. 3:8)

2. Lesa Echonan 4:1-31.

   Ora nos enfrenta oposicion den e ministerio, con nos mester imita nos rumannan cristian di prome siglo? (Echo. 4:29, 31; Efe. 6:18-20; 1 Tes. 2:2)

3. Lesa Echonan 5:17-42.

   Con algun hende cu no ta testigo, tanto di pasado como di presente, a yega di mustra cu nan tin un punto di bista rasonabel tocante e obra di predica? (Echo. 5:34-39)

Relato 107

1. Ken Esteban ta, y kico Dios a yuda Esteban haci?

2. Kico Esteban a bisa cu a pone e lidernan religioso rabia masha hopi?

3. Ora e hombernan a lastra Esteban hib’e pafo di e stad, kico nan a haci cu ne?

4. Riba e plachi, ken ta e homber hoben para banda di e mantelnan?

5. Kico Esteban a pidi Jehova den oracion prome cu el a muri?

6. Con nos mester imita Esteban ora hende trata nos malo?

Preguntanan adicional:

1. Lesa Echonan 6:8-15.

   Ki triki e lidernan religioso a uza pa purba para e obra di predica di Testigonan di Jehova? (Echo. 6:9, 11, 13)

2. Lesa Echonan 7:1-60.

   1. Kico a yuda Esteban defende e bon nobo na un manera eficas dilanti di e Sanedrin, y kico nos por siña for di su ehempel? (Echo. 7:51-53; Rom. 15:4; 2 Tim. 3:14-17; 1 Ped. 3:15)

   2. Ki actitud nos mester cultiva tocante hende cu ta opone nos trabou di predica? (Echo. 7:58-60; Mat. 5:44; Luc. 23:33, 34)

Relato 108

1. Kico Saulo a haci despues cu a mata Esteban?

2. Ki cos asombroso a sosode ora Saulo tabata riba caminda pa Damasco?

3. Kico Hesus a bisa Saulo pa haci?

4. Ki instruccion Hesus a duna Ananias, y con Saulo a haya su bista bek?

5. Bou di ki nomber Saulo a bira conoci despues, y con Hesus a uza Saulo?

Preguntanan adicional:

1. Lesa Echonan 8:1-4.

   Con e ola di persecucion cu a bini riba e congregacion cristian recien forma a yuda plama e fe cristian, y con algo similar a sosode den nos tempo? (Echo. 8:4; Isa. 54:17)

2. Lesa Echonan 9:1-20.

   Cua tabata e tres misionnan cu Hesus tabatin na mente pa Saulo? (Echo. 9:15; 13:5; 26:1; 27:24; Rom. 11:13)

3. Lesa Echonan 22:6-16.

   Con asina nos por ta manera Ananias, y pakico esei ta importante? (Echo. 22:12; 1 Tim. 3:7; 1 Ped. 1:14-16; 2:12)

4. Lesa Echonan 26:8-20.

   Con e combertimento di Saulo pa bira un cristian ta sirbi como animacion awe pa esnan cu tin casa cu no ta creyente? (Echo. 26:11; 1 Tim. 1:14-16; 2 Tim. 4:2; 1 Ped. 3:1-3)

Relato 109

1. Ken e homber na rudia riba e plachi ta?

2. Kico un angel a bisa Cornelio?

3. Kico Dios a laga Pedro mira ora e tabata den balcon riba dak di cas di Simon na Jope?

4. Pakico Pedro a bisa Cornelio cu e no mester buig y ador’e?

5. Pakico e discipelnan Hudiu cu tabata hunto cu Pedro a keda asombra?

6. Ki les importante nos mester saca for di Pedro su bishita na Cornelio?

Preguntanan adicional:

1. Lesa Echonan 10:1-48.

   Kico e palabranan di Pedro na Echonan 10:42 ta siña nos tocante e trabou di predica e bon nobo di Reino? (Mat. 28:19; Mar. 13:10; Echo. 1:8)

2. Lesa Echonan 11:1-18.

   Ki actitud Pedro a desplega ora a bira bisto kico Jehova tabata indica tocante hende di e nacionnan, y con nos por imita su ehempel? (Echo. 11:17, 18; 2 Cor. 10:5; Efe. 5:17)

Relato 110

1. Ken e hoben riba e plachi ta, unda e ta biba, y con yama su mama y su wela?

2. Kico Timoteo a bisa ora Pablo a puntr’e si e kier bai hunto cu ne y Silas pa predica cerca hende na luganan mas leu?

3. Na unda e siguidonan di Hesus a ser yama cristian pa prome bes?

4. Cua ta algun stad cu Pablo, Silas y Timoteo a bishita despues cu nan a bai for di Listra?

5. Con Timoteo a yuda Pablo, y ki pregunta hobennan mester haci nan mes awe?

Preguntanan adicional:

1. Lesa Echonan 9:19-30.

   Con apostel Pablo a actua na un manera discreto ora el a enfrenta oposicion contra e bon nobo? (Echo. 9:22-25, 29, 30; Mat. 10:16)

2. Lesa Echonan 11:19-26.

   Con e relato registra na Echonan 11:19-21 y 26 ta mustra cu e spirito di Jehova ta dirigi e trabou di predica?

