Isaías 28:1-29
28 Ai di e korona* bunita* di e burachénan di Efraím!+E dekorashon bunita ei no ta nada mas ku flor tur marchitá,sí, flor marchitá riba kabes di e stat situá mas ariba di e vaye fértil kaminda e hendenan bou di influensia di biña ta biba.
2 Wak! Yehova lo manda un persona fuerte i poderoso.Lo e benta e korona abou na suela ku forsa,manera un yobida pisá kompañá pa bos* i hagel,* un tormenta destruktivo,sí, manera un áwaseru pisá ku ta lastra tur kos bai kuné.
3 E koronanan bunita* di e burachénan di Efraímlo ser trapá.+
4 E dekorashon bunita ei, ku no ta nada mas ku flor tur marchitáriba kabes di e stat situá mas ariba di e vaye fértil,lo bira manera un bon figu ku ta hecha na kuminsamentu di e temporada ku figu ta hecha.Ora un hende mir’é, e ta koh’é i gulié manda abou asina ku e hañ’é den su man.
5 E dia ei, Yehova di e ehérsitonan lo bira un korona glorioso i un dekorashon di flor bunita riba kabes di e hendenan ku sobra di su pueblo.+
6 Lo e motivá e huesnan pa husga* na un manera hustu. I e hendenan ku ta defendé e porta di stat kontra enemigu ku ta ataká, lo e duna poder.+
7 Anto e siguiente hendenan tambe ta desviá for di e bon kaminda pa motibu di biña,sí, nan bibidanan alkohóliko ta pone nan zeila:Saserdote i profeta ta desviá pa motibu di bibida;biña tin nan mente tur bruá,i nan ta kana zeila pa motibu di bibida.Nan vishonnan ta pone nan desviá,i nan no por tuma bon desishon.+
8 Nan mesanan ta tur na saka;no tin niun lugá limpi.
9 Nan ta bisa: “Ta ken e ke siña?I ta ken e ke splika e mensahe akí?Ta yu ku a stòp di bebe lechi nos ta antó?Ta yu ku a kaba di kita for di pechu nos ta?
10 Pasobra kada bes e ta duna nos òrdu tras di òrdu, òrdu tras di òrdu,regla tras di regla, regla tras di regla,*+un tiki aki, un tiki aya.”*
11 P’esei, Dios lo papia ku e pueblo akí pa medio di hende ku ta papia un idioma estranhero i kende nan abla ta zona manera abla di hende gagu.+
12 El a yega di bisa nan: “Esaki ta un lugá di sosiegu. Laga ken ku ta kansá sosegá. Esaki ta un lugá pa hende refreská nan mes.” Pero nan no kier a skucha.+
13 P’esei, pa nan, e palabranan di Yehova lo ta:“Òrdu tras di òrdu, òrdu tras di òrdu,regla tras di regla, regla tras di regla,*+un tiki aki, un tiki aya.”Di manera ku ora nan kana,nan lo trompeká i kai ku lomba.Nan lo ser heridá, kohé den trampa i kapturá.+
14 Pues, bromadónan, gobernantenan di e pueblo akí ku ta na Herúsalèm,tende e palabranan di Yehova.
15 Boso ta bisa:“Nos a sera un pakto ku Morto,+i nos tin un akuerdo ku* Graf.*Ora ku inundashon fuerte pasa,lo e no alkansá nos,pasobra nos a buska refugio den mentira,i nos a skonde nos mes den engaño.”+
16 P’esei, esaki ta loke Señor Soberano Yehova ta bisa:“Komo fundeshi na Siòn, mi ta pone un piedra ku a ser di tèst.+Lo e ta un piedra di skina balioso+ di un fundeshi firme.+Niun hende ku pone fe den dje lo no drenta pániko.+
17 Lo mi laga hustisia bira manera un liña di midi,+i rektitut lo ta manera un chumbu di midi.*+Hagel lo lastra e refugio basá riba mentira bai kuné,i awa lo inundá boso lugá di skonde.
18 Boso pakto ku Morto lo ser anulá,i boso kombenio ku Graf* lo no keda vigente.+Ora e inundashon fuerte pasa,lo e kaba ku boso.
19 Kada biaha ku e pasa,lo e lastra boso bai kuné;+lo e pasa mainta tras di mainta,den dia i durante anochi.Ta teror so lo laga nan komprondé e mensahe ei.”*
20 E kama lo ta muchu kòrtiku pa rèk riba dje,i e laken lo ta muchu smal pa tapa kuné.
21 Yehova lo lanta para manera dia el a lanta para na seru Perazim.Lo e tuma akshon manera el a hasi den e vaye* serka di Gábaòn+pa e realisá su obra, un obra straño,*i pa e hasi su trabou, un trabou ku hende no tin kustumber di mira.+
22 Pues, no hasi bofon+pa no mester sera boso buinan mas pèrtá ainda,pasobra mi a tende for di Señor Soberano, Yehova di e ehérsitonan,ku el a disidí di destruí henter e pais.*+
23 Skucha mi bon.Paga tinu i skucha loke mi ta bisa.
24 Akaso un kunukero ta keda plug sin nunka sembra simia?Akaso ta nònstòp e ta keda bòltu e tera i hasié pareu?+
25 Nò, ora e kaba di hasi e tera pareu,e ta sembra komino i stroi komino pretu.E ta planta trigu, maishi chikí i puspas na nan lugá fiho den kunuku.Ademas, e ta planta spèlt*+ na rant di e kunuku.
26 Dios ta siña* un persona na e manera korekto,i e ta dun’é instrukshon.+
27 Pues, un kunukero no ta machiká komino pretu ku tabla di machiká tapushi,*+ni e no ta pasa riba komino ku wil di garoshi.Mas bien, ta ku bara un kunukero ta bati komino pretu,i ta ku palu e ta bati komino.
28 Si un hende ta bati grano pa traha pan, e ta keda batié te ora e bira puiru?Nò, e no ta keda batié pa semper.+I si e ta pasa riba e grano ku wil di garoshi i ku kabai,e no ta plèch’é te ora e bira puiru.+
29 E palabranan ei tambe ta bini di Yehova di e ehérsitonan;su propósito* ta maravioso,i su logronan ta grandi.*+
Nota
^ Aparentemente, esaki ta referí na e kapital, Samaria.
^ Òf: “arogante; yamativo.”
^ Òf: “dònder; strena.”
^ Òf: “piedra di eis.”
^ Òf: “arogante; yamativo.”
^ Òf: “Lo e laga su spiritu baha riba e huesnan pa nan husga.”
^ Òf: “liña di midi riba liña di midi, liña di midi riba liña di midi.”
^ Isaías su mensahe a zona ripititivo i infantil den orea di e lidernan religioso.
^ Òf: “liña di midi riba liña di midi, liña di midi riba liña di midi.”
^ Òf posiblemente: “nos tabatin un vishon huntu ku.”
^ Esta, un tipo di waterpas.
^ Òf posiblemente: “Ora nan komprondé e mensahe ei, nan lo sinti puru teror.”
^ Òf: “inusual.”
^ Òf: “henter tera.”
^ Òf: “disipliná; kastigá.”
^ Òf posiblemente: “konseho.”
^ Òf: “i e tin hopi sabiduria.”
