Isaías 8:1-22
8 Yehova a bisa mi: “Kohe un tabla grandi+ i skirbi riba dje ku un pèn:* ‘Maher-Salal-Has-Baz.’*
2 Mi ke pa dos testigu konfiabel konfirmá esei por eskrito,* esta, Saserdote Urías+ i Zakarías, yu di Yeberekías.”
3 Despues, mi tabatin relashon ku* mi esposa, un profeta, i el a sali na estado. I ku tempu, el a haña un yu hòmber.+ E ora ei, Yehova a bisa mi: “Yam’é Maher-Salal-Has-Baz,
4 pasobra promé ku e mucha sa kon pa bisa ‘tata’ òf ‘mama,’ rikesa di Damasko i e kosnan balioso di Samaria lo ser duná na e rei di Asiria.”+
5 Yehova a bolbe papia ku mi, i el a bisa mi:
6 “Komo ku e pueblo akí a rechasá e awanan trankil di Siloé*+i nan ta preferá Rezin i e yu di Remalías,+
7 ami, Yehova, lo manda e rei di Asiria+ i henter su ehérsitopa ataká e pueblo akí.E atake ei lo ta meskos ku ora e awanan poderoso i abundante di riu Eufrátes*yena tur su kanalnani subi tera.
8 E rei di Asiria lo invadí Huda.Lo e ta manera un inundashon,i lo e pasa den Huda i yega te na su garganta.+Emanuel,*+ manera un para, lo e span su alanan i tapa henter bo pais!”
9 Pueblonan, dal bai i purba di hasi Dios su pueblo daño, pero kòrda ku boso lo ser aplastá.Hendenan di e partinan leu di tera, skucha!Prepará pa guera,* pero kòrda ku boso lo ser aplastá!+Prepará pa guera, pero kòrda ku boso lo ser aplastá!
10 Traha un kòmplòt, pero lo e frakasá!Plania un strategia, pero lo e no tin éksito,pasobra Dios ta ku nos!*+
11 Ora Yehova a papia ku mi, su forsa poderoso a bini* riba mi, i el a spièrta mi pa mi no imitá komportashon di e pueblo akí. El a bisa mi:
12 “No bisa ku tin un kòmplòt djis pasobra e pueblo akí ta bisa ku tin kòmplòt!No tene miedu di loke nan tin miedu di dje;no laga esei pone boso tembla.
13 Ta Yehova di e ehérsitonan boso tin ku konsiderá santu.+Ta p’e boso mester tin rèspèt profundo,*i ta e mester pone boso tembla.”+
14 Pa e dos reinonan di Israel,lo e bira manera un lugá santu,pero lo e bira tambe manera un piedra ku hende ta dal nan pia na djei manera un baranka ku hende ta trompeká riba dje.+Pa e habitantenan di Herúsalèm,lo e bira manera un trampa i un las.
15 Hopi di nan lo trompeká, kai i heridá nan mes gravemente;nan lo kai den trampa i ser kapturá.
16 Sera e ròl ku e konfirmashon ta skirbí ariba.*Pone seyo riba e leinan* i laga nan na enkargo di mi disipelnan!
17 Lo mi warda ansiosamente riba* Yehova,+ kende ta skonde su kara pa e desendientenan di Yákòb,+ i lo mi pone mi konfiansa* den dje.
18 Tende! Yehova di e ehérsitonan, kende ta biba riba seru Siòn, a laga ami i e yunan ku Yehova a duna mi+ sirbi komo señal+ i milager na Israel.
19 Den kaso ku nan bisa boso: “Konsultá ku e montadónan* i e miradónan di destino ku ta flùister i papia den djente,” boso lo hasi esei? Normalmente, un pueblo lo konsultá ku su Dios, tòg? Akaso nan mester konsultá ku hende morto pa yuda hende bibu?+
20 Nò, nan mester wak kiko e leinan i e konfirmashon skirbí* ta bisa.
Si nan no papia segun e palabranan di Dios, nan lo no tin lus.*+
21 I tur hende lo kana den e pais tur tristu i hambrá.+ Komo ku nan tin hamber i nan ta rabiá, nan lo wak na laira i maldishoná nan rei i nan Dios.
22 Kaba, nan lo wak rònt i mira solamente angustia i skuridat, desesperashon i tempu difísil, skuridat profundo i nada di lus.
Nota
^ Ku posiblemente ta nifiká “bayendo purá pa e botin; biniendo lihé pa plùnder.”
^ Lit.: “pèn di hende ku ta muri.”
^ Òf: “duna testimonio di esei; sertifiká esei.”
^ Lit.: “mi a bai serka.”
^ Siloé tabata un kanal di awa.
^ Lit.: “di E Riu.”
^ Ku ta nifiká “Dios ta ku nos.”
^ Òf: “Faha boso mes.”
^ “Dios ta ku nos” ta nifikashon di e nòmber hebreo “Emanuel.” Wak Isaías 7:14; 8:8.
^ Òf: “su man fuerte tabata.”
^ Òf: “Sera e testimonio.”
^ Òf: “e instrukshonnan.”
^ Òf: “Lo mi keda den ekspektativa di.”
^ Lit.: “speransa.”
^ Òf: “e testimonio.”
^ Lit.: “lus di ourora.”
