Salmo 5:1-12
Na e direktor musikal. Pa nehilot.* Un salmo di David.
5 O Yehova, skucha mi palabranan.+Tende mi suspiro.
2 O mi Rei i mi Dios, presta atenshon na mi gritu pa yudansa,pasobra ta na abo mi ta hasi súplika.
3 Yehova, tur mainta lo bo tende mi stèm;+tur mainta, lo mi konta bo mi preokupashonnan+ i warda ansiosamente riba bo kontesta.
4 Bo no ta un Dios ku tin plaser den maldat.+Hende ku ta hasi malu no por keda serka bo.*+
5 Hende arogante no por para den bo presensia.Bo ta odia tur hende ku ta hasi malu.+
6 Lo bo destruí hende ku ta gaña.+Yehova, bo tin asko di hende ku ta violento* i ku ta engañá otro hende.+
7 Ma ami lo drenta bo kas+ debí na bo amor leal.*+Ku rèspèt profundo* pa bo, lo mi bùig den direkshon di bo tèmpel* santu.+
8 O Yehova, guia mi den bo kaminda di hustisia, pasobra mi ta rondoná di enemigu.Yuda mi kana den bo kaminda sin trompeká.+
9 No por konfia nada ku nan ta bisa;ta malisia so tin den nan kurason.Nan garganta ta manera un graf habrí.Nan ta usa nan lenga pa labia hende.*+
10 Pero mi Dios, abo lo kondená nan.Nan kòmplòtnan mes lo kousa nan kaida.+Por fabor, kore ku nan pa motibu di tur nan pikánan,pasobra nan a rebeldiá kontra bo.
11 Pero tur hende ku buska refugio serka bo lo ta felis,+i semper nan lo grita di alegria.Lo bo protehá nan;*lo bo ta un fuente di goso pa hende ku ta stima bo nòmber.
12 Abo, Yehova, lo bendishoná tur hende hustu.Bo aprobashon ta manera un eskudo grandi ku ta protehá nan.+
