Salmo 93:1-5

  • Yehova su gobernashon impreshonante

    • “Yehova a bira Rei!” (1)

    • ‘Bo rekordatorionan ta konfiabel’ (5)

93  Yehova a bira Rei! E ta bistí ku grandesa.Yehova tin hopi forsa;el a faha su mes ku esei. El a establesé tera* firmemente;nada no por kita tera for di su lugá.*  2  Bo trono a ser establesé firmemente for di hopi tempu pasá;semper bo tabata eksistí.  3  O Yehova, e riunan a bira brutu;sí, e riunan a bira brutu i nan ta hasi hopi boroto;e riunan a bira brutu i nan ta sigui hasi bochincha.  4  Pero abo, o Yehova, kende ta supremo den shelu,abo ta mas impreshonante ku e zonido di hopi awa,mas poderoso ku batimentu di ola di laman.  5  Bo rekordatorionan ta masha konfiabel. O Yehova, bo kas lo keda bunita i santu pa semper.

Nota

Òf: “tera produktivo.”
Òf: “tera no por tambaliá.”