Bon Notisia Segun Lúkas 3:1-38
3 Den e di 15 aña di e reinado di Tiberio Sésar, Ponsio Pilato tabata gobernador di Hudea. Heródes*+ tabata goberná Galilea. Felipe, ruman hòmber di Heródes, tabata goberná Iturea i Trakonite. Lisanias tabata goberná Abilene. Galilea, Iturea, Trakonite i Abilene tabata distrito.
2 Káifas+ tabata un saserdote prinsipal, i Ánas tabata sumo saserdote. Den e tempu ei, Dios a papia ku Huan,+ yu hòmber di Zakarías. Huan tabata den desierto.*+
3 Huan tabata prediká den henter e área rònt di riu Yordan. E tabata bisa e hendenan ku nan tabatin ku batisá pa mustra ku nan a arepentí i ku nan tabata ke haña pordon di piká.+
4 A sosodé manera ta pará skirbí den buki di Profeta Isaías: “Tin un hende ta grita den desierto: ‘Prepará kaminda pa Yehova!* Drecha su kamindanan.+
5 Yena tur vaye i hasi tur seru i seritu plat. E kamindanan ku no ta stret, hasi nan stret. Drecha e kamindanan ku ta yen di baranka i hasi nan plat.
6 Tur hende* lo mira kon Dios lo salba humanidat.’”+
7 Masha hopi hende tabata bini serka Huan pa e batisá nan. E tabata bisa e hendenan: “Boso ta kolebra* venenoso! Ken a bisa boso ku boso por skapa durante e binidero huisio* di Dios?+
8 Kuminsá produsí fruta ku ta mustra ku boso a arepentí! Anto no bisa den boso mes: ‘Nos ta yu di Ábraham,’ pasobra mi ta bisa boso ku Dios por laga e piedranan akí bira yu pa Ábraham.
9 Es mas, ya tin hacha kla poné na pia* di e palunan. Tur palu ku no ta pari bon fruta lo ser di kap i tirá den kandela.”+
10 E hendenan a puntr’é: “Kiko nos mester hasi antó?”
11 El a kontestá: “Laga ken ku tin dos paña* kompartí ku hende ku no tin nada. Laga ken ku tin kos di kome kompartí ku hende ku no tin nada.”+
12 Asta algun kobradó di belasting* a bini serka dje pa e batisá nan.+ Nan a puntr’é: “Maestro, kiko nos mester hasi?”
13 El a bisa nan: “No kobra e hendenan mas di loke a keda stipulá komo tarifa di belasting.”+
14 Algun sòldá tambe a puntr’é: “Kiko nos mester hasi?” El a bisa nan: “No ranka plaka for di ningun hende* ni akusá niun hende falsamente.+ Keda satisfecho ku loke boso ta haña pa mantené boso mes.”*
15 E pueblo tabata warda ansiosamente riba yegada di Kristu. P’esei, tur hende tabata puntra nan mes si ta Huan tabata e Kristu.*+
16 Tur hende, Huan tabata bisa: “Ami ta batisá boso den awa. E persona ku ta bini despues di mi tin mas outoridat ku mi. Ami no ta digno di lòs e strèpnan di su sandalianan.+ Lo e batisá boso ku spiritu santu i ku kandela.+
17 E skòp pa separá trigu for di bagas ta den su man, i lo e hasi su plenchi di bati trigu limpi limpi. Lo e rekohé tur trigu i pone nan den su mangasinanan, pero bagas, lo e kima ku kandela ku no por paga.”
18 Huan a duna e pueblo vários otro konseho, i el a sigui prediká bon notisia na e pueblo.
19 Tabata asina ku Huan a skual Heródes tokante Herodías. Herodías tabata esposa di Heródes su ruman hòmber. Huan a skual Heródes pa tur e otro kosnan malu tambe ku Heródes tabata hasi.
