Salmo 19:1-14
Na e direktor musikal. Un salmo di David.
19 Shelu ta deklará gloria di Dios.+Shelu* ta konta tokante e obranan di Su man.+
2 Dia tras dia, shelu ta sigui papia,*i nochi tras nochi, e ta revelá konosementu tokante Dios.
3 Loke shelu ta papia no ta un idioma, ni e no ta saka palabra;hende no ta tende su stèm.
4 Tòg shelu su testimonio* a yega tur kaminda riba tera,i su mensahe a yega te na e partinan di mas leu di tera habitá.+Den shelu, Dios a harma un tènt pa solo.
5 Anto solo ta sali briante meskos ku un brùidehòm ku ta sali for di su kamber,i solo ta kontentu meskos ku un hòmber fuerte ta kontentu pa kore un kareda.
6 E ta sali for di un punta di shelu,i e ta dal un buèlta i bai te na e otro punta.+Nada no ta skapa su kalor.
7 E leinan di Yehova ta perfekto;+ nan ta duna hende forsa atrobe.*+E spièrtamentunan* di Yehova ta konfiabel;+ nan ta hasi hende sin eksperensia sabí.+
8 E òrdunan di Yehova ta hustu; nan ta hasi hende su kurason kontentu.+E mandamentunan di Yehova ta puru; nan ta habri hende su wowo.+
9 Rèspèt profundo* pa Yehova+ ta algu puru; e ta dura pa semper.E desishonnan* di Yehova ta konfiabel; nan ta hustu den tur sentido.+
10 Nan ta mas deseabel ku oro,sí, mas deseabel ku un kantidat grandi di oro puru.*+Nan ta mas dushi ku stropi di abeha,+ sí, mas dushi ku e stropi di abeha di mas puru.
11 Mi Dios, bo leinan ta spièrta bo sirbidó p’e no bai den mal kaminda.+Hende ku obedesé nan ta haña gran rekompensa.+
12 Ken ta konsiente di su mes fayonan?+Pordoná mi mi pikánan ku mi no ta konsiente di dje.
13 Protehá mi di arogansia.+No lag’é dominá mi.+E ora ei, lo mi ta sin kulpa*+i inosente di piká serio.*
14 O Yehova, mi Baranka+ i mi Libertador,*+ laga e palabranan di mi bokai e meditashon di mi kurason ta agradabel pa bo.+
