Nehemías 3:1-32
-
Rekonstrukshon di e murayanan (1-32)
3 Sumo Saserdote Eliasib+ i su koleganan saserdote* a kuminsá rekonstruí Porta di Karné.+ Nan a santifik’é,*+ i nan a pega su portanan. Nan a santifiká e sekshon di muraya ku tabata kore di Porta di Karné yega te Toren di Mea*+ i e sekshon for di Toren di Mea te Toren di Hananel.+
2 E hòmbernan di Yériko+ a rekonstruí e parti di muraya ku a sigui. Zakur, yu hòmber di Imri, a rekonstruí e sekshon ku a sigui.
3 E desendientenan* di Hasená a rekonstruí Porta di Piská.+ Nan a pone e biganan,+ i nan a pega e portanan, e rèndunan* i e balkinan pa sera* porta.
4 Méremòt,+ yu hòmber di Uriya i ñetu di Hákos, a drecha e sekshon di muraya ku a sigui. Mesulam,+ yu hòmber di Berekías i ñetu di Mesezabel, a drecha e sekshon di muraya ku a sigui. Zádòk, yu hòmber di Bana, a drecha e sekshon ku a sigui.
5 E habitantenan di Tekoa+ a drecha e sekshon di muraya ku a sigui, pero e hòmbernan prominente di Tekoa sí no tabata ke rebahá nan mes* i traha bou di guia di e hòmbernan enkargá ku supervishon di e trabou.
6 Yoyada, yu hòmber di Pasea, i Mesulam, yu hòmber di Besodías, a drecha Porta di Stat Bieu;+ nan a pone e biganan, i nan a pega e portanan, e rèndunan i e balkinan pa sera* porta.
7 Melatías di Gábaòn+ i Yadon di Méronòt a drecha e sekshon di muraya ku a sigui. (Méronòt tabata un stat ku tabata keda pegá ku Mispa.) Sí, Melatías a bini di Gábaòn, i Yadon a bini di Mispa.+ Nan tabata bou di outoridat* di un gobernador di teritorio wèst di riu Eufrátes.+
8 Uziel, yu hòmber di Harhaya, un di e platénan, a drecha e sekshon di muraya ku a sigui. Hananías, ku tabata traha ungwento,* a drecha e sekshon ku a sigui. Fuera di esei, e trahadónan a traha kaminda di piedra na Herúsalèm, yega te Muraya Hanchu.+
9 Refaías, yu hòmber di Hur, a drecha e sekshon di muraya ku a sigui. Refaías tabata gobernante di mitar distrito Herúsalèm.
10 Yedaías, yu hòmber di Harumaf, a drecha e sekshon di muraya enfrente di su propio kas. Hatus, yu hòmber di Hasabneas, a drecha e sekshon ku a sigui.
11 Malkías, yu hòmber di Harim,+ i Hásub, yu hòmber di Pahat-Móab,+ a drecha Toren di e Fòrnunan+ i un sekshon di e muraya.
12 Sálum, huntu ku su yu muhénan, a drecha e sekshon di muraya ku a sigui. Sálum, yu hòmber di Halohes, tabata gobernante di e otro mitar distrito Herúsalèm.
13 Hanun i e habitantenan di Zanoa+ a drecha Porta di Vaye;+ nan a rekonstruyé, i nan a pega e portanan, e rèndunan i e balkinan pa sera* porta. Fuera di esei, nan a drecha un sekshon di e muraya te Porta di Monton di Shinishi.+ Nan a drecha mas o ménos 450 meter* di muraya.
14 Malkías, yu hòmber di Rékab, a drecha Porta di Monton di Shinishi. El a rekonstruyé, i el a pega e portanan, e rèndunan i e balkinan pa sera* porta. Malkías tabata gobernante di distrito Bèt-Hakerem.+
15 Sálun, yu hòmber di Kolhozé, a drecha Porta di Fuente di Awa.+ El a rekonstruí e entrada i e dak, i el a pega e portanan, e rèndunan i e balkinan pa sera* porta. El a drecha tambe e sekshon di muraya ku tabata kore di Tanki di Awa+ di Kanal, ku tabata keda pegá ku Hardin di Rei,+ te Trapi,+ esta, te na e trapi ku tabata baha for di Stat di David.+ Sálun tabata gobernante di distrito Mispa.+
16 Nehemías, yu hòmber di Azbuk, a drecha e sekshon di muraya ku a sigui, esta, e sekshon dilanti di Santana Real di David+ te e tanki artifisial di awa+ i te Kas di e Guereronan. Nehemías, yu hòmber di Azbuk, tabata gobernante di mitar distrito Bèt-Sur.+
17 Pa loke tabata e sekshon di muraya ku a sigui, e levitanan a drecha esei, bou di supervishon di Réhum, yu hòmber di Bani. Hasabías, gobernante di mitar distrito Keila,+ a drecha e sekshon di muraya ku a sigui. Asina, el a representá su distrito.
