Isaías 21:1-17
21 Un mensahe di huisio kontra e desierto* ku ta manera laman:*+Un kalamidat ta biniendo manera bientu di orkan ku ta bini di zùit;e ta bini for di desierto, for di un pais spantoso.+
2 Dios a mustra mi un vishon teribel:Un nashon traishonero ta komportá su mes na un manera traishonero,i e nashon destruktivo ei ta destruí otro nashon.Élam, ataká! Media,+ rondoná stat!Lo mi pone fin na tur sufrimentu ku e nashon ei a kousa hende.+
3 Mi ta morto spantá* pa motibu di e vishon ei.+Doló a sera mi,manera doló di un hende muhé ku ta haña yu.Mi ta asina preokupá ku mi no por tende;mi ta asina anshá ku mi no por mira.
4 Mi tin batimentu di kurason; mi ta tembla di miedu.Mi tabata anhelá pa solo baha, pero awor ku el a baha, esei ta pone mi tembla.
5 Drecha mesa i pone e stulnan na òrdu!Kome i bebe!+Lidernan, lanta ariba, i hunta boso eskudo ku zeta!*
6 Esaki ta loke Yehova a bisa mi:“Pone un vigilante, i lag’é mèldu loke e ta mira.”
7 E vigilante a mira hende den garoshi di guera ku dos kabai ta hala,garoshi di guera ku buriku ta halai garoshi di guera ku kamel ta hala.El a paga bon tinu; sí, el a presta bon atenshon.
8 Anto e vigilante a grita manera un leon i bisa:“O Yehova, henter dia mi ta para riba e toren di vigilansia,i tur anochi mi ta para na mi pòst.+
9 Wak kiko ta biniendo:Hòmber den garoshi di guera ku dos kabai ta hala!”+Anto e vigilante a sigui bisa:“El a kai! Babilonia a kai!+Tur e imágennan di su diosnan ta bentá abou na suela, kibrá na wèrki!”+
10 Mi pueblo ku a ser trapá manera grano,sí, manera grano* di mi plenchi di bati kosecha,+mi a konta boso loke mi a tende for di Yehova di e ehérsitonan, Dios di Israel.
11 Esaki ta un mensahe di huisio kontra Duma:*Un hende ta yama mi for di Seír,+ bisando:“Vigilante, kuantu mas falta pa mainta habri?Vigilante, kuantu mas falta pa mainta habri?”
12 E vigilante a kontestá:“Mainta ta yegando, i anochi tambe.Si bo ke puntra algu, puntra numa.Bini bèk atrobe!”
13 Esaki ta un mensahe di huisio kontra e sabana den desierto:*Karavananan di Dédan,+boso lo pasa anochi den un mondi den e sabana den desierto.
14 Habitantenan di pais Tema,+trese awa pa hende ku tin set,i trese pan pa hende ku ta buska refugio.
15 Nan a hui pa spada, sí, pa spada saká for di baliña;nan a hui pa bog ku ta kla pa tira i pasobra e guera tabata kruel.
16 Esaki ta loke Yehova a bisa mi: “Denter di eksaktamente un aña,* tur e gloria di Kédar+ lo disparsé.
17 Di e guereronan di Kédar, masha poko tiradó di flecha lo sobra, pasobra Yehova, Dios di Israel, a bisa esei.”
Nota
^ Aparentemente, esaki ta referí na e region di Babilonia di antigwedat.
^ Lit.: “Mi hep ta yen di doló.”
^ Òf: “i ungi boso eskudo!” Ta posibel ku e eskudo ta representá un futuro rei. Wak Glosario, “Ungi.”
^ Lit.: “yu.”
^ Ku ta nifiká “silensio.” Un nòmber profétiko pa Édòm.
^ Evidentemente, esaki ta referí na Arabia.
^ Òf: “Denter di un aña, kontá kuidadosamente, manera un trahadó kontratá ta kont’é.” E añanan di servisio di un trahadó kontratá tabata fiho, pues esei ta enfatisá kon eksakto e periodo di tempu lo tabata.
