“Nashon lo lanta kontra nashon i reino kontra reino. . . . Tur e kosnan ei ta kuminsamentu di kalamidat, manera doló di parto.”

Mateo 24:​7, 8

“Hopi profeta falsu lo presentá, i nan lo gaña hopi hende. Lo tin mas i mas maldat. P’esei, amor di mayoria di hende lo fria.”

Mateo 24:​11, 12

“Ora boso haña boso ku guera òf tende di guera, no spanta. E kosnan akí tin ku sosodé, pero ainda no ta e fin.”

Marko 13:7

“Lo tin temblor grandi. I na vários lugá, lo tin epidemia i skarsedat di kuminda. Vários kos spantoso lo sosodé. Ademas di e kosnan ei, hende lo mira vários señal grandi for di shelu.”

Lúkas 21:11

 “Den e último dianan situashon lo ta krítiko, difísil pa trata kuné. Pasobra hende lo ta egoista, i nan lo stima plaka. Nan lo ta bromadó i arogante. Nan lo papia kos ku ta ofendé Dios i hende. Nan lo ta desobediente na nan mayornan i malagradesí. Nan lo no ta fiel na otro hende. Nan lo no tin kariño pa otro hende. Nan lo no ta dispuesto pa bai di akuerdo ku otro hende. Nan lo ta kalumniadó, sin dominio propio, kruel, i nan lo ta hende ku ta odia loke ta bon. Nan lo ta traishonero, kabesura i masha orguyoso. Nan lo ta hende ku ta stima plaser na lugá di stima Dios. Nan lo ta hende ku ta bisa ku nan ta sirbi Dios, pero e manera ku nan ta hiba nan bida no ta mustra ku nan ta sirbi Dios.”

2 Timoteo 3:​1-5