Salmo 59:1-17

  • Dios ta nos eskudo i nos refugio

    • “No tene miserikòrdia di niun traidor” (5)

    • “Ami lo kanta tokante bo poder” (16)

Na e direktor musikal. Riba melodia di “No Kaba ku Mi.” Un salmo di David. Miktam.* Tempu ku Saul a manda hende bai vigilá kas di David* pa mata David.+ 59  O mi Dios, libra mi di mi enemigunan.+Protehá mi di hende ku ta lanta kontra mi.+  2  Libra mi di hende ku ta hasi maldat,i salba mi di hende violento.*  3  Wak! Nan ta skonde pa ataká mi.*+O Yehova, hòmber fuerte ta ataká mi,pero no ta pasobra mi a rebeldiá òf peka.+  4  Maske mi no a hasi nada malu, nan ta kla pa ataká mi.Por fabor, lanta ariba pa yuda mi ora mi sklama na bo, i wak kiko nan ta hasi.  5  Abo, o Yehova Dios di e ehérsitonan, ta Dios di Israel.+Lanta i analisá loke e nashonnan ta hasi.No tene miserikòrdia di niun traidor kruel.+ (Sela)  6  Tur anochi, nan ta bini bèk.+Nan ta gruña* manera kachó+ i kana rònt den stat.+  7  Tende kiko ta sali* for di nan boka.Nan palabranan* ta manera spada,+pasobra nan ta bisa: “Ta ken sa ku ta nos a bisa esei?”+  8  Pero abo, Yehova, lo hari nan;+lo bo hasi bofon di tur e nashonnan.+  9  O Dios, mi Fortalesa, lo mi sigui spera riba bo,+pasobra abo ta mi refugio kaminda mi ta sinti mi protehá.*+ 10  E Dios ku ta demostrá amor leal na mi lo bin yuda mi.+Dios lo laga mi mira derota di mi enemigunan.+ 11  No mata mi enemigunan ainda, pa mi pueblo no lubidá e kosnan ku bo a hasi.Usa bo poder pa laga nan kana dual.Despues, derotá nan, o Yehova, nos eskudo.+ 12  Nan ta peka ku nan boka, sí, ku e palabranan di nan lepnan.Laga nan orguyo ta un trampa pa nan,+pasobra nan ta maldishoná hende i nan ta gaña. 13  Finalmente, kaba ku nan den bo furia;+kaba ku nan, ya nan no t’ei mas.Laga nan sa ku Dios ta goberná e desendientenan di Yákòb i ku Dios ta goberná te na e partinan di mas leu di tera.+ (Sela) 14  Laga nan bini bèk anochi.Laga nan gruña* manera kachó i kana rònt den stat.+ 15  Laga nan kana dual en buska di algu di kome.+No laga nan barika yena ni laga nan haña un lugá pa pasa anochi. 16  Pero ami lo kanta tokante bo poder.+Mainta, lo mi konta ku alegria tokante bo amor leal,pasobra abo ta mi refugio kaminda mi ta sinti mi protehá.+Den tempu difísil, bo ta un lugá kaminda mi por hui bai.+ 17  O Dios, mi Fortalesa, lo mi alabá bo ku kantika,*+pasobra bo ta mi refugio kaminda mi ta sinti mi protehá. Abo ta e Dios ku ta demostrá amor leal na mi.+

Nota

^ Lit.: “vigilá e kas.”
^ Òf: “di hende ku gusta drama sanger; di asesino.”
^ Òf: “mi alma.”
^ Òf: “blaf.”
^ Lit.: “lepnan.”
^ Òf: “basha.”
^ Òf: “mi refugio na un lugá haltu.”
^ Òf: “blaf.”
^ Òf: “lo mi toka músika pa bo.”

Derecho di outor pa e publikashon akí