Despues di aña 4026 P.K.

“E kolebra” a kuestioná Yehova su derecho di goberná i Yehova su manera di goberná. Yehova a primintí ku un “simia,” òf un “desendiente,” ku tempu lo destruí e kolebra, esta, Satanas. (Génesis 3:1-5, 15, nota) Mientrastantu, Yehova ta duna hende tempu pa goberná nan mes bou di influensia di e kolebra.

Aña 1943 P.K.

Yehova a bisa Ábraham ku e “simia” primintí lo ta un di su desendientenan.​—Génesis 22:18, nota.

Despues di aña 1070 P.K.

Yehova a sigurá Rei David i David su yu hòmber Sálomon ku e ​“desendiente” primintí lo bini via nan liña di desendensia.​—2 Sámuèl 7:12, 16; 1 Reinan 9:3-5; Isaías 9:6, 7.

Aña 29 D.K.

Yehova a revelá ku ta Hesus ta e “desendiente” primintí i ku ta Hesus ta Heredero di e trono di David.​—Galationan 3:16; Lúkas 1:31-33; 3:21, 22.

 Aña 33 D.K.

E kolebra, esta, Satanas, a heridá e “desendiente” primintí ora el a laga mata Hesus. Yehova a resusitá Hesus pa biba den shelu, i el a aseptá e balor di Hesus su bida perfekto. Di e manera ei, Yehova a pèrkurá e base pa pordoná piká i pa duna e desendientenan di Ádam bida eterno.​—Génesis 3:15; Echonan 2:32-36; 1 Korintionan 15:21, 22.

Aña 1914 D.K. òf poko despues

Hesus a benta e kolebra, esta, Satanas, riba tera. Hesus ta obligá Satanas keda riba tera pa un tempu kòrtiku.​—Revelashon 12:7-9, 12.

Den futuro

Hesus lo enkarselá Satanas pa 1.000 aña. Despues, Hesus lo destruí Satanas. Asina, den sentido simbóliko, Hesus lo plècha kabes di e kolebra. Yehova su propósito original pa tera i pa humanidat lo kumpli, i Yehova su nòmber lo keda liber di tur akusashon falsu. Ademas, lo keda demostrá ku Yehova su manera di goberná ta esun mihó.​—Revelashon 20:1-3, 10; 21:3, 4.