Salmo 53:1-6

  • Deskripshon di hende bobo

    • “Yehova no ta eksistí” (1)

    • “Niun hende no ta hasi loke ta bon” (3)

Na e direktor musikal. Estilo di mahalat.* Maskil.* Un salmo di David. 53  Hende bobo* ta bisa den nan mes:‘Yehova no ta eksistí.’*+Nan ta malbado, i nan ta hasi tur sorto di kos inhustu i repugnante.Niun hende no ta hasi loke ta bon.+  2  Ma for di shelu, Dios ta opservá hende+pa wak si entre nan tin un hende sabí,* sí, un hende ku ta buska Yehova.+  3  Nan tur a desviá;nan tur ta malbado.Niun hende no ta hasi loke ta bon,ni sikiera un.+  4  Ni un di e malechornan ei no tin konosementu?*Nan ta habraká mi pueblo manera ta pan nan ta kome.Nan no ta pidi Yehova pa su guia.+  5  Pero dado momento, nan lo haña miedu i drenta pániko,sí, un miedu ku nunka promé nan no a sinti,*pasobra Dios lo plama wesu di e hendenan ku ta ataká Israel.*Israel lo laga nan keda na bèrgwensa, pasobra Yehova a rechasá nan.  6  Laga Israel su salbashon bini for di Siòn!+Laga Yákòb ta kontentu; sí, laga Israel alegráora Yehova trese su pueblo bèk, esta, su pueblo ku tabata den eksilio.

Nota

^ Òf: “sin sintí.”
^ Òf: “Hende bobo ta rechasá Yehova den nan kurason.”
^ Òf: “ku komprondementu.”
^ Òf: “komprondementu.”
^ Òf posiblemente: “maske no tabatin nada di tene miedu di dje.”
^ Lit.: “wesu di esnan ku ta establesé kampamentu kontra bo.”

Derecho di outor pa e publikashon akí