Isaías 25:1-12
25 O Yehova, abo ta mi Dios.
Mi ta onra bo; mi ta alabá bo nòmber,pasobra bo a hasi kos maravioso.+For di hopi tempu pasá, bo a disidí di hasi e kosnan ei.+Bo a kumpli ku bo palabra+ i demostrá ku bo ta konfiabel.
2 Bo a pone un stat bira un monton di piedra;bo a pone un stat fortifiká bira un ruina.E fòrti di e estranheronan no ta un stat mas.Nunka mas, lo e ser rekonstruí.
3 Ta p’esei un pueblo fuerte lo duna bo onor;e stat di e nashonnan opresivo lo tin rèspèt profundo pa bo.*+
4 Bo a bira un lugá fortifiká pa hende indefenso,sí, un lugá fortifiká pa hende pober den nesesidat,+un refugio kontra áwaseru pisái un sombra kontra kalor di solo.+Ora ku furia di hende kruel ta manera áwaseru ku ta bati kontra muraya
5 i manera kalor den un tera seku,bo ta kaba ku bochincha di e enemigunan ei.Manera sombra di un nubia ta baha kalor rápidamente,asina bo ta pone un paro rápidamente na kantika di hende kruel.
6 Riba e seru akí,+ Yehova di e ehérsitonan lo pone un komementu pa tur pueblo,un bankete di kuminda masha dushi,+un bankete kaminda lo sirbi biña di bon kalidat,*kaminda lo tin kuminda masha dushi, ku masha hopi karni di bon kalidat,*ku biña di bon kalidat, sí, biña filtrá.
7 Riba e seru akí, Dios lo kita* e velo ku ta tapa tur puebloi e mantel* ku ta riba tur nashon.
8 Lo e kaba ku* morto pa semper,+i Señor Soberano Yehova lo seka lágrima for di tur kara.+For di riba henter tera, lo e kita e bèrgwensa di su pueblo.Sí, ta Yehova mes a bisa esei.
9 E dia ei, hende lo bisa:“Wak! Esaki ta nos Dios!+Nos a pone nos speransa den dje,+i e ta salba nos.+Esaki ta Yehova!Nos a pone nos speransa den dje.Laga nos ta kontentu, i laga nos alegrá pasobra e ta salba nos.”+
10 Pues, Yehova su man lo protehá* e seru akí,+i Móab lo ser trapá den su mes pais+manera sa trapa yerba seku den mèst.
11 Dios lo saka su man i dal Móabmanera ora un landadó ta dal awa ku su man ora e ta landa.Lo e kaba ku Móab su arogansia+ku e movementunan ábil di su man.
12 I lo e destruí e stat fortifiká,sí, e stat ku tin muraya haltu pa proteh’é.Lo e bent’é abou na suela, sí, den stòf.
