Salmo 39:1-13
Na e direktor musikal. Estilo di Yedutun.*+ Un salmo di David.
39 Mi a bisa: “Lo mi tene kuidoupa mi no peka ku mi lenga.+Tanten ku tin hende malbado den mi presensia,lo mi tapa mi boka ku bosal.”+
2 Mi a keda ketu, i mi no a bisa niun pia di palabra;+mi no a ni papia tokante loke ta bon,pero mi tabatin hopi doló.*
3 Den mi paden, mi kurason tabata kima.*Mas mi tabata sinta pensa,* mas e kandela tabata kima.Finalmente, mi a bisa:
4 “O Yehova, yuda mi realisá ku mi bida ta kòrtiku*i ku e kantidat di mi dianan ta poko.+Yuda mi komprondé kon pasahero mi bida ta.
5 Bo a duna mi djis un par di dia;*+den bo bista, e durashon di mi bida ta masha kòrtiku.+Un kos ta sigur, pa fuerte ku un hende ta parse, e ta simplemente un rosea.+ (Sela)
6 Hende ta manera un sombra.Nan ta kore bai bini* pòrnada.Nan ta akumulá rikesa sin sa ta ken lo disfrutá di dje.+
7 O Yehova, ki speransa mi tin?Abo ta mi úniko speransa.
8 Libra mi di tur mi pikánan.+No laga hende bobo hasi bofon di mi.
9 Mi a keda ketu.Mi no por a habri mi boka,+pasobra ta abo a laga tur e kosnan akí pasa.+
10 Kita bo kastigu* for di riba mi.Mi ta kibrá pa motibu di bo gòlpinan.
11 Bo ta kastigá hende pa nan piká pa asina korigí nan.+Bo ta kaba ku e kosnan ku nan ta konsiderá balioso, meskos ku mòt ta kaba ku paña.Un kos ta sigur, hende ta simplemente un rosea.+ (Sela)
12 O Yehova, tende mi orashon,i skucha mi gritu pa yudansa.+No keda sin hasi kaso di mi lágrimanan.Den bo bista, mi ta djis un huéspet,+un habitante temporal,* meskos ku tur mi antepasadonan.+
13 No wak mi rabiá pa mi por bira kontentu atrobepromé ku mi muri, sí, promé ku mi no t’ei mas.”
