Salmo 149:1-9
149 Alabá Yah!*
Kanta un kantika nobo pa Yehova.+Alab’é den kongregashon di su sirbidónan leal.+
2 Laga Israel alegrá pa motibu di nan Gran Kreador.+Laga e yu hòmbernan di Siòn ta kontentu, pasobra e ta nan Rei.
3 Laga nan alabá Dios su nòmber ku bailamentu,+i laga nan kanta alabansa p’e, kompañá pa músika di tamburein i arpa,+
4 pasobra Yehova ta masha kontentu ku su pueblo.+E ta salba hende mansu.*+
5 Laga Dios su sirbidónan leal alegrá pa motibu di e onor ku e ta duna nan.Laga nan kanta di alegria riba nan kama.+
6 Laga nan boka kanta alabansa na Dios.Anto laga nan tin spada skèrpi den nan man
7 pa tuma vengansa riba e nashonnan.Nan lo kastigá e pueblonan
8 i mara nan reinan ku kadenai nan hòmbernan prominente ku bui di heru.
9 Dios su sirbidónan leal lo hasi ku nan di akuerdo ku e sentensia ku tin skirbí kontra nan.+Su sirbidónan leal lo tin e onor di hasi tur esei.Alabá Yah!*
