Isaías 62:1-12

  • Un nòmber nobo pa Siòn (1-12)

62  Komo ku mi ke Siòn bon, lo mi no keda ketu,+sí, komo ku mi ke Herúsalèm bon, lo mi no keda sin hasi nadate ora ku su hustisia ta bria manera un lus skèrpi,+i su salbashon ta kima manera flambeu.+  2  “Abo, hende muhé,* e nashonnan lo mira bo hustisia,+i tur rei lo mira bo gloria.+I lo bo haña un nòmber nobo+ku Yehova* mes lo duna bo.  3  Lo bo ta un korona bunita den man di Yehova,sí, un tulband di rei den plant’i man di bo Dios.  4  Hende lo no bisa mas ku bo ta un hende muhé bandoná,+ni nan lo no bisa mas ku bo pais ta un lugá desolá.+Mas bien, nan lo yama bo: E Ta Mi Alegria.+I nan lo yama bo pais: Señora kasá.Pasobra lo bo hasi Yehova kontentu,*i bo pais lo ta manera un señora kasá.  5  Manera un yònkuman ta kasa ku un bírgen,asina bo habitantenan lo kasa ku bo.Manera un brùidehòm ta kontentu ku su brùit,asina bo Dios lo ta kontentu ku bo.+  6  Herúsalèm, mi* a pone vigilante riba bo murayanan.Nunka nan no tin mag di keda ketu, ni di dia ni anochi.Boso ku ta papia tokante Yehova,no sosegá,  7  pero sigui resa na dje* te ora ku e restorá Herúsalèm,sí, te ora ku e pone hende na tur parti di tera elogiá e stat.”+  8  Yehova a hura, hisando su man drechi, sí, hisando su brasa fuerte, bisando:“Nunka mas lo mi no duna bo enemigunan bo grano pa nan kome,ni nunka mas estranhero lo no bebe bo biña nobo ku bo a traha duru p’e.+  9  Mas bien, ta e hendenan ku kosechá grano lo kom’é, i nan lo alabá Yehova.Anto ta e hendenan ku kosechá wendrùif lo bebe biña riba mi plenchinan santu.”+ 10  Sali; sali via porta di stat.Habri kaminda pa e pueblo.+Traha un kaminda; traha un kaminda grandi.Kita tur piedra.+Pone un palu ku ta fungi komo señal pa e pueblonan.+ 11  Tende! Te na e partinan di mas leu di tera, Yehova a anunsiá:“Bisa Siòn:*‘Tende! Bo salbashon ta yegando!+Tende! Dios tin e rekompensa ku e ta duna huntu kuné;e tin e salario ku e ta paga su dilanti.’”+ 12  Su pueblo lo ta konosí komo e pueblo santu, e hendenan ku Yehova a reskatá.+Boso nòmber lo ta: Un Stat Ku Dios A Buska, un Stat Ku No A Keda Bashí.+

Nota

^ Den e kapítulo akí, Yehova ta papia ku Herúsalèm komo si fuera Herúsalèm ta un hende muhé.
^ Òf: “ku boka di Yehova.”
^ Òf: “lo bo ta Yehova su alegria.”
^ Esta, Dios.
^ Lit.: “ni dun’é sosiegu.”
^ Òf: “Bisa e yu muhé, Siòn.”

Derecho di outor pa e publikashon akí