20 P’esei, Heródes a laga sera Huan den prizòn,+ kometiendo asina un otro maldat.
21 Huan tabata batisá hopi hende. Hesus tambe a ser batisá.+ Miéntras Hesus tabata hasi orashon, shelu a habri+
22 i spiritu santu a baha riba dje den forma di un palomba. Na e momento ei, un stèm for di shelu a bisa: “Abo ta mi Yu stimá. Bo tin mi aprobashon.”+
23 Hesus+ tabatin mas o ménos 30 aña di edat+ tempu ku el a kuminsá siña hende. Segun e hendenan, e tabatayu hòmber di Hose;+Hose tabata yu hòmber di Heli;
24 Heli tabata yu hòmber di Matat;Matat tabata yu hòmber di Levi;Levi tabata yu hòmber di Melki;Melki tabata yu hòmber di Yanai;Yanai tabata yu hòmber di Hose;
25 Hose tabata yu hòmber di Matatías;Matatías tabata yu hòmber di Ámos;Ámos tabata yu hòmber di Nahum;Nahum tabata yu hòmber di Esli;Esli tabata yu hòmber di Nagai;
26 Nagai tabata yu hòmber di Maat;Maat tabata yu hòmber di Matatías;Matatías tabata yu hòmber di Semein;Semein tabata yu hòmber di Yósek;Yósek tabata yu hòmber di Yoda;
27 Yoda tabata yu hòmber di Yoanan;Yoanan tabata yu hòmber di Resa;Resa tabata yu hòmber di Zorobabel;+Zorobabel tabata yu hòmber di Sealtiel;+Sealtiel tabata yu hòmber di Neri;
28 Neri tabata yu hòmber di Melki;Melki tabata yu hòmber di Adi;Adi tabata yu hòmber di Kosam;Kosam tabata yu hòmber di Elmadam;Elmadam tabata yu hòmber di Er;
29 Er tabata yu hòmber di Hesus;Hesus tabata yu hòmber di Eliezer;Eliezer tabata yu hòmber di Yorim;Yorim tabata yu hòmber di Matat;Matat tabata yu hòmber di Levi;
30 Levi tabata yu hòmber di Símeòn;Símeòn tabata yu hòmber di Húdas;Húdas tabata yu hòmber di Hose;Hose tabata yu hòmber di Yónam;Yónam tabata yu hòmber di Eliakim;
31 Eliakim tabata yu hòmber di Melea;Melea tabata yu hòmber di Mena;Mena tabata yu hòmber di Matata;Matata tabata yu hòmber di Nátan;+Nátan tabata yu hòmber di David;+
32 David tabata yu hòmber di Isaí;+Isaí tabata yu hòmber di Obèd;+Obèd tabata yu hòmber di Bóaz;+Bóaz tabata yu hòmber di Salmon;+Salmon tabata yu hòmber di Násòn;+
33 Násòn tabata yu hòmber di Amínadab;Amínadab tabata yu hòmber di Arni;Arni tabata yu hòmber di Hèzròn;Hèzròn tabata yu hòmber di Péres;+Péres tabata yu hòmber di Huda;+
34 Huda tabata yu hòmber di Yákòb;+Yákòb tabata yu hòmber di Ísak;+Ísak tabata yu hòmber di Ábraham;+Ábraham tabata yu hòmber di Taré;+Taré tabata yu hòmber di Nákòr;+
35 Nákòr tabata yu hòmber di Serug;+Serug tabata yu hòmber di Reú;+Reú tabata yu hòmber di Pélèg;+Pélèg tabata yu hòmber di Éber;+Éber tabata yu hòmber di Sela;+
36 Sela tabata yu hòmber di Kainan;Kainan tabata yu hòmber di Arpaksad;+Arpaksad tabata yu hòmber di Sèm;+Sèm tabata yu hòmber di Noe;+Noe tabata yu hòmber di Lámèk;+
37 Lámèk tabata yu hòmber di Metúsalèm;+Metúsalèm tabata yu hòmber di Énòk;Énòk tabata yu hòmber di Yáred;+Yáred tabata yu hòmber di Mahálalel;+Mahálalel tabata yu hòmber di Kainan;+
38 Kainan tabata yu hòmber di Énòs;+Énòs tabata yu hòmber di Sèt;+Sèt tabata yu hòmber di Ádam;+Ádam tabata yu hòmber di Dios.
