Un Revelashon ku Huan a Risibí 4:1-11
4 Despues di e kosnan ei, mi a mira un porta habrí den shelu. E promé stèm ku mi a tende tabata zona manera tròmpèt, i el a bisa mi: “Subi bini aki, i lo mi mustra bo loke tin ku sosodé.”
2 Despues di esei, mesora spiritu santu a baha riba mi, i mi a mira un trono den shelu i un persona sintá riba dje.+
3 I e Persona sintá riba e trono tabata bria manera piedra di yaspe+ i piedra di sardio.* I tur rònt di e trono, tabatin un regenbog ku tabata bria manera esmeralda.+
4 Rònt di e trono, tabatin 24 otro trono. Riba e trononan ei, mi a mira 24 ansiano sintá,+ bistí na paña blanku, i nan tabatin korona di oro riba nan kabes.
5 For di e trono, tabata sali rayo di welek,+ zonido di bos*+ i stèm. I tabatin shete lampi grandi di kandela sendé dilanti di e trono; e lampinan akí ta representá e shete spiritunan di Dios.+
6 Dilanti di e trono, tabatin algu ku tabata parse un laman di glas,+ kla manera kristal.
I meimei, kaminda e trono tabata, tabatin kuater kriatura spiritual;*+ nan tabata pará rònt di e trono. E kriaturanan akí tabata tur na wowo, parti dilanti i parti patras di nan kurpa.
7 E promé kriatura tabata parse un leon;+ e di dos kriatura tabata parse un toro yòn;+ e di tres kriatura+ tabatin kara manera kara di hende i e di kuater kriatura+ tabata parse un águila ku ta bula.+
8 E kuater kriaturanan spiritual akí, kada un di nan tabatin seis ala; e alanan tabatin wowo tur kaminda.+ I kontinuamente, di dia i anochi, e kriaturanan tabata bisa: “Santu, santu, santu ta Yehova*+ Dios, Dios Todopoderoso, e persona ku tabata eksistí, ku ta eksistí i ku ta bini.”+
9 Kada biaha ku e kriaturanan spiritual tabata duna gloria, onor i gradisimentu na e Persona sintá riba e trono, esta, e Persona ku ta biba pa tur eternidat,+
10 e 24 ansianonan+ tabata kai na rudia i adorá e Persona sintá riba e trono, esta, e Persona ku ta biba pa tur eternidat. I nan tabata benta nan korona dilanti di e trono, bisando:
11 “Bo ta digno, Yehova,* nos Dios, di tin* tur gloria,+ onor+ i poder,+ pasobra ta abo a krea tur kos.+ I ta pa motibu di bo boluntat, nan a ser kreá i nan ta eksistí.”
