Promé Karta pa e Korintionan 10:1-33

TOKA NA

Lès ku nos por siña for di e historia di Israel (1-13)
Spièrtamentu pa no adorá imágen (14-22)
- Mesa di Yehova i mesa di demoño (21)
Libertat di skohe i tene kuenta ku konsenshi di otro hende (23-33)
- “Hasi tur kos pa e gloria di Dios” (31)

10 Rumannan, mi ke pa boso kòrda ku tur nos antepasadonan a kana pasa bou di sombra di un nubia,+ i nan tur a pasa dor di Laman Kòrá.+ ² Tabata komo si fuera nan tur a ser batisá komo siguidó di Moises ora nan tabata bou di e nubia i pasando dor di e laman. ³ Nan tur a kome e mesun kuminda ku a bini di Dios.*+ ⁴ I nan tur a bebe e mesun awa ku a bini di Dios.*+ Nan tabata bebe di e baranka ku Dios a pèrkurá i* ku tabata kompañá nan. E baranka ei tabata representá Kristu.+ ⁵ Sinembargo, mayoria di nan no tabatin Dios su aprobashon, ya ku nan a ser matá den desierto.*+ ⁶ E kosnan ei ku a pasa ku nos antepasadonan ta sirbi komo lès* pa nos. Nos no mester deseá kos malu pa nos no bira manera nan.+ ⁷ Nos no mester adorá dios falsu,* manera algun di nan a hasi. Manera Skritura ta bisa: “E pueblo a sinta pa kome i bebe. Kaba, nan a lanta pa gosa.”+ ⁸ Nos no mester praktiká inmoralidat seksual,* manera algun di nan a hasi, pasobra komo resultado, 23.000 di nan a muri riba un solo dia.+ ⁹ Nos no mester pone Yehova* na prueba tampoko,+ manera algun di nan a pon’é na prueba. P’esei, kolebra a morde nan, i nan a muri.+ ¹⁰ Ademas, nos no mester ta hende ku ta keha manera algun di nan tabata keha.+ Komo resultado, e angel di destrukshon a mata nan.+ ¹¹ E kosnan ei a sosodé ku nan komo lès pa nos. Nan a ser skirbí komo un spièrtamentu pa nos+ ku ta biba na final di e tempu* akí. ¹² P’esei, si un hende ta pensa ku e ta firme pará, e mester tene kuidou pa e no kai.+ ¹³ Tur tentashon ku boso ta pasa aden ta kos ku otro hende tambe a yega di pasa aden.+ Pero Dios ta fiel na su palabra. Lo e no laga boso pasa den un tentashon ku boso no por soportá.+ Ora e tentashon presentá, Dios lo pèrkurá un salida for di e tentashon, pa asina boso por want’é.+ ¹⁴ P’esei, mi rumannan stimá, no adorá imágen.*+ ¹⁵ Mi ta papia ku boso komo hende ku ta prudente. Disidí pa boso mes si loke mi ta bisa ta bèrdat. ¹⁶ Ora nos ta bebe for di e kopa di biña ku nos ta gradisí Dios p’e,* no ta partisipá nos ta partisipá den* e sanger di Kristu?+ Ora nos ta kibra e pan i kom’é, no ta partisipá nos ta partisipá den e kurpa di Kristu?+ ¹⁷ Ta un pan so tin. P’esei, aunke nos ta hopi, nos ta un solo kurpa,+ pasobra nos tur ta kome di esun pan ei. ¹⁸ Wak loke e pueblo di Israel* tabata hasi: Ora nan tabata kome e sakrifisionan, no ta komo si fuera ta kome nan tabata kome huntu ku Dios?+ ¹⁹ Akaso mi ke men ku karni sakrifiká na un imágen ta importante òf ku un imágen ta realmente un dios? ²⁰ Nò; loke mi ta bisando ta ku loke hende di e nashonnan ta ofresé komo sakrifisio, nan ta ofresé na demoño i no na Dios.+ Anto mi no ke pa boso tin nada di haber ku demoño.+ ²¹ Boso no por bebe di e kopa di Yehova* i di e kopa di demoño. Boso no por kome na “e mesa di Yehova”*+ i na e mesa di demoño. ²² Òf ‘ta yalurs* nos ke hasi Yehova’?*+ Akaso nos ta mas fuerte kuné? ²³ Tur kos ta permití, pero no ta tur kos ta probechoso. Tur kos ta permití, pero no ta tur kos ta fortalesé* otro hende.+ ²⁴ Laga kada hende sigui hasi loke ta benefisiá otro hende, i no solamente loke ta pa su mes benefisio.+ ²⁵ Ku un konsenshi trankil, boso por kome tur karni ku hende ta bende na marshe. Boso no tin nodi di puntra for di unda e karni a bini, ²⁶ pasobra Skritura ta bisa: “Tera i tur loke tin riba dje ta di Yehova.”*+ ²⁷ Si un hende ku no ta kreyente* invitá boso na un komementu i boso disidí di bai, ku un konsenshi trankil, boso por kome tur loke e pone boso dilanti. Boso no tin nodi di puntr’é for di unda e kuminda a bini. ²⁸ Pero suponé ku un persona bisa boso: “E karni akí a ser ofresé komo sakrifisio na imágen.” E ora ei, boso no mester kome e karni ei pa boso no pone e persona ku a bisa esei trompeká i pa loke boso hasi no molestiá niun hende su konsenshi.+ ²⁹ Mi no ta papiando di boso konsenshi, sino di konsenshi di e persona. Pasobra mi no ke usa mi libertat pa despues un otro hende su konsenshi kondená mi.+ ³⁰ Pues, asta si mi ta gradisí Dios pa un kuminda ku mi tin derecho di kome, pakiko lo mi kome e kuminda ei si esei ta pone otro hende kritiká mi?+ ³¹ P’esei, sea ku boso ta kome, bebe òf hasi kualke otro kos, hasi tur kos pa e gloria di Dios.+ ³² No duna hudiu ni griego* ni hende di e kongregashon di Dios motibu pa trompeká.+ ³³ Esei ta loke mi ta purba di hasi. Mi ta purba di agradá tur hende den tur loke mi ta hasi. Mi no ta buska loke ta mihó pa mi,+ sino loke ta mihó pa mayoria di hende, pa asina nan por haña salbashon.+