Isaías 52:1-15
52 Siòn, lanta for di soño! Lanta for di soño!+ Hasi bo mes fuerte!*+Herúsalèm, stat santu, bisti bo pañanan bunita!+Hende impuru i hende ku no ta sirkunsidá* lo no drenta den bo nunka mas.+
2 Herúsalèm, lanta; sagudí stòf for di bo kurpa i sinta na un lugá di onor.Pueblo* di Siòn ku ta prezu, kita e kadenanan for di bo garganta.+
3 Esaki ta loke Yehova ta bisa:“Nan a bai ku bo sin paga nada.*+Lo bo ser tresé* bèk sin ku niun hende a paga plaka pa bo.”+
4 Esaki ta loke Señor Soberano Yehova ta bisa:“Promé, mi pueblo a bai biba na Egipto komo estranhero.+Despues, Asiria a oprimí mi pueblo sin motibu.”
5 Esaki ta loke Yehova ta puntra: “Kiko mi mester hasi awor?”I Yehova ta bisa: “Nan a bai ku mi pueblo sin paga nada.E hendenan ku ta dominá nan ta dal gritu di viktoria.+Henter dia, nan ta trata mi nòmber sin niun tiki rèspèt.+
6 Ta p’esei mi pueblo lo siña konosé mi nòmber;+sí, ta p’esei dia ku mi tuma akshon, nan lo sa ku ta ami ta papiando.Wak! Ta ami ta bisa esei!”
7 Esta bunita ta pa mira e persona* ku ta bini riba e serunan pa trese bon notisia,+sí, e persona ku ta anunsiá pas,+ku ta trese bon notisia di kos mihó,ku ta anunsiá salbashon,ku ta bisa Siòn: “Bo Dios a bira Rei!”+
8 Skucha! Bo vigilantenan ta hisa stèm; nan ta grita duru.Nan tur huntu ta grita di alegria,pasobra ku nan mes wowo nan lo mira ora Yehova trese Siòn bèk.
9 Ruinanan di Herúsalèm, bira kontentu, i grita huntu di alegria,+pasobra Yehova a konsolá su pueblo;+ el a reskatá Herúsalèm.+
10 Yehova a laga tur e nashonnan mira su brasa* santu.+Tur hende riba tera lo mira loke nos Dios a hasi pa salba su pueblo.*+
11 Boso ku ta karga e artíkulonan di uso di e kas di Yehova,+sali! Sali bai for di e lugá ei!*+ No mishi ku nada impuru!+Sali for di einan,+ i mantené boso mes limpi.
12 Boso lo no sali for di einan den pániko,ni boso lo no tin ku hui,pasobra Yehova lo bai boso dilanti,+i e Dios di Israel lo ta boso tras tambe pa protehá boso.+
13 Tende! Mi sirbidó+ lo demostrá komprondementu.Lo mi dun’é un posishon importante.Lo e haña un posishon haltu, i lo e haña masha rèspèt.+
14 Meskos ku hopi hende a keda den shòk ora nan a wak e,pasobra el a ser desfigurá mas ku kualke otro personai su aspekto digno a ser kambiá mas ku di kualke otro hende,
15 asina e tambe lo laga hopi nashon keda den shòk.+E reinan lo pèrdè abla* su dilanti,+pasobra nan lo mira kos ku niun hende no a konta nan,i nan lo keda pensa riba kos ku nan no a tende di dje.+
