Un Revelashon ku Huan a Risibí 7:1-17
7 Despues di esaki, mi a mira kuater angel pará na e kuater skinanan di tera. Nan tabatin e kuater bientunan di tera duru tené di manera ku bientu no por a supla riba tera ni riba laman ni riba ningun palu.
2 I mi a mira un otro angel subi for di ost;* e tabatin un seyo di e Dios bibu den su man. Na bos haltu, el a yama e kuater angelnan ku a haña pèrmit pa hasi daño na tera i na laman.
3 El a bisa nan: “No hasi daño na tera ni na laman ni na e palunan. Warda te ora nos kaba di pone seyo+ riba frenta di e esklabonan di nos Dios.”+
4 Anto mi a tende e kantidat di persona ku a ser seyá: 144.000+ persona; e personanan ku a ser seyá tabata for di tur tribu di e yunan di Israel:+
5 Di e tribu di Huda, 12.000 persona a ser seyá;di e tribu di Ruben, 12.000;di e tribu di Gad, 12.000;
6 di e tribu di Áser, 12.000;di e tribu di Nèftali, 12.000;di e tribu di Mánases,+ 12.000;
7 di e tribu di Símeòn, 12.000;di e tribu di Levi, 12.000;di e tribu di Ísakar, 12.000;
8 di e tribu di Zébulòn, 12.000;di e tribu di Yósef, 12.000;di e tribu di Bènyamin, 12.000 persona a ser seyá.
9 Despues di e kosnan akí, mi a mira un multitut grandi di hende ku ningun hende no por a konta. Nan tabata di tur nashon, tribu, pueblo i idioma.+ Nan tabata pará dilanti di e trono i dilanti di e Lamchi. Nan tabatin paña largu blanku bistí,+ i nan tabatin rama di palma den nan man.+
10 Nan tabata grita: “Dios, kende ta sintá riba e trono,+ i e Lamchi+ a salba nos!”
11 Tur e angelnan tabata pará rònt di e trono, rònt di e ansianonan+ i rònt di e kuater kriaturanan spiritual; nan a kai na rudia dilanti di e trono i adorá Dios,
12 bisando: “Amèn! Alabansa, gloria, sabiduria, gradisimentu, onor, poder i forsa ta pertenesé na nos Dios pa tur eternidat.+ Amèn.”
13 Awor, un di e ansianonan a puntra mi: “Ta ken e hendenan bistí na paña largu blanku ta?+ I di unda nan a bini?”
14 Mesora mi a bis’é: “Mi señor, ta abo ta e persona ku sa esei.” I el a bisa mi: “Nan ta e hendenan ku a sobrebibí e tribulashon grandi.+ Nan a laba nan pañanan largu i hasi nan blanku den sanger di e Lamchi.+
15 Ta p’esei nan ta dilanti di e trono di Dios, i nan ta sirbi* Dios di dia i anochi den su tèmpel. I e Persona sintá riba e trono+ lo span su tènt riba nan.+
16 Nan lo no haña hamber ni set mas; solo lo no kima nan ni kalor lo no kaba ku nan,+
17 pasobra e Lamchi,+ ku ta banda di e trono, lo ta nan wardadó,+ i lo e guia nan na fuente di awa di bida.+ I Dios lo seka tur lágrima for di nan wowo.”+
