Isaías 55:1-13
55 Boso tur ku tin set, bini!+ Bin bebe awa!+Boso ku no tin plaka, bini! Tuma* i kome!Sí, bini! Tuma biña i lechi+ sin paga nada!+
2 Dikon boso ta sigui paga plaka pa loke no ta pan?Dikon boso ta gasta boso salario* na loke no ta duna satisfakshon?Skucha mi ku atenshon, i kome loke ta bon.+Boso* lo disfrutá di e kumindanan di mas mihó.*+
3 Paga tinu, i bini serka mi.+Skucha, i boso* lo keda na bida.Sin falta, lo mi sera un pakto eterno ku boso,+sí, un pakto ku ta na armonia ku e amor leal ku mi a primintí David. E promesa ei ta konfiabel.*+
4 Tende! Mi a nombra un testigu+ pa e nashonnan;
sí, mi a nombra un lider+ i gobernante+ pa e nashonnan.
5 “Tende!* Lo bo* yama un nashon ku bo no konosé.Hende di un nashon ku no konosé bo lo kore bini serka bopa motibu di Yehova, bo Dios,+ Dios Santu di Israel,pasobra Dios lo glorifiká bo.+
6 Buska Yehova, miéntras ku por hañ’é.+Yam’é, miéntras ku e ta serka.+
7 Laga hende malbado bandoná nan mal kaminda,+i laga hende ku ta hasi daño na otro hende stòp di pensa kos malu.Laga nan bolbe serka Yehova, kende lo tene miserikòrdia di nan.+Sí, laga nan bolbe serka nos Dios, pasobra lo e pordoná nan generosamente.”*+
8 “Mi pensamentunan ta diferente for di boso pensamentunan,+i mi manera di hasi kos ta diferente for di boso manera di hasi kos.” Esei ta loke Yehova ta bisa.
9 “Meskos ku shelu ta mas haltu ku tera,mi manera di hasi kos ta mihó* ku boso manera di hasi kos,i mi pensamentunan ta mihó* ku boso pensamentunan.+
10 Áwaseru i sneu ta kai for di shelu,i nan no ta bai shelu bèk sin muha tera. Nan ta laga tera produsí mata i duna fruta.Asina, hende ta haña simia pa planta i pan pa kome.
11 Asina tambe, e palabranan ku sali for di mi boka+lo no bolbe serka mi sin resultado.+Mi boluntat lo kumpli sigur;*+sin falta, loke mi bisa lo ser realisá.
12 Mi pueblo, boso lo sali bai ku alegria,+i lo trese boso kas bèk na pas.+Seru i seritu lo bira kontentu ora boso yega, i nan lo dal gritu di alegria,+i tur palu di mondi lo bati man.+
13 Na lugá di mata di sumpiña, palu di yenefer lo krese.+Na lugá di mal yerba, palu di mirto lo krese.Anto e kambionan ei lo hasi Yehova famoso.*+Nan lo ta un señal eterno di loke mi por hasi.”
Nota
^ Lit.: “Kumpra.”
^ Lit.: “e vèt; e gordura.”
^ Òf: “Boso alma.”
^ Òf: “gasta plaka ku boso a traha duru p’e.”
^ Òf: “boso alma.”
^ Òf: “fiel.”
^ Esaki ta referí na Yákòb, òf Israel.
^ Posiblemente, versíkulo 5 pa 7 ta e palabranan di Isaías.
^ Òf: “libremente.”
^ Lit.: “ta mas haltu.”
^ Lit.: “ta mas haltu.”
^ Òf: “Tur loke mi ta deseá lo bira realidat.”
^ Òf: “lo duna Yehova fama.”
