Salmo 86:1-17

  • No tin niun dios manera Yehova

    • Yehova ta kla pa pordoná (5)

    • Tur pueblo lo adorá Yehova (9)

    • “Siña mi bo kaminda” (11)

    • ‘Yuda mi tin rèspèt profundo pa bo nòmber ku henter mi kurason’ (11)

Un orashon di David. 86  O Yehova, skucha* i kontestá mi orashon,pasobra mi ta sufriendo i mi ta pober.+  2  Protehá mi,* pasobra mi ta fiel.+Salba bo sirbidó ku ta konfia den bo,pasobra abo ta mi Dios.+  3  O Yehova, tene miserikòrdia di mi;+henter dia mi ta sklama na bo.+  4  O Yehova, hasi bo sirbidó* kontentu,pasobra ta na abo mi ta akudí.*  5  O Yehova, bo ta bon+ i semper kla pa pordoná.+Bo ta yen di amor leal pa tur hende ku ta hasi orashon na bo.*+  6  O Yehova, skucha mi orashon,i presta atenshon ora mi ta roga pa yudansa.+  7  Ora mi ta den difikultat, mi ta sklama na bo,+pasobra lo bo kontestá mi sigur.+  8  O Yehova, entre e diosnan, no tin niun manera bo.+No tin niun ku a hasi loke abo a hasi.+  9  O Yehova, tur e pueblonan ku bo a formalo bini i bùig bo dilanti.+Nan lo onra bo nòmber.+ 10  Bo ta grandi, i bo ta hasi kos maravioso.+Abo ta Dios, abo so.+ 11  Yehova, siña mi bo kaminda.+Lo mi kana di akuerdo ku bo bèrdat.+Yuda mi tin rèspèt profundo pa* bo nòmber, sí, ku henter mi kurason.*+ 12  Yehova, mi Dios, mi ta alabá bo ku henter mi kurason;+lo mi onra bo nòmber pa semper, 13  pasobra e amor leal ku bo tin pa mi ta grandi,i bo a salba mi* for di profundidat di Graf.*+ 14  O Dios, hende arogante ta lanta kontra mi;+un grupo di hòmber kruel ta buska mi* pa mata,i nan no tin niun tiki rèspèt pa bo.*+ 15  Pero abo, Yehova, ta un Dios miserikòrdioso i yen di kompashon,*un Dios ku tin pasenshi* i ku ta yen di amor leal i ku semper ta fiel.*+ 16  Bira wak mi i tene miserikòrdia di mi.+Duna mi forsa+ i salba mi,pasobra mi a sirbi bo meskos ku mi mama a sirbi bo. 17  Duna mi un prueba* di bo bondatpa e hendenan ku ta odia mi por mira esei i keda tur na bèrgwensa,pasobra abo, Yehova, ta Esun ku ta yuda mi i konsolá mi.

Nota

^ Òf: “sak abou i skucha.”
^ Òf: “mi alma; mi bida.”
^ Òf: “alma di bo sirbidó.”
^ Òf: “ta halsa mi alma.”
^ Lit.: “ta invoká bo.”
^ Òf: “Yuda mi teme.” Wak Glosario, “Temor pa Dios.”
^ Òf: “ku un kurason ku no ta dividí.”
^ Òf: “mi alma; mi bida.”
^ Òf: “Sheòl,” esta, e lugá simbóliko kaminda e mortonan ta sosegá. Wak Glosario.
^ Òf: “i nan no ta mira bo nan dilanti.”
^ Òf: “mi alma.”
^ Òf: “i bondadoso.”
^ Òf: “ku no ta rabia lihé.”
^ Òf: “i tur loke bo bisa ta bèrdat.”
^ Òf: “señal.”

Derecho di outor pa e publikashon akí