Promé Karta pa Timoteo 2:1-15
2 Na promé lugá, mi ta animá tur ruman pa ofresé súplika, orashon, petishon i gradisimentu na Dios pa tur sorto di hende,
2 entre otro, pa e reinan i pa tur hende ku ta den puesto haltu.*+ Hasi e tipo di orashonnan ei pa nos por sigui hiba un bida trankil i ketu, demostrando deboshon* na Dios i seriedat den tur kos.+
3 E orashonnan ei ta bon i agradabel den bista di Dios, nos Salbador.+
4 Dios su boluntat ta pa tur sorto di hende ser salbá+ i haña konosementu eksakto di e bèrdat.
5 De echo, ta un Dios+ so tin, i ta un mediador+ so tin entre Dios i hende,+ esta, Kristu Hesus. Kristu Hesus ta e hende+
6 ku a entregá su bida i paga e preis ku tabata nesesario pa libra tur hende for di piká.*+ Na e debido tempu, hende lo duna testimonio di tur e kosnan ei.
7 P’esei, Dios a nombra mi komo predikadó i apòstel+ pa mi por siña hende di e nashonnan*+ tokante fe den Dios i tokante e bèrdat. Ta bèrdat mi ta papia; mi no ta gaña.
8 Pues, mi ta deseá pa e hòmbernan ku ta fiel na Dios* sigui hasi orashon+ tur kaminda ku boso ta reuní huntu. Ora nan ta hasi orashon, nan mester hasi esei sin sintimentu di rabia+ i sin gana di pleita ku otro.+
9 Ademas, hende muhé mester bisti na un manera desente,* ku modestia* i ku sano huisio. Pa nan ta bunita, nan no mester ta muchu preokupá ku stail di kabei ekstrabagante,* ku kos di oro, ku pèrla òf ku paña masha karu.+
10 Mas bien, pa nan ta bunita, nan mester hasi bon obra manera ta pas pa hende muhé ku ta deboto na Dios.+
11 Laga hende muhé skucha ku un aktitut trankil* i sumiso ora nan ta ser siñá.*+
12 Mi no ta permití hende muhé duna siñansa ni ehersé outoridat riba hende hòmber;* mas bien, nan tin ku keda ketu.*+
13 Pasobra Dios a forma Ádam promé, i despues Eva.+
14 Ademas, Ádam no a ser gañá, pero ta e muhé a ser kompletamente gañá+ i el a kibra lei di Dios.
15 Pero, hañamentu di yu+ lo ta un bentaha pa hende muhé, pasobra esei lo yuda nan keda leu for di kos malu,* basta nan sigui demostrá fe den Dios i amor. Ademas, nan mester keda puru den bista di Dios i demostrá sano huisio.+
Nota
^ Òf: “hende ku tin outoridat.”
^ Òf: “entregá su mes komo un reskate korespondiente pa tur sorto di hende.”
^ Òf: “hòmbernan ku ta hisa man ku fieldat.”
^ Òf: “apropiá; digno.”
^ Òf: “ku ta mustra rèspèt pa otro hende.” Den e konteksto akí, modestia ta enserá ku un hende ta tene kuenta ku su mes konsenshi i tambe ku sintimentu i opinion di otro hende.
^ Lit.: “ku flèktumentu di kabei.”
^ Esta, den kongregashon.
^ Òf: “Laga hende muhé keda ketu.”
^ Esta, den kongregashon.
^ Òf: “keda trankil; keda kalmu.”
^ E konseho pa atendé ku kas i ku lantamentu di yu lo a protehá hende muhé di e trampa di no tin kos di hasi òf di mal komportashon.
