Salmo 56:1-13
Na e direktor musikal. Riba melodia di “E Palomba Silensioso Ku Ta na un Lugá Leu.” Un salmo di David. Miktam.* Tempu ku e filisteonan a kapturá David na Gat.+
56 O Dios, tene miserikòrdia di mi, pasobra hende ta ataká mi.*Henter dia, nan ta bringa kontra mi i oprimí mi.
2 Sí, henter dia, mi enemigunan ta ataká mi.Hopi hende arogante ta bringa kontra mi.
3 Ora mi tin miedu,+ mi ta pone mi konfiansa den bo.+
4 Mi ta alabá Dios pa motibu di loke el a primintí.Mi ta pone mi konfiansa den Dios; mi no tin miedu.Kiko un simpel hende* por hasi mi?+
5 Henter dia, nan ta kousa mi problema;nan ta blo pensa pa hasi mi daño.+
6 Nan ta skonde pa ataká mi;nan ta vigilá tur mi pasonan+pa nan por mata mi.+
7 Rechasá nan pa motibu di nan maldat.O Dios, kastigá e nashonnan den bo rabia.+
8 Bo ta bon na altura di tur e biahanan ku mi a kana dual.+Por fabor, pone mi lágrimanan den bo saku di awa di kueru.+Bo no a konta mi lágrimanan i skirbi e kantidat den bo buki?+
9 Mi enemigunan lo bati retirada dia ku mi sklama na bo pa yudansa.+Dios ta ku mi;+ esei mi sa sigur.
10 Mi ta alabá Dios pa motibu di loke el a primintí.Sí, mi ta alabá Yehova pa motibu di loke el a primintí.
11 Mi ta pone mi konfiansa den Dios; mi no tin miedu.+Kiko un simpel hende por hasi mi?+
12 O Dios, mi tin e obligashon di kumpli ku e promesanan solèm ku mi a hasi na bo.+Lo mi duna bo ofrenda di gradisimentu.+
13 O Dios, bo a libra mi* for di morto,+i bo a sòru pa mi no trompeká,+pa asina mi por sigui biba i kana bo dilanti.+