3. Lesa Echonan 13:13-16 y 42-52.

   Con Echonan 13:51 y 52 ta mustra cu e discipelnan no a laga oposicion desanima nan? (Mat. 10:14; Echo. 18:6; 1 Ped. 4:14)

4. Lesa Echonan 14:1-6 y 19-28.

   Con e expresion ‘nan a encomenda nan na Jehova’ ta yuda alivia cualkier indebido ansiedad cu nos lo por tin ora nos ta yuda discipelnan nobo? (Echo. 14:21-23; 20:32; Juan 6:44)

5. Lesa Echonan 16:1-5.

   Con e echo cu Timoteo a somete su mes voluntariamente na circuncision ta enfatisa cu ta importante pa nos ‘haci tur cos pa causa di e bon nobo’? (Echo. 16:3; 1 Cor. 9:23; 1 Tes. 2:8)

6. Lesa Echonan 18:1-11 y 18-22.

   Con Echonan 18:9 y 10 ta indica cu Hesus ta personalmente envolvi den dirigi e trabou di predica, y ki confiansa esei ta duna nos awe? (Mat. 28:20)

Relato 111

1. Riba e plachi, ken e mucha homber drumi na suela ta, y kico a pas’e?

2. Kico Pablo a haci ora el a mira cu e mucha ta morto?

3. Unda Pablo, Timoteo y esnan cu tabata biahando cu nan tabata bayendo, y kico a sosode ora nan a pasa un temporada na Mileto?

4. Ki spiertamento e profeta Agabo a duna Pablo, y con a sosode net manera e profeta a bisa?

Preguntanan adicional:

1. Lesa Echonan 20:7-38.

   1. Con nos por keda “inocente di e sanger di tur hende” segun e palabranan di Pablo na Echonan 20:26 y 27? (Eze. 33:8; Echo. 18:6, 7)

   2. Pakico ancianonan mester “tene firme na e palabra fiel” ora nan ta siña hende? (Echo. 20:17, 29, 30; Tito 1:7-9; 2 Tim. 1:13)

2. Lesa Echonan 26:24-32.

   Con Pablo a uza su ciudadania Romano pa cumpli cu e encargo di predica cu el a ricibi for di Hesus? (Echo. 9:15; 16:37, 38; 25:11, 12; 26:32; Luc. 21:12, 13)

Relato 112

1. Kico a sosode cu e barco cu Pablo tabata riba dje, ora el a pasa banda di e isla di Creta?

2. Kico Pablo a bisa e hendenan riba e barco?

3. Con bin e barco a kibra na pida pida?

4. Ki instruccion e oficial militar a duna, y cuanto hende a yega tera sano y salvo?

5. Con yama e isla cu nan a yega, y kico nan a haci cu Pablo ora tempo a mehora?

Preguntanan adicional:

1. Lesa Echonan 27:1-44.

   Con nos confiansa den e exactitud di e registro biblico ta bira mas fuerte ora nos lesa e relato di Pablo su biahe pa Roma? (Echo. 27:16-19, 27-32; Luc. 1:3; 2 Tim. 3:16, 17)

2. Lesa Echonan 28:1-14.

   Si e habitantenan pagano di Malta a sinti nan motiva pa trata apostel Pablo y e otro hendenan cu a naufraga hunto cu ne cu “cariño excepcional”, cristiannan mester ser motiva pa desplega kico, y den ki manera principalmente? (Echo. 28:1, 2; Heb. 13:1, 2; 1 Ped. 4:9)

Relato 113

1. Na ken Pablo a predica ora e tabata preso na Roma?

2. Riba e plachi, ken ta e bishitante sinta na mesa, y kico e ta haciendo pa Pablo?

3. Ken ta Epafrodito, y kico el a hiba ora el a bai bek Filipos?

4. Pakico Pablo a skirbi un carta pa su bon amigo Filemon?

5. Kico Pablo a haci ora nan a lag’e liber, y kico a sosode cu ne despues?

6. Ken Jehova a uza pa skirbi e ultimo bukinan di Bijbel, y kico e buki di Revelacion ta conta?

Preguntanan adicional:

1. Lesa Echonan 28:16-31 y Filipensenan 1:13.

   Con Pablo a uza su tempo ora e tabata preso na Roma, y ki efecto su fe firme tabatin riba e congregacion cristian? (Echo. 28:23, 30; Fil. 1:14)

