Isaías 40:1-31
40 Boso Dios ta bisa: “Konsolá mi pueblo; sí, konsol’é.+
2 Papia palabra di konsuelo ku* e hendenan di Herúsalèm,i anunsiá ku nan a kumpli ku nan servisio obligatorio;sí, nan a paga pa loke nan a hasi.+For di Yehova su man, nan a risibí nan kastigu meresí* pa tur nan pikánan.”+
3 Tin un hende* ta grita den desierto:“Habri* kaminda pa Yehova!+Traha un kaminda grandi+ pa nos Dios, un kaminda stret ku ta pasa den desierto.+
4 Yena tur vaye pa nan por bira mas haltu,i baha tur seru i seritu.E terenonan yen di bulto mester bira plat,i e terenonan yen di baranka mester bira un sabana.+
5 E ora ei, e gloria di Yehova lo ser revelá,+i tur hende* lo mir’é,+pasobra ta Yehova su boka a bisa esei.”
6 Skucha! Tin un hende ta bisa: “Anunsiá!”Un otro hende ta puntra: “Kiko mi mester anunsiá?”E ora ei, e otro ta kontestá: “Tur hende* ta manera yerba bèrdè.Nan lealtat* ta manera flor di mondi.+
7 Yerba bèrdè ta seka,i flor ta marchitá,+pasobra rosea* di Yehova ta supla riba nan.+Sí, hende no ta nada mas ku yerba bèrdè.
8 Yerba bèrdè ta seka,i flor ta marchitá,pero e palabranan di nos Dios ta keda pa semper.”+
9 Abo* ku ta trese bon notisia pa Siòn,+subi un seru haltu.Abo ku ta trese bon notisia pa Herúsalèm,laga bo stèm resoná duru.No tene miedu; hisa bo stèm.Anunsiá na e statnan di Huda: “Boso Dios ta ku boso.”+
10 Tende! Señor Soberano Yehova lo bini ku poder,i lo e goberná ku su brasa.+Tende! E tin e rekompensa ku e ta duna huntu kuné;e tin e salario ku e ta paga su dilanti.+
11 Lo e kuida* su tou manera un wardadó di karné ta hasi.+Lo* e trese e lamchinan huntui karga nan den su brasa.*Ku masha ternura, lo e guia e karnénan ku ta duna yu lechi.+
12 Ken por midi tur e awanan di laman den su plant’i man?+I ken por midi shelu ku un span di su man?*Ken por kolektá stòf ku tin riba tera den un kos di midi?+Òf ken por pisa e serunani e seritunan riba balansa?
13 Ken por midi* Yehova su spiritu,i ken por dun’é konseho i siñ’é algu?+
14 Ku ken el a konsultá pa haña komprondementu?Ken ta siñ’é kana den kaminda di hustisia?Ken ta yud’é haña konosementuòf mustr’é e kaminda ku ta hiba na berdadero komprondementu?+
15 Wak! E nashonnan ta manera un gota di awa den un hèmber,sí, manera un poko stòf riba balansa.+Wak! Dios ta hisa e islanan komo si fuera ta stòf fini nan ta.
16 Ni tur e palunan di Líbanòn no ta sufisiente pa kima riba altar,ni tur e bestianan di mondi di Líbanòn no ta sufisiente pa ofresé komo ofrenda kimá.
17 Pa Dios, tur e nashonnan ta manera algu ku no ta eksistí.+E ta konsiderá nan manera nada, manera algu sin balor.+
18 Ku ken boso por kompará Dios?+Kiko boso por bisa ku pars’é?+
19 Un artesano ta traha un imágen.*Despues, un platé ta fura e imágen ku oro,+i e ta traha kadena di plata pa e imágen.
20 Òf un hende ta skohe un palu komo su ofrenda,+un palu ku no ta putri.E ta buska un bon artesanopa traha un imágen ku lo no kèntel.+
21 Boso no sa?Boso no a tende?Nan no a bisa boso for di prinsipio?Boso no a ripará e pruebanan ku tin for di tempu ku a pone fundeshi di tera?+
22 Dios su lugá di biba ta mas haltu ku tera, ku ta rondó,*+i e habitantenan di tera ta meskos ku dalakochi su dilanti.E ta span shelu manera un kortina fini,i e ta habrié manera un tènt ku hende ta biba aden.+
23 E ta kaba ku poder di gobernante,i e ta pone e huesnan* di tera bira algu sin balor.
24 Nan a kaba di ser plantá;nan a kaba di ser sembrái nan a kuminsá saka rais den tera.Pero bientu ta supla riba nan, i nan ta seka,i bientu ta supla nan bai ku nan manera bagas.+
25 Dios Santu ta bisa: “Ta ku ken boso por kompará mi? Ken ta mi pareu?
26 Hisa boso wowo na shelu i wak.Ken a krea tur e streanan ei?+Ta e Persona ku ta dirigí e streanan manera un ehérsito i ku ta konta nan un pa un.E ta yama nan tur na nan nòmber.+Su forsa* inmenso i su poder impreshonante+ta tene nan tur na nan lugá.*
27 Yakòb, dikon bo ta bisa, sí, abo, Israel, dikon bo ta deklará:‘Yehova no ta mira loke ta pasa ku mi,i Dios no ta hasi kaso di e inhustisianan ku mi ta haña mi kuné’?+
28 Boso no sa? Boso no a tende?Yehova, Kreador di tur loke tin riba tera, ta Dios pa semper.+Nunka e no ta kansa ni keda agotá.+Nunka hende lo no por kaba di komprondé su sabiduria.*+
29 E ta duna hende kansá forsa,i e ta duna hende suak energia.*+
30 Asta mucha hòmber lo kansa i keda agotá,i hóben lo trompeká i kai,
31 pero hende ku ta pone nan speransa den Yehova lo bolbe haña forsa.Nan lo subi bai haltu komo si fuera ta ala di águila nan tin.+Nan lo kore sin keda agotá;nan lo kana sin kansa.”+
Nota
^ Òf: “Papia pa yega na kurason di.”
^ Òf: “a risibí dòbel kastigu.”
^ Lit.: “stèm.”
^ Òf: “Prepará.”
^ Òf: “karni.”
^ Òf: “karni.”
^ Òf: “amor leal.”
^ Òf: “spiritu.”
^ Na hebreo, “abo” ta na forma femenino. Lit.: “Abo, hende muhé.”
^ Òf: “pastoriá.”
^ Òf: “Ku su brasa, lo.”
^ Lit.: “karga nan na su pechu.”
^ Den tempu di Beibel, esei tabata e distansia entre e punta di e dùim i e punta di e dede chikitu ora ku un man ta di span. Wak Ap. B14.
^ Òf posiblemente: “komprondé.”
^ Òf: “un estatua bashá di metal; un ídolo.”
^ Òf: “mas haltu ku e sírkulo di tera.”
^ Òf: “e gobernantenan.”
^ Òf: “energia dinámiko.”
^ Òf: “ta pone ku niun di nan no ta falta.”
^ Òf: “Su komprondementu ta insondabel (inskrudiñabel).”
^ Òf: “vigor.”
