Génesis 5:1-32

  • Lista di desendiente di Ádam te ku Noe (1-32)

    • Ádam a bira tata di mas yu, tantu yu hòmber komo yu muhé (4)

    • Énòk a kana ku Dios (21-24)

5  Esaki ta e buki di historia di Ádam. Dia Dios a krea Ádam, el a trah’é p’e parse Dios.  El a krea hòmber i muhé. Dia el a krea nan, el a bendishoná nan i yama nan “hende.”*  Ádam tabatin 130 aña ora el a bira tata di un yu hòmber ku tabata pars’é,* i el a yam’é Sèt.  Despues ku Ádam a bira tata di Sèt, Ádam a biba 800 aña mas. I Ádam a bira tata di mas yu, tantu yu hòmber komo yu muhé.  Pues na tur, Ádam a biba 930 aña. Despues el a muri.  Sèt tabatin 105 aña ora el a bira tata di Énòs.  Despues ku Sèt a bira tata di Énòs, el a biba 807 aña mas. I Sèt a bira tata di mas yu, tantu yu hòmber komo yu muhé.  Pues na tur, Sèt a biba 912 aña. Despues el a muri.  Énòs tabatin 90 aña ora el a bira tata di Kenan. 10  Despues ku Énòs a bira tata di Kenan, el a biba 815 aña mas. I Énòs a bira tata di mas yu, tantu yu hòmber komo yu muhé. 11  Pues na tur, Énòs a biba 905 aña. Despues el a muri. 12  Kenan tabatin 70 aña ora el a bira tata di Mahálalel. 13  Despues ku Kenan a bira tata di Mahálalel, el a biba 840 aña mas. I Kenan a bira tata di mas yu, tantu yu hòmber komo yu muhé. 14  Pues na tur, Kenan a biba 910 aña. Despues el a muri. 15  Mahálalel tabatin 65 aña ora el a bira tata di Yáred. 16  Despues ku Mahálalel a bira tata di Yáred, el a biba 830 aña mas. I Mahálalel a bira tata di mas yu, tantu yu hòmber komo yu muhé. 17  Pues na tur, Mahálalel a biba 895 aña. Despues el a muri. 18  Yáred tabatin 162 aña ora el a bira tata di Énòk. 19  Despues ku Yáred a bira tata di Énòk, el a biba 800 aña mas. I Yáred a bira tata di mas yu, tantu yu hòmber komo yu muhé. 20  Pues na tur, Yáred a biba 962 aña. Despues el a muri. 21  Énòk tabatin 65 aña ora el a bira tata di Metúsalèm. 22  Despues ku Énòk a bira tata di Metúsalèm, el a sigui kana* ku e Dios berdadero* 300 aña mas. I Énòk a bira tata di mas yu, tantu yu hòmber komo yu muhé. 23  Pues na tur, Énòk a biba 365 aña. 24  Énòk a kana fielmente ku e Dios berdadero. Despues e no tabat’ei mas, pasobra Dios a tum’é. 25  Metúsalèm tabatin 187 aña ora el a bira tata di Lámèk. 26  Despues ku Metúsalèm a bira tata di Lámèk, el a biba 782 aña mas. I Metúsalèm a bira tata di mas yu, tantu yu hòmber komo yu muhé. 27  Pues na tur, Metúsalèm a biba 969 aña. Despues el a muri. 28  Lámèk tabatin 182 aña ora el a bira tata di un yu hòmber. 29  El a yam’é Noe,* bisando: “E yu akí lo aliviá nos* di nos labor, sí, di e trabou duru* ku nos tin pa motibu ku Yehova a maldishoná e tera.” 30  Despues ku Lámèk a bira tata di Noe, el a biba 595 aña mas. I Lámèk a bira tata di mas yu, tantu yu hòmber komo yu muhé. 31  Pues na tur, Lámèk a biba 777 aña. Despues el a muri. 32  Despues ku Noe a hasi 500 aña, el a bira tata di Sèm, Kam i Yáfèt.

Nota

Òf: “Ádam; humanidat.”
Òf: “un yu hòmber den su imágen, ku tabata pars’é.”
Es desir, e manera ku el a hiba su bida tabata na armonia ku e boluntat di Dios.
Lit.: “e Dios.” Wak Glosario, “Dios berdadero.”
Ku probablemente ta nifiká “sosiegu; konsuelo.”
Òf: “lo konsolá nos.”
Lit.: “e doló.”