Nehemías 1:1-11

  • Notisia tokante Herúsalèm (1-3)

  • Orashon di Nehemías (4-11)

1  Esakinan tabata palabra di Nehemías,*+ yu hòmber di Hakalías: Den luna di kisleu,* den e di 20 aña di e reinado di Rei Artahérhes,* mi tabata den fòrti* na Susa.*+ 2  Un dia, Hanani,+ un di mi ruman hòmbernan, i algun otro hòmber di Huda a bin bishitá mi. Mi a puntra nan kon tabata bayendo ku e hudiunan ku a regresá for di eksilio+ i kon kos tabata na Herúsalèm. 3  Nan a kontestá: “E hudiunan ku a bolbe for di eksilio i ku ta biba na Huda* ta den un situashon teribel i humiante.+ E murayanan di Herúsalèm ta tur destruí,+ i nan a kima e portanan di stat.”+ 4  Ora mi a tende e palabranan ei, mi a kai sinta i mi a kuminsá yora. Pa vários dia, mi a tene rou. Mi tabata yuna+ i hasi orashon na Dios di e shelunan. 5  Mi a bisa den orashon: “O Yehova, Dios di e shelunan, bo ta un Dios grandi. Tur hende mester respetá bo profundamente;* bo ta tene bo mes na bo pakto; lealmente, bo ta stima* tur persona ku ta stima bo i ku ta kumpli ku bo mandamentunan.+ 6  O Dios, presta atenshon, por fabor; skucha e orashon ku bo sirbidó ta dirigí na bo awe. Di dia i anochi, mi ta hasi orashon+ pa e israelitanan ku ta sirbi bo, i mi ta atmití ku e pueblo di Israel a peka kontra bo. Nos tur a peka, inkluso ami i e pueblo.*+ 7  Sin duda, nos mal komportashon a ofendé bo.+ Nos no a kumpli ku e mandamentunan ni ku e dekretonan ku bo a duna bo sirbidó Moises.+ Ni nos no a hasi kaso di bo desishonnan hudisial.* 8  Por fabor, no lubidá loke bo a bisa* bo sirbidó Moises. Mi Señor a bisa: ‘Si boso bira infiel, lo mi plama boso den e pueblonan.+ 9  Pero si boso bolbe serka mi i obedesé mi mandamentunan, lo mi reuní boso+ i trese boso e lugá ku mi a skohe, kaminda mi nòmber lo ser onrá,*+ aunke boso a ser plamá i aunke boso ta biba masha leu mes riba tera.’ 10  O mi Señor, nan ta bo sirbidó i bo pueblo, ku bo a reskatá ku bo inmenso poder i ku bo man poderoso.+ 11  O Yehova, por fabor, skucha orashon di bo sirbidó i e orashonnan ku bo sirbidónan ta hasi. Sin duda, nan ta onra bo* nòmber. Por fabor, laga bo sirbidó tin éksito awe, i laga Rei tene kompashon ku mi.”+ E tempu ei, ta ami tabata e persona ku tabata sirbi Rei biña.+

Nota

^ Òf: “Súsan.”
^ Òf: “palasio.”
^ Esta, Rei Artahérhes I di Pèrsia. Lit.: “den e di 20 aña.” Wak Neh 2:1.
^ Ku ta nifiká “Yah ta duna konsuelo.”
^ Òf: “biba den distrito Huda.”
^ Òf: “bo ta mustra amor leal na.” Wak Glosario, “Amor leal.”
^ Òf: “Bo ta inspirá temor i rèspèt.” Wak Glosario, “Temor pa Dios.”
^ Lit.: “e hendenan di kas di mi tata.” Wak Glosario, “Kas paterno.”
^ Òf: “no lubidá e spièrtamentunan ku mi Señor a duna.”
^ Òf: “i trese boso na e lugá ku mi a skohe pa establesé mi nòmber.”
^ Lit.: “ta teme bo.”

Derecho di outor pa e publikashon akí