2. Lesa Filipensenan 2:19-30.

   Con Pablo a expresa su aprecio pa Timoteo y Epafrodito, y con nos por imita e ehempel di Pablo? (Fil. 2:20, 22, 25, 29, 30; 1 Cor. 16:18; 1 Tes. 5:12, 13)

3. Lesa Filemon 1-25.

   1. A base di kico Pablo a urgi Filemon pa actua corectamente, y con esaki ta sirbi como un guia pa ancianonan awe? (Flm. 9; 2 Cor. 8:8; Gal. 5:13)

   2. Con loke Pablo a expresa na Filemon 13 y 14 ta mustra cu el a respeta consenshi di otro hende den e congregacion? (1 Cor. 8:7, 13; 10:31-33)

4. Lesa 2 Timoteo 4:7-9.

   Dicon nos por tin confiansa, mescos cu apostel Pablo, cu Jehova lo recompensa nos si nos keda fiel te na fin? (Mat. 24:13; Heb. 6:10)

Relato 114

1. Pakico Bijbel ta papia di cabai den shelo?

2. Con yama e guera cu Dios ta bai bringa contra mal hende riba Tera, y ki proposito e guera ei tin?

3. Ken ta Esun riba e plachi cu ta bai dilanti den e guera, pakico e tin un corona bisti, y kico su spada ta nifica?

4. Si nos bolbe wak Relato 10, 15 y 33, pakico nos no mester keda straño cu Dios ta bai destrui mal hende?

5. Con Relato 36 y 76 ta mustra nos cu Dios lo destrui mal hende asta si nan ta bisa cu nan ta ador’e?

Preguntanan adicional:

1. Lesa Revelacion 19:11-16.

   1. Con e Scritura ta mustra bon cla cu ta Hesucristo ta e hinete riba e cabai blanco? (Rev. 1:5; 3:14; 19:11; Isa. 11:4)

   2. Con e spatnan di sanger riba e paña di Hesus ta confirma cu su victoria lo ta decisivo y completo? (Rev. 14:18-20; 19:13;)

   3. Ken probablemente lo ta inclui den e ehersito cu lo sigui Hesus riba su cabai blanco? (Rev. 12:7; 19:14; Mat. 25:31, 32)

Relato 115

1. Ki condicionnan Bijbel ta bisa cu nos lo disfruta di dje den e Paradijs riba Tera?

2. Kico Bijbel ta priminti esnan cu lo biba den Paradijs?

3. Na ki tempo Hesus lo percura pa e cosnan maraviyoso aki tuma luga?

4. Tempo cu Hesus tabata riba Tera, kico el a haci pa mustra e cosnan cu e lo haci como Rei di e Reino di Dios?

5. Kico Hesus y e otronan cu lo reina cu ne den shelo ta bai percura p’e ora nan ta goberna Tera for di shelo?

Preguntanan adicional:

1. Lesa Revelacion 5:9 y 10.

   Pakico nos por tin confiansa cu e reinan y sacerdotenan cu ta bai goberna Tera durante e Reinado di Mil Aña lo haci esei cu comprension y misericordia? (Efe. 4:20-24; 1 Ped. 1:7; 3:8; 5:6-10)

2. Lesa Revelacion 14:1-3.

   Kico e nomber di e Tata y e nomber di e Lamchi skirbi riba frenta di e 144.000 personanan ta nifica? (1 Cor. 3:23; 2 Tim. 2:19; Rev. 3:12)

Relato 116

1. Kico nos mester sa pa nos por biba pa semper?

2. Con nos por siña tocante Jehova Dios y Hesus, manera bo ta mira e mucha muher y su amiguitonan ta haci riba e plachi?

3. Cua otro buki bo ta mira riba e plachi, y pakico nos mester les’e regularmente?

4. Ademas di siña tocante Jehova y Hesus, kico mas ta necesario pa nos por gana bida eterno?

5. Ki les Relato 69 ta siña nos?

6. Kico e bon ehempel di Samuel como mucha na Relato 55 ta mustra?

7. Con nos por sigui e ehempel di Hesucristo, y si nos haci asina, kico nos lo por haci den futuro?

Preguntanan adicional:

1. Lesa Juan 17:3.

   Con e Scritura ta mustra cu gana conocemento di Jehova Dios y di Hesucristo ta ensera mas cu djis siña cos for di cabes? (Mat. 7:21; Sant. 2:18-20; 1 Juan 2:17)

2. Lesa Salmo 145:1-21.

   1. Cua ta un par di e tantisimo motibonan cu nos tin pa alaba Jehova? (Sal. 145:8-11; Rev. 4:11)

   2. Con Jehova ta “bon pa tur”, y con e echo aki mester keda hala nos mas y mas cerca dje? (Sal. 145:9; Mat. 5:43-45)

   3. Si nos ta stima Jehova di curason, kico nos lo ser motiva pa haci? (Sal. 119:171, 172, 175; 145:11, 12, 21)