Isaías 35:1-10
35 Lo yega e dia ku desierto* i tera seku ta alegrá.+Sabana seku lo ta yen di flor.* Lo ta komo si fuera e ta kontentu.+
2 Desierto lo tin masha hopi flor.+Lo ta komo si fuera e ta kontentu, i e ta grita di alegria.Lo duna e desierto e bunitesa* di Líbanòn,+i lo e ta bunita manera Karmelo+ i Saron.+E hendenan lo mira gloria di Yehova; sí, nan lo mira splendor di nos Dios.
3 Fortalesé e mannan ku ta suak,i hasi e rudianan ku ta tembla stabil.+
4 Bisa e hendenan ku ta anshá:*“Sea fuerte. No tene miedu.Tende! Boso Dios lo bini pa tuma vengansa riba boso enemigunan.Dios lo bini pa duna nan nan kastigu meresí.+Lo e bini i salba boso.”+
5 E tempu ei, wowo di hende siegu lo mira,+i orea di hende surdu lo tende.+
6 E tempu ei, hende ku tin desabilidat na nan pia lo bula manera biná,+i hende muda* lo grita di alegria.+Tur kaminda den desierto, awa lo basha for di fuente di awa,i den sabana seku, lo tin riu ta kore.
7 Tera seku ku solo a kima lo bira manera un dam di awa yen di rit,i tera yen di set lo yena ku fuente di awa.+Den e kuebanan kaminda kachó di mondi* tabata deskansá+lo tin yerba bèrdè, richi i mata di papiro.*
8 I einan, lo tin un kaminda grandi.+Sí, nan lo yam’é Kaminda Santu.Hende impuru lo no pasa riba dje.+E kaminda ei ta solamente pa hende ku tin mag di kana riba dje;niun hende bobo lo no subi riba e kaminda ei.
9 Riba e kaminda ei, lo no tin leonni niun bestia feros.Nan lo no ta riba e kaminda ei.+Solamente e hendenan ku Dios a reskatá* for di eksilio lo kana riba dje.+
10 E hendenan ku Yehova a reskatá lo bini+ Siòn bèk ku gritu di alegria.+Nan alegria lo no kaba nunka, i lo e ta manera un korona riba nan kabes.+Nan lo ta masha kontentu i felis;tristesa i yoramentu* lo disparsé.+
