Konmemorashon di Morto di Hesus
Djaweps 2 di Aprel 2026
Un biaha pa aña, Testigunan di Yehova ta konmemorá morto di Hesus. Hesus a bisa: “Sigui hasi esaki na mi memoria”—Lúkas 22:19.
Nos ta invitá abo i bo famia pa asistí na e evento akí.
Pregunta Ku Hopi Hende Sa Hasi
Ken por asistí?
Tur hende ta bon biní. Bo por invitá bo famianan i bo amigunan tambe.
Kon largu e evento akí lo dura?
Lo e dura mas o ménos un ora.
Unda lo tene e evento akí?
Bo por tuma kontakto ku Testigunan di Yehova pa haña mas detaye.
Mester paga pa entrada i bo ta obligá di asistí na e siguiente reunionnan?
Nò.
Ta pasa kolèkt?
Nò. Nunka nos no ta pasa kolèkt na nos reunionnan.—Mateo 10:8.
Kon bo mester bisti?
No ta nesesario pa bo bisti na un manera spesial. Pero Testigunan di Yehova ta hasi esfuerso pa bisti na un manera ku ta mustra rèspèt pa e okashon sagrado akí.
Kiko bo por spera na e Konmemorashon?
E reunion lo kuminsá i kaba ku un kantika i un Testigu di Yehova lo hasi orashon. Lo tin un diskurso basá riba Beibel ku lo mustra dikon Hesus mester a muri i kon nos por benefisiá di loke Dios i Kristu a hasi pa nos.
Pa mas informashon, wak e artíkulo “Dikon Testigunan di Yehova Ta Selebrá e Sena di Señor Diferente for di Otro Religion?”
Ki fecha lo tene e siguiente Konmemorashonnan?
2026: Djaweps 2 di Aprel
2027: Djaluna 22 di Mart
Otro Artíkulo Interesante
MEMORIAL
Laga Nos Rekordá Hesus Su Morto
Testigunan di Yehova ta invitá bo pa bo reuní ku nan pa e okashon tan importante akí. Lo bo haña sa kon e bida i morto di Hesus por benefisiá bo.
SIÑANSA DI BEIBEL
Dikon Hesus A Muri?
Beibel ta duna hopi importansia na e morto di Hesus. Su morto tabatin un propósito?
TOKANTE NOS
Reunion di Kongregashon di Testigunan di Yehova
Haña sa unda i kon nos ta adorá Dios. Tur hende ta bon biní i no ta pasa kolèkt.