Isaías 53:1-12
53 Ken a pone fe den nos mensahe?*+I na ken+ Yehova a mustra su poder?*+
2 E sirbidó* lo sali manera un taki chikitu+ su dilanti,* manera un rais den tera seku.E no ta parse impreshonante ni glorioso.+Ora nos mir’é, nos no ta mira nada spesial ku ta atraé nos na dje.
3 Hende tabata despresi’é i hui p’e;+sí, e tabata un hòmber ku tabata sa kiko ke men sinti* doló, i e tabata sa tur kos tokante malesa.Ta komo si fuera su kara tabata skondí pa nos.*Hende tabata despresi’é, i nos a konsider’é un hende sin importansia.+
4 En realidat, ta e mes a karga nos malesanan+i nos dolónan.+Pero nos a mir’é komo un hende ku Dios a kastigá* i gòlpia i ku Dios a laga sufri.
5 Sinembargo, nan a hink’é+ pa nos pikánan.+Nan a pon’é sufri pisá pa nos erornan.+El a sufri i haña kastigu pa nos por ta na pas ku Dios;+danki na su heridanan, nos a ser kurá.+
6 Nos tur a kana dual manera karné;+kada un di nos a sigui nos mes kaminda,i Yehova a laga nos tur su erornan kai riba dje.*+
7 El a ser oprimí,+ i el a laga hende maltrat’é,+pero e no a habri su boka.Nan a bai kuné manera ta un lamchi nan ta hiba pa mata.+E tabata manera un karné ku ta keda ketu ora hende ta bai feit’é,i e no a habri su boka.+
8 Pa motibu di un sentensia inhustu,* nan a bai kuné.*Ken lo ta interesá den e detayenan di su desendensia?*Nan a mat’é; e no tabata entre hende bibu mas.+El a haña gòlpi* pa motibu di e pikánan di mi pueblo.+
9 Maske e no a hasi nada malu*ni nunka el a yega di engañá niun hende,+nan a dun’é un graf* huntu ku hende malbado.+Ora el a muri, el a ser derá huntu ku hende riku.*+
10 Ta Yehova a disidí di* laga su sirbidó ser aplastá, i el a permitié sufri.Dios, si bo presentá su bida* komo un ofrenda pa kulpa,+lo e tin desendiente* i bida largu.+I pa medio di dje, Yehova su boluntat* lo ser realisá.+
11 Despues di tur su sufrimentu,* lo e mira loke el a logra, i lo e keda satisfecho.Pa medio di loke mi sirbidó hustu*+ a pasa aden,lo e* yuda hopi hende ser konsiderá hustu den bista di Dios,+i lo e karga e peso di nan erornan.+
12 P’esei, lo mi dun’é un porshon huntu ku hopi hende,i lo e parti botin ku guerero poderoso,pasobra el a entregá su bida*+i hende a trat’é manera pekadó.*+El a karga piká di hopi hende,+i el a intermediá na fabor di hende pekadó.+
Nota
^ Òf: “den loke nan a tende di nos?” Òf posiblemente: “den loke nos a tende?”
^ Lit.: “su brasa.”
^ “Su” por referí na kualke opservadó òf na Dios.
^ Òf: “ku tabata komprondé kiko ta.”
^ Òf posiblemente: “E tabata manera un persona ku hende tabata kita kara p’e.”
^ Òf: “a afligí ku malesa.”
^ Esaki ta referí na e “sirbidó” menshoná na versíkulo 2.
^ Òf: “den su manera di biba?” Lit.: “den su generashon?”
^ Òf: “Nan a dal e mata.”
^ Òf: “Pa motibu di opreshon i huisio.”
^ Esaki por nifiká ku el a ser matá òf ku nan a bai kuné pa mat’é.
^ Òf: “no a kometé violensia.”
^ Òf: “un hende lo dun’é un lugá di entiero.”
^ Lit.: “huntu ku un hòmber riku.”
^ Lit.: “lo e mira su simia.”
^ Òf: “loke Yehova ta deseá.”
^ Òf: “alma.”
^ Òf: “Tabata Yehova su deseo pa.”
^ Òf: “Despues di sufrimentu di su alma.”
^ Aparentemente, for di akinan te na final di versíkulo 12, ta Yehova ta papia.
^ Òf: “Pa medio di konosementu, mi sirbidó hustu lo.”
^ Lit.: “el a drama su alma te na morto.”
^ Òf: “kibradó di lei.”
