Salmo 28:1-9
-
Dios a skucha David su orashon
-
“Yehova ta mi forsa i mi eskudo” (7)
-
Un salmo di David.
28 O Yehova, mi Baranka, mi ta sigui sklama na bo.+No keda sin skucha mi.Si bo no kontestá mi,lo mi bira meskos ku hende ku ta baha den graf.*+
2 Skucha mi súplika ora mi ta sklama na bo pa yudansa,ora mi ta hisa mi mannan den direkshon di e lugá Santísimo di bo kas santu.+
3 No kastigá mi huntu ku hende malbado ni huntu ku hende ku tin kustumber di hasi loke ta malu,+sí, hende ku ta papia palabra bunita* ku nan próhimo, miéntras ku nan kurason ta yen di maldat.+
4 Kastigá nan pa nan echonan,+sí, pa nan práktikanan di maldat.Kastigá nan pa e obranan di nan man,sí, pa tur loke nan a hasi.+
5 Nan no ta presta atenshon na e echonan di Yehovani na su logronan.*+Pues, lo e basha e hendenan ei abou, i lo e no lanta nan bèk.
6 Alabá sea Yehova,pasobra el a skucha mi súplika pa yudansa.
7 Yehova ta mi forsa+ i mi eskudo;+mi kurason ta konfia den dje.+El a yuda mi, i esei a hasi mi kurason masha kontentu,p’esei lo mi alab’é ku mi kantika.
8 Ta Yehova ta duna forsa na su pueblo.E ta manera un fòrti kaminda su sirbidó skohí* por bai pa haña salbashon.+
9 Salba bo pueblo, i bendishoná nan.+Kuida nan manera un wardadó ta kuida su karnénan, i karga nan den bo brasa pa semper.+
