PREGUNTA 5
Kiko ta e mensahenan di Beibel?
“Lo mi pone enemistat entre abo i e muhé i entre bo desendiente i desendiente di e muhé. Abo lo heridá desendiente di e muhé na su hilchi, i e lo plècha bo kabes.”
“Pa medio di bo desendiente tur nashon riba tera lo ser bendishoná pasobra bo a obedesé mi bos.”
“Laga bo Reino bini. Laga bo boluntat sosodé na tera, meskos ku den shelu.”
“Pronto, e Dios ku ta duna pas lo pone Satanas bou di boso pia pa boso plèch’é.”
“Despues ku Dios someté tur kos bou di outoridat di su Yu, e Yu ei tambe lo someté su mes na Dios, kende a someté tur kos bou di outoridat di e Yu ei. E ora ei, Dios lo ta e úniko Gobernante riba tur hende.”
“Dios a hasi e promesanan na Ábraham i na su desendiente . . . , esta, Kristu. Ademas, komo ku boso ta disipel di Kristu, boso ta realmente desendiente di Ábraham.”
“E Reino di Dios i di e persona ku Dios a skohe pa ta Kristu ta gobernando humanidat; lo e reina komo rei pa tur eternidat.”
“Pues, e dragon grandi, esta, e kolebra original, ku yama Diabel i Satanas, ku ta gaña henter mundu, a ser bentá abou; el a ser bentá abou riba tera, i su angelnan a ser bentá abou huntu kuné.”
“E angel a gara e dragon, esta, e kolebra original, ku ta Diabel i Satanas, i mar’é pa 1.000 aña.”
