Salmo 64:1-10
-
Protekshon kontra atake planiá den sekreto
-
“Dios lo tira flecha riba nan” (7)
-
Na e direktor musikal. Un salmo di David.
64 O Dios, por fabor, tende mi ora mi ta supliká bo.+Protehá mi bida di e atakenan spantoso di mi enemigunan.
2 Protehá mi di e kòmplòtnan di hende malbado.+Protehá mi di e multitut di hende ku ta hasi malu.
3 Nan palabranan ta skèrpi manera spada,*i nan ta mek nan palabranan kruel manera flecha.
4 For di nan lugá di skonde, nan ta tira riba un hende inosente.Nan ta tira diripiente riba dje, sin miedu.
5 Nan ta persistí den nan mal intenshon;*nan ta deliberá ku otro kon pa skonde nan trampanan,i nan ta bisa: “Niun hende lo no mira nan.”+
6 Nan ta buska manera nobo pa hasi malu.Den sekreto, nan ta traha nan plannan astuto.+No ta posibel pa saka afó kiko tin den nan kurason.
7 Pero Dios lo tira flecha riba nan.+Sí, diripiente, un flecha lo heridá nan.
8 Nan lenga mes lo kousa nan kaida;+tur hende ku para wak nan lo sagudí kabes ku despresio.
9 E ora ei, tur hende lo haña miedu;nan lo anunsiá kiko Dios a hasi,i nan lo komprondé su echonan.+
10 Hende hustu lo alegrá pa motibu di loke Yehova ta hasi, i nan lo buska protekshon serka dje.+Tur hende di kurason sinsero lo keda masha kontentu.*
