Salmo 108:1-13
Un kantika. Un salmo di David.
108 O Dios, mi kurason ta fiel na bo.Lo mi toka músika i kanta alabansa na bo ku henter mi kurason.+
2 Mi ke toka arpa i otro instrumènt di kuèrdè.+Lo mi lanta trempan, promé ku solo sali.
3 O Yehova, lo mi alabá bo entre e pueblonan.Ku kantika, lo mi alabá* bo entre e nashonnan,
4 pasobra bo amor leal ta asina grandi ku e ta yega te na shelu,+i bo fieldat ta yega te na e nubianan.
5 O Dios, demostrá kon grandi bo ta den shelu;laga bo grandesa ta bisto tur kaminda riba tera.+
6 Salba nos ku bo man drechi i kontestá nos* orashon+pa bo sirbidónan stimá por ser librá.
7 Dios Santu a papia.* El a bisa:“Ku alegria, lo mi repartí Síkèm+ komo herensia,i lo mi midi vaye* di Sukòt pa duna mi pueblo.+
8 Gálad+ ta di mi, i Mánases tambe.Efraím ta mi hèlm.*+Huda ta mi bara di gobernante.+
9 Móab ta mi baki pa laba pia.+Lo mi tira mi sandalia riba Édòm.+Lo mi kanta viktoria, pasobra lo mi derotá Filistea.”+
10 O Dios, ken lo hiba mi na e stat fortifiká?Ken lo guia mi te na Édòm?+
11 O Dios, no ta abo mes lo guia nos te einan? Pero bo a rechasá nos, o nos Dios,i bo no ta kompañá nos ehérsitonan mas.+
12 Yuda nos den nos momentonan difísil,+pasobra no ta bale la pena pa warda riba salbashon ku ta bini di hende.+
13 Dios lo duna nos forsa,+i lo e trapa nos enemigunan.+
