Isaías 46:1-13

  • E diosnan di Babilonia kompará ku e Dios di Israel (1-13)

    • Yehova ta anunsiá loke lo sosodé den futuro (10)

    • Un águila lo bini for di ost (11)

46  E dios Bèl ta manera un hende na rudia,+ i e dios Nebo ta manera un hende di bùk.Nan imágennan ta ser poné riba bestia, sí, riba bestia di karga,+manera un karga ku ta muchu pisá pa bestia kansá.  2  Sí, e dos diosnan ei ta hinka rudia i bùk;nan no por salba nan imágennan ku ta ser hibá komo karga,i nan mes tambe* ta bai den eksilio.  3  “Desendientenan di Yákòb, i boso tur ku a resta di e pueblo di Israel, skucha mi!+For di momento ku boso a bira un nashon, mi a sostené boso i kuida boso, manera un mama ta kuida su yu chikitu.+  4  Asta den boso behes, lo mi keda mesun Dios di semper.+Asta ora boso kabei bira blanku, lo mi sigui sostené boso.Lo mi karga boso, sostené boso i salba boso, manera mi ta hasiendo te ku awor.+  5  Ku ken boso lo ke kompará mi, òf ken boso ta kere ta mi pareu,+komo si fuera nos parse otro?+  6  Tin hende ku ta basha oro for di nan saku.Nan ta pisa plata riba balansa.Nan ta paga un platé p’e traha un dios ku e metal ei.+Despues, nan ta bùig te abou na suela; sí, nan ta adorá e dios.*+  7  Nan ta hisa e dios pone riba nan skouder.+Nan ta karg’é bai pon’é na su lugá. I einan, e ta keda para.E no ta kita for di su lugá.+Nan ta sklama na dje, pero e no ta kontestá nan.E no por salba niun hende ku ta den problema.+  8  Kòrda e kosnan ei, i tene kurashi.Pekadónan, tuma esei na serio.  9  Kòrda riba e kosnan ku a sosodé na ántes,* hopi tempu pasá.Kòrda ku ami ta Dios* i ku no tin niun otro.Ami ta Dios, i no tin niun otro persona manera mi.+ 10  Mi ta anunsiá e final for di kuminsamentu.I for di hopi tempu pasá, mi a anunsiá kos ku no a sosodé ainda.+Mi ta bisa: ‘Loke mi disidí* lo kumpli sigur,+i lo mi hasi tur loke mi ta deseá.’+ 11  For di ost,* mi ta yama un águila;+for di un pais leu, mi ta yama un hòmber pa kumpli ku loke mi a disidí.*+Loke mi a papia, mi ta laga sosodé.Mi a disidí di hasié,* i lo mi kumpli kuné tambe.+ 12  Hende tèrko,boso ku ta leu for di mi hustisia, skucha mi! 13  E tempu pa demostrá mi hustisia ta serka;e no ta leu.I e tempu pa mi trese salbashon no ta bai tarda.+Lo mi salba Siòn, i lo mi duna Israel mi splendor.”+

Nota

^ Òf: “nan alma.”
^ Lit.: “ta bùig p’e.”
^ Lit.: “e promé kosnan.”
^ Òf: “e Ser Divino.”
^ Òf: “Mi propósito; Mi konseho.”
^ Òf: “For di kaminda solo ta sali.”
^ Òf: “ku mi propósito; ku mi konseho.”
^ Òf: “Esei ta mi propósito.”

Derecho di outor pa e publikashon akí