Isaías 15:1-9
-
Mensahe di huisio kontra Móab (1-9)
15 Esaki ta un mensahe di huisio kontra Móab:+E hendenan di e stat Ar+ na Móab lo ser destruí den un anochi;asina lo pone nan keda ketu.E hendenan di e stat Kir+ na Móab lo ser destruí den un anochi;asina lo pone nan keda ketu.
2 E hendenan a subi bai Tèmpel* i Dibon+pa yora na e lugánan sagrado.*Móab lo grita yora pa motibu di loke a pasa ku Nebo+ i Medeba.+Tur kabes lo ta limpi feitá;+ tur barba lo ta kòrtá.+
3 Den Móab su kayanan, e hendenan lo tin paña di saku bistí.Nan tur lo grita yora riba nan daknan* i riba nan plenchinan públiko;nan lo kai abou na yoramentu.+
4 Hèsbòn i Elalé+ lo sklama;hende lo tende nan stèm te na Yáhas.+Ta p’esei e sòldánan di Móab lo keda grita.E pueblo* lo tembla di miedu.
5 Mi kurason lo sklama pa motibu di Móab.Su fugitivonan lo hui bai te Zoar+ i Eglat-Selisia.+Na yoramentu, nan lo subi e subida di Luhit.Riba kaminda pa Horonaim, nan lo grita yora pa motibu di e desaster ku a bini riba nan.+
6 E awanan di Nimrim lo seka kompletamente;e yerbanan bèrdè lo seka;e yerbanan lo no t’ei mas i lo no sobra nada bèrdè.
7 P’esei, nan lo bai ku loke a sobra di nan provishonnan i di nan rikesa;nan lo krusa e vaye* kaminda tin palu.*
8 Lo tin gritu den henter e teritorio di Móab.+E gritunan lo yega Eglaim;e gritunan lo yega Beer-Elim.
9 Pasobra e awanan di Dimon lo ta yen di sanger,i Dios lo* manda mas kalamidat riba Dimon:Lo e manda un leon riba e hendenan ku skapa di Móabi riba esnan ku keda atras den e pais.+
Nota
^ Lit.: “E Kas.”
^ Den e tempu ei, mayoria di kas tabatin dak plat, kaminda hende por a risibí bishita, kana òf asta drumi.
^ Òf: “Su alma.”
^ E palabra hebreo tabata referí na un palu ku mayoria di biaha bo tabata haña kantu di riu na Medio Oriente. Na hulandes, populier; na spañó, álamo.
^ Lit.: “lo mi.”
