Salmo 129:1-8

  • Ataká pero no derotá

    • “Tur hende ku ta odia Siòn lo keda brongosá” (5)

Kantika pa Hende Ku Ta Subi Bai Stat.* 129  “For di mi hubentut, mi enemigunan ta blo ataká mi,” —laga Israel kanta awor—  2  “for di mi hubentut, mi enemigunan ta blo ataká mi,pero nan no a derotá mi.  3  Algun di nan a laga mi lomba manera kunuku ku nan a plug;*nan a laga marka largu riba mi lomba.”  4  Pero Yehova ta hustu;el a kòrta e kabuyanan ku hende malbado a mara mi kuné.  5  Tur hende ku ta odia Siòn lo keda brongosá;tur na bèrgwensa, nan lo bati retirada.  6  Nan lo bira manera yerba ku ta krese riba dak,yerba ku ta seka promé ku ranka nan  7  i ku no ta yena man di kosechadóni brasa di hende ku ta mara nan na bòshi.  8  Niun hende ku pasa banda di nan lo no bisa: “Yehova bendishoná boso.Nos ta bendishoná boso den nòmber di Yehova.”

Nota

Evidentemente, esaki ta deskribí e manera kruel ku enemigu a trata e nashon di Israel.