Salmo 136:1-26
136 Yama Yehova danki, pasobra e ta bon.+Su amor leal ta pa semper.+
2 Yama e Dios ku ta riba tur dios danki.+Su amor leal ta pa semper.
3 Yama e Señor ku ta riba tur señor danki.Su amor leal ta pa semper.
4 Ta e so ta hasi kos grandi i maravioso.+Su amor leal ta pa semper.+
5 El a traha shelu na un manera maestral.*+Su amor leal ta pa semper.
6 El a establesé tera riba awa.+Su amor leal ta pa semper.
7 El a traha lus briante den shelu.+Su amor leal ta pa semper.
8 El a traha solo pa bria* den dia.+Su amor leal ta pa semper.
9 El a traha luna i e streanan pa bria* anochi.+Su amor leal ta pa semper.
10 El a mata tur yu mayó di e egipsionan.+Su amor leal ta pa semper.
11 El a saka Israel for di Egipto.+Su amor leal ta pa semper.
12 El a saka nan ku su man fuerte+ i ku su brasa poderoso.Su amor leal ta pa semper.
13 El a parti Laman Kòrá na dos.*+Su amor leal ta pa semper.
14 El a laga e israelitanan pasa meimei di e laman ei.+Su amor leal ta pa semper.
15 El a benta Fárao i su ehérsito den Laman Kòrá.+Su amor leal ta pa semper.
16 El a guia su pueblo den desierto.+Su amor leal ta pa semper.
17 El a derotá rei ku tabatin hopi poder.+Su amor leal ta pa semper.
18 El a mata rei poderoso.Su amor leal ta pa semper.
19 El a mata Síhòn,+ rei di e amoreonan.Su amor leal ta pa semper.
20 El a mata Òg,+ rei di Básan.Su amor leal ta pa semper.
21 El a duna su pueblo e pais di e reinan ei komo herensia.+Su amor leal ta pa semper.
22 El a duna su sirbidó Israel e pais di e reinan ei komo herensia.Su amor leal ta pa semper.
23 El a kòrda riba nos ora nos tabata deprimí.*+Su amor leal ta pa semper.+
24 Bes tras bes, el a libra nos for di nos enemigunan.+Su amor leal ta pa semper.
25 E ta duna henter su kreashon* kuminda.+Su amor leal ta pa semper.
26 Yama Dios di shelu danki.Su amor leal ta pa semper.
