Salmo 12:1-8
-
Yehova ta lanta i tuma akshon
-
“E palabranan di Yehova ta puru” (6)
-
Na e direktor musikal. Ku kompañamentu di instrumènt di kuèrdè di stèm pa toka tono abou.* Un salmo di David.
12 O Yehova, salba mi, pasobra no tin hende leal mas.Hende fiel a disparsé for di humanidat.
2 Tur hende ta gaña otro;nan ta usa nan boka pa labia hende,* i nan ta hipókrita.*+
3 Yehova lo kòrta tur lenga ku ta labia,i lo e sera tur boka ku gusta broma,+
4 sí, hende ku ta bisa: “Nos lo sali viktorioso ku nos lenga.Nos ta usa nos lenga manera nos ke. Ken por manda riba nos?”+
5 Yehova ta bisa: “Komo ku hende den nesesidat ta ser oprimíi hende pober ta suspirá,+lo mi lanta i tuma akshon.Lo mi salba nan for di hende ku ta trata nan ku despresio.”
6 E palabranan di Yehova ta puru,+manera plata purifiká den fòrnu di klei,* purifiká shete biaha.
7 O Yehova, abo lo protehá nan;+lo bo protehá kada un di nan kontra e hendenan malbado ei* pa semper.
8 Komo ku hende ta promové* kos ku ta malu,hende malbado ta hasi manera nan ke.+
