Salmo 51:1-19
Na e direktor musikal. Un salmo ku David a komponé tempu ku Profeta Nátan a bai papia kuné pasobra el a tene relashon ku Batseba.+
51 O Dios, tene piedat di mi pa motibu di bo amor leal.+Kita e manchanan di mi piká pa motibu di bo gran miserikòrdia.+
2 Laba mi i kita tur mi kulpa,+i purifiká mi di mi piká.+
3 Mi sa ku mi a hasi malu,i mi piká ta semper mi dilanti.*+
4 Ta kontra bo mi a peka, sí, kontra abo mas ku tur otro persona;*+mi a hasi loke ta malu den bo bista.+Pues, bo ta hustu ora bo papia;bo manera di husga ta korekto.+
5 Mi ta kulpabel di eror for di momento ku mi a nase,i mi ta un pekadó for di momento ku mi mama a sali na estado di mi.*+
6 Un kos ta sigur, bo ta keda kontentu ora bo mira un kurason sinsero.+Siña mi pa mi por ta berdaderamente sabí.*
7 Purifiká mi di mi piká* pa mi por ta limpi.+Laba mi pa mi por ta mas blanku ku sneu.+
8 Laga mi tende gritu di alegria atrobepa mi por alegrá maske bo a kibra mi wesunan.+
9 Pordoná mi* mi pikánan,+i kita tur mi fayonan.+
10 O Dios, duna mi un kurason puru,+i kambia mi manera di pensa+ pa mi por keda fiel.
11 No kore ku mi for di bo presensia,ni kita bo spiritu santu for di mi.
12 Bolbe duna mi e goso ku bo salbashon ta trese kuné.+Lanta den mi e deseo di obedesé bo.*
13 Lo mi siña hende ku ta kibra lei bo normanan;*+asina e pekadónan ei por arepentí i bolbe serka bo.
14 O Dios, e Dios di mi salbashon,+ libra mi di kulpa di sanger+pa mi por papia ku goso tokante bo hustisia.+
15 O Yehova, yuda mi habri mi bokapa mi por duna bo alabansa,+
16 pasobra bo no ke sakrifisio, sino lo mi a duna bo esei.+Bo no tin plaser den ofrenda kimá.+
17 Un aktitut ku ta demostrá duele sinsero* ta sakrifisio ku ta agradá Dios.O Dios, lo bo no rechasá* un kurason kibrá i arepentí.+
18 Tene miserikòrdia,* i hasi loke ta bon pa Siòn.Rekonstruí e murayanan di Herúsalèm.
19 E ora ei, lo bo keda kontentu ku e sakrifisionan ofresé ku hustisia,e sakrifisionan kimá i e ofrendanan ku ta ser ofresé kompleto.I hende lo ofresé toro riba bo altar.+
Nota
^ Òf: “semper den mi mente.”
^ Lit.: “kontra bo so.”
^ Lit.: “i den piká mi mama a konsebí mi.”
^ Òf: “pa mi por ta sabí te den e parti di mas sekreto di mi ser.”
^ Òf: “Skonde bo kara pa.”
^ Lit.: “Yuda mi haña un spiritu boluntario.”
^ Òf: “bo kamindanan.”
^ Lit.: “Un spiritu kibrá.”
^ Òf: “menospresiá.”
^ Òf: “Demostrá bo bondat.”
