Salmo 145:1-21
Un kantika di alabansa di David.
א [álef]
145 O mi Dios, mi Rei, lo mi duna bo gloria.+Lo mi alabá bo nòmber pa tur eternidat.+
ב [bet]
2 Henter dia lo mi alabá bo.+Lo mi alabá bo nòmber pa tur eternidat.+
ג [guímel]
3 Yehova ta grandi i meresé tur alabansa.+Niun hende no por komprondé kon grandi e ta.+
ד [dálet]
4 Un generashon tras di otro lo alabá bo pa bo obranan.Nan lo konta tokante e kosnan poderoso ku bo a hasi.+
ה [he]
5 Nan lo papia tokante bo poder ekstraordinario,*+i ami lo meditá riba bo obranan maravioso.
ו [waw]
6 Nan lo papia tokante bo echonan* impreshonante,i ami lo laga hende sa kon grandi bo ta.
ז [zayin]
7 Nan lo papia ku smak ora nan kòrda riba bo gran bondat,+i nan lo kanta di alegria pa motibu di bo hustisia.+
ח [het]
8 Yehova ta miserikòrdioso i yen di kompashon;*+e tin pasenshi,* i e ta yen di amor leal.+
ט [tet]
9 Yehova ta bon pa tur ser bibu,+i su miserikòrdia ta bisto den tur loke e ta hasi.
י [yod]
10 O Yehova, tur bo obranan lo duna bo gloria,+i tur bo sirbidónan leal lo alabá bo.+
כ [kaf]
11 Bo sirbidónan leal lo anunsiá kon glorioso bo reinado ta,+i nan lo papia tokante bo poder.+
ל [lámed]
12 Nan lo konta hende tokante e kosnan poderoso ku bo a hasi+i kon maravioso bo reinado ta.+
מ [mem]
13 Bo reinado ta dura pa semper,i lo bo sigui goberná durante tur generashon.+
ס [sámekh]
14 Yehova ta sostené tur hende ku ta serka di kai,+i e ta yuda tur hende ku ta kargá ku problema.+
ע [ayin]
15 Yen di speransa, tur hende ta warda riba bo;bo ta duna nan nan kuminda na e debido tempu.+
פ [pe]
16 Bo ta habri bo mani satisfasé deseo di tur ser bibu.+
צ [sadé]
17 Yehova semper ta hasi loke ta hustu,+i tur loke e hasi ta demostrá ku e ta fiel.+
ק [qof]
18 Yehova ta serka di tur hende ku ta hasi orashon na dje,+sí, serka di tur hende ku ta hasi orashon na dje ku sinseridat.*+
ר [resh]
19 E ta satisfasé deseo di hende ku tin rèspèt profundo p’e.*+E ta tende nan gritu pa yudansa, i e ta salba nan.+
ש [shin]
20 Yehova ta protehá tur hende ku ta stim’é,+pero lo e kaba ku tur hende malbado.+
ת [taw]
21 Lo mi* alabá Yehova.+Laga tur ser bibu* alabá su nòmber santu pa tur eternidat.+