18 E otro levitanan a drecha e sekshon di muraya ku a sigui. Nan a traha bou di supervishon di Bavai, yu hòmber di Henadad. Bavai tabata gobernante di e otro mitar distrito Keila.
19 Ézer, yu hòmber di Yeshua,+ a drecha un otro sekshon di e muraya. El a drecha e sekshon di muraya djis promé ku e subida pa bai Depósito di Arma, ku tabata keda pegá ku Pilá di Sosten.+ Ézer tabata gobernante di Mispa.
20 Baruk, yu hòmber di Zabai,+ tabata traha ku masha ánimo. El a drecha e sekshon di muraya ku a sigui, esta, di Pilá di Sosten te na entrada di kas di Sumo Saserdote Eliasib.+
21 Méremòt,+ yu hòmber di Uriya i ñetu di Hákos, a drecha un otro sekshon di e muraya, esta, e sekshon for di entrada di kas di Eliasib te otro banda di e kas.
22 E saserdotenan di distrito Yordan*+ a drecha e sekshon di muraya ku a sigui.
23 Bènyamin i Hásub a drecha e sekshon enfrente di nan kas. Azarías, yu hòmber di Maseías i ñetu di Ananías, a drecha e sekshon banda di su kas.
24 Binuí, yu hòmber di Henadad, a drecha un otro sekshon, esta, for di kas di Azarías te Pilá di Sosten+ i te na e siguiente skina di e muraya.
25 Palal, yu hòmber di Uzai, a drecha e siguiente sekshon di muraya, esta, e sekshon dilanti di Pilá di Sosten i enfrente di e toren di Palasio* di Rei,+ e edifisio haltu ku tabata pertenesé na Patio di Vigilansia.+ Pedaías, yu hòmber di Páros,+ a drecha e sekshon di muraya ku a sigui.
26 E sirbidónan di tèmpel*+ ku tabata biba na Ófel+ a drecha e sekshon ku a sigui bai te e sekshon di muraya dilanti di Porta di Awa,+ parti ost, bai te e toren ku bo tabata mira ta sali afó un poko.
27 E hendenan di Tekoa+ a drecha un otro sekshon di muraya. Nan a drecha e sekshon for di dilanti di e toren grandi, ku bo tabata mira ta sali afó, bai te muraya di Ófel.
28 E saserdotenan a drecha e sekshon di muraya di Porta di Kabai+ sigui bai den direkshon nort; kada un di nan a drecha e sekshon enfrente di su propio kas.
29 Zádòk,+ yu hòmber di Ímer, a drecha e sekshon di muraya enfrente di su kas.
Semaías, yu hòmber di Sekanías, a drecha e sekshon di muraya ku a sigui. Semaías tabata na enkargo di Porta Ost.+
30 Hananías, yu hòmber di Selemías, i Hanun, e di seis yu hòmber di Salaf, tambe a drecha un sekshon di e muraya.
Mesulam,+ yu hòmber di Berekías, a drecha e sekshon dilanti di su propio kas.*
31 Malkías, un platé,* a drecha e sekshon ku a sigui te kas di e sirbidónan di tèmpel*+ i te kas di e komersiantenan, enfrente di Porta di Inspekshon, i te e kamber ariba, ku tabata keda na skina di muraya.
32 E platénan i e komersiantenan a drecha e sekshon ku tabata keda entre e kamber ariba, na skina di muraya, i Porta di Karné.+
Nota
^ Lit.: “Toren di Shen.”
^ Òf: “Nan a dediká Porta di Karné na Dios.”
^ Lit.: “su ruman hòmbernan.”
^ Lit.: “E yu hòmbernan.”
^ Òf: “e lòknan.”
^ Òf: “pa tranka.”
^ Lit.: “no kier a dobla nan garganta.”
^ Òf: “pa tranka.”
^ Lit.: “tabata pertenesé na e trono.”
^ Òf: “perfume.”
^ Òf: “pa tranka.”
^ Òf: “pa tranka.”
^ Òf: “pa tranka.”
^ Esta, e área ku tabata inkluí e parti mas abou den vaye Yordan bai te Zoar.
^ Òf: “Kas.”
^ Òf: “E netineonan.” Lit.: “E hendenan ku a ser duná,” esta, duná pa sirbi Dios.
^ Òf: “sala; kamber.”
^ Òf: “un miembro di asosiashon di platé.”
^ Òf: “e netineonan.” Lit.: “e hendenan ku a ser duná,” esta, duná pa sirbi Dios.
