Isaías 24:1-23
24 Yehova ta bai saka tur hende for di e pais;* lo e laga e pais keda desolá.+Lo e bir’é boka abou+ i plama su habitantenan.+
2 Esei lo pasa ku tur hende:e pueblo i saserdote,shon i su sirbidó,señora i su kriá,kumpradó i bendedó,hende ku ta duna fiansa i hende ku ta fia ihende ku ta kobra fiansa i hende ku debe sèn.+
3 Tur hende lo ser saká for di e pais.Lo e keda kompletamente plumá,+pasobra ta Yehova a bisa esei.
4 E pais ta lamentá;*+ e ta kabando na nada.E tera* ta para seka; e ta birando desolá.E hendenan prominente di e pais ta kaba na nada.
5 E habitantenan mes a hasi e pais impuru,+pasobra nan a kibra e leinan,+nan a kambia e mandamentunan+i nan a kibra e pakto permanente.*+
6 Ta p’esei maldishon ta kaba ku e pais,+i e hendenan ku ta biba na e pais ta ser deklará kulpabel.Ta p’esei e kantidat di habitante di e pais a baha,i a sobra masha tiki hende.+
7 Biña nobo ta lamentá,* mata di wendrùif ta para seka,+i tur e hendenan ku tabatin kurason kontentu ta tristu awor.+
8 E zonido alegre di tamburein a para;e bochincha di e hendenan ku tabata festehá a stòp;e músika alegre di arpa a para.+
9 Nan ta bebe biña sin kanta,i bibida alkohóliko ta smak marga den boka di e hendenan ku ta beb’é.
10 E stat bandoná ta tur kibrá.+Tur kas ta será, i niun hende no por drenta.
11 Den kaya, hende ta grita pidi biña.Tur alegria a kaba;no tin niun hende kontentu mas na e pais.+
12 E stat a keda un ruina;su porta a keda na wèrki.+
13 Asin’akí e situashon lo ta pa mi pueblo na e pais i meimei di hende di otro nashon:Nan lo keda meskos ku e par di oleifinan ku ta sobra despues ku bati un palu di oleifi+i meskos ku e par di drùifnan ku ta sobra na final di kosecha di wendrùif.+
14 Hende lo grita;sí, nan lo grita di alegria.For di laman,* nan lo anunsiá e grandesa di Yehova.+
15 I nan lo alabá Yehova den region ost.*+Riba e islanan di laman, nan lo alabá e nòmber di Yehova, Dios di Israel.+
16 For di e partinan di mas leu di tera, nos ta tende kantamentu:“Gloria na Dios Hustu!”+Pero ami ta bisa: “Mi ta kabando na nada; tristesa ta kaba ku mi!Ai di mi! Hende ta traishoná i engañá otro hende.Sí, nan ta sigui traishoná i engañá otro hende.”+
17 Habitante di e pais, teror, buraku i trampa ta warda bo.+
18 Ken ku hui pa e zonido ku ta kousa teror lo kai den buraku,i ken ku sali for di buraku lo kai den trampa.+Lo habri e portanan ku ta wanta e awanan di shelu,i fundeshi di e pais lo sagudí.
19 E pais a sker habri.Temblor a sagudí e pais.E pais ta sagudí masha duru mes.+
20 E pais ta zeila manera un hòmber burachi,i e ta zuai bai bini manera un kasita den bientu.
Su piká ta pisa hopi riba dje;+lo e kai, i lo e no lanta mas.
21 Riba e dia ei, Yehova lo regla kuenta ku e ehérsito den shelui ku e reinan riba tera.
22 I lo e reuní nan huntumanera prizonero den un buraku.Lo e sera nan den prizòn.Despues di hopi dia, lo e regla kuenta ku nan.
23 Yehova di e ehérsitonan a bira Rei+ na seru Siòn+ i na Herúsalèm;lo e goberná na un manera glorioso dilanti di e ansianonan di su pueblo.*+Dios su gobernashon lo ta asina glorioso ku asta luna yen lo parse skur,i solo briante lo parse dòf.+
