PREGUNTA 6
Kon algun profesia tokante e Mesías a kumpli?
PROFESIA
“Abo, Bètlehèm Efrata, . . . for di abo, lo sali un persona ku lo goberná Israel.”
KUMPLIMENTU
“Hesus a nase na Bètlehèm, na Hudea. E tempu ei, Rei Heródes tabata na mando. Poko tempu despues, algun astrólogo di Oriente a bini Herúsalèm.”
PROFESIA
“Nan ta parti mi pañanan entre nan, i nan ta tira lòt pa haña mi paña.”
KUMPLIMENTU
“Despues ku e sòldánan a klaba Hesus na staka, nan a kohe su pañanan i parti nan den nan kuater . . . pero e paña djabou tabata sin nat, pasobra e tabata tehé tur na un. E sòldánan a bisa otro: ‘Laga nos no sker e. Laga nos tira lòt pa mira ken ta keda kuné.’”
PROFESIA
“Dios ta protehá tur su wesunan; ni un di nan lo no ser kibrá.”
KUMPLIMENTU
“Ora nan a yega serka Hesus, nan a mira ku e tabata morto kaba, p’esei nan no a kibra su pianan.”
PROFESIA
“Nan a hink’é pa nos pikánan.”
KUMPLIMENTU
“Un di e sòldánan a hink’é den su kustia ku un lansa, i mesora sanger ku awa a basha for di su kurpa.”
PROFESIA
“Nan a paga mi mi salario: 30 pida plata.”
KUMPLIMENTU
“Un di e 12 apòstelnan, esun ku tabata yama Húdas Iskariòt, a bai serka e saserdotenan prinsipal i puntra nan: ‘Kiko boso lo duna mi pa entregá Hesus den boso man?’ Nan a primintí di dun’é 30 moneda di plata.”
