Isaías 45:1-25
45 Ami, Yehova, a skohe* Siro.+Mi a gar’é na su man drechi+pa someté nashon su dilanti,+pa desarmá* reii pa habri e dos blatnan di porta su dilanti,di manera ku e entrada di stat lo no ta será. I esaki ta loke mi a bisa Siro:
2 “Lo mi bai bo dilanti+i hasi e seritunan plat.Lo mi kibra e portanan di koper na pida pida,i lo mi kòrta e baranan di heru ku ta tene e portanan será.+
3 Lo mi duna bo e tesoronan ku tin wardá den lugá skuri e tesoronan skondí den lugá sekreto+pa asina bo por sa ku ami ta Yehova,e Dios di Israel, kende ta yama bo na bo nòmber.+
4 Pa motibu di mi sirbidó Yákòb i di mi pueblo skohí, Israel,mi ta yama bo na bo nòmber.Mi ta laga bo haña un nòmber di onor, maske bo no tabata konosé mi.
5 Ami ta Yehova, i no tin niun otro.No tin niun otro Dios fuera di mi.+Ami lo fortalesé bo,* maske bo no tabata konosé mi.
6 Asina, hendefor di ost te wèst* por saku no tin niun otro Dios fuera di mi.+Ami ta Yehova, i no tin niun otro.+
7 Ami ta krea lus+ i skuridat.+Ami ta trese pas+ i kalamidat.+Ami, Yehova, ta hasi tur e kosnan ei.
8 Shelu, laga áwaseru kai!+Laga hustisia basha for di e nubianan.Laga tera lanta for di soño! Laga simia di salbashon i di hustisia sprùit!+Sí, laga nan plama rònt mundu.Ami, Yehova, a krea tur e kosnan ei.”
9 Ai di un hende ku ta diskutí* ku e Persona ku a trah’é!*Un hende asina no ta nada mas ku pida di un pòchi di kleientre e otro pidanan di pòchi di klei ku tin bentá abou na suela!Akaso klei por bisa e Persona ku ta form’é:* “Kiko bo ta trahando?”+Òf loke bo a traha por bisa bo: “Bo no tin man”?*
10 Ai di hende ku ta puntra nan tata: “Ta di ki sorto di yu bo a bira tata?”I ai di hende ku ta puntra nan mama: “Pakiko bo a pone mi na mundu?”*
11 Esaki ta loke Yehova, e Dios santu di Israel,+ sí, e Dios ku a forma Israel, ta bisa:“Boso ta tribi di kuestioná loke mi a bisa tokante e kosnan ku ta bai sosodé?Boso ke duna mi òrdu tokante kiko pa hasi ku mi yunan+ i tokante e kosnan ku mi a traha ku mi man?
12 Mi a traha tera+ i krea hende riba tera.+Ku mi mes man, mi a span shelu,+i mi a duna òrdu na tur loke tin den dje.”*+
13 “Komo ku mi ta hustu, mi a motivá un hòmber pa tuma akshon,+i lo mi hasi tur su kamindanan stret.E hòmber ei ta e persona ku lo traha mi stat+i laga mi pueblo ku ta den eksilio sali liber.+ Lo e hasi esei sin risibí niun pago òf soborno.”+ Esei ta loke Yehova di e ehérsitonan ta bisa.
14 Esaki ta loke Yehova ta bisa:“Ganashi* di Egipto, merkansia* di Etiopia i e hendenan di estatura haltu, esta, e sabeonan,lo bini serka bo i bira di bo.Nan lo kana bo tras, mará na kadena.Nan lo bini serka bo i bùig bo dilanti.+Ku masha rèspèt, nan lo bisa bo: ‘Dios sigur ta ku bo,+i no tin niun otro; no tin niun otro Dios.’”
15 Dios di Israel, abo, Salbador,+ta bisto ku bo ta un Dios ku no ta tur biaha ta revelá loke bo ta hasi.
16 Tur trahadó di dios falsu lo baha bai tur na bèrgwensa;+nan tur lo ser brongosá i humiá.
17 Pero abo, Israel, Yehova lo salba bo pa semper.+Hamas i nunka boso lo no ser brongosá ni desonrá.+
18 Pasobra Yehova taKreador di shelu,+ e Dios berdadero,e Persona ku a forma tera i estables’é firmemente.+E no a krea tera pòrnada.* Mas bien, el a form’é pa e ser habitá,+ i esaki ta loke e ta bisa:“Ami ta Yehova, i no tin niun otro.
19 Mi no a papia na un lugá skondí,+ na un pais di skuridat.Mi no a bisa e desendientenan* di Yákòb:‘Buska mi numa, maske boso lo hasi esei pòrnada.’*Ami ta Yehova, e Persona ku ta papia loke ta hustu i ku ta bisa loke ta korekto.+
20 Boso reuní i bini.Boso ku a skapa di e nashonnan, hala serka.+E hendenan ku ta kana rònt ku imágen trahá di palui ku ta hasi orashon na un dios ku no por salba nan+ no sa nada.
21 Duna boso deklarashon, i presentá boso argumentonan.Sí, konsultá ku otro.Ken a bisa for di basta tempu pasá e kosnan ku lo bai pasa?I ken a anunsiá nan for di hopi tempu di antemano?No ta ami, Yehova?No tin niun otro Dios fuera di mi.Mi ta un Dios hustu i un Salbador.+ No tin niun otro fuera di mi.+
22 Boso ku ta na tur e partinan di mas leu di tera, bini serka mi i haña salbashon,+pasobra ami ta Dios, i no tin niun otro.+
23 Mi a hasi un huramentu solèm.*E palabranan ku a sali for di mi boka ta bèrdat,i lo mi no hala nan atras:+Tur hende lo hinka rudia pa mi,i tur hende lo hura lealtat na mi.+
24 Nan lo bisa: ‘Serka Yehova sigur bo ta haña berdadero hustisia i poder.Tur e hendenan ku ta masha rabiá kuné lo presentá yen di bèrgwensa su dilanti.
25 Tur desendiente* di Israel lo mira ku nan a hasi bon di sirbi Yehova,+i nan lo broma tokante e kosnan ku el a hasi pa nan.’”
Nota
^ Lit.: “pa lòs e faha for di hep di.”
^ Lit.: “lo faha bo bon.”
^ Òf: “for di kaminda solo ta sali te kaminda solo ta baha.”
^ Òf: “pleita.”
^ Òf: “form’é.”
^ Òf: “e Trahador di Pòchi di Klei; e Alfarero.”
^ Òf posiblemente: “Òf e klei por bisa: ‘Loke bo a traha no tin man’?”
^ Òf: “Ta kiko ta duna bo doló di parto?”
^ Lit.: “na henter nan ehérsito.” Evidentemente, esaki ta referí na, entre otro, solo, luna i strea.
^ Òf posiblemente: “E trahadónan.”
^ Òf posiblemente: “e komersiantenan.”
^ Òf posiblemente: “pa e keda bashí.”
^ Lit.: “simia.”
^ Òf: “enbano.”
^ Lit.: “Mi a hura pa mi mes.”
^ Lit.: “simia.”
