Hosue 12:1-24
12 Awor ta sigui nòmber di e reinan ku e israelitanan a derotá na parti ost di riu Yordan. E israelitanan a poderá di e teritorionan di e reinan ei, for di vaye* Árnòn+ te na seru Hèrmòn+ i henter Áraba, parti ost.+
2 Un di e reinan ei tabata Rei Síhòn+ di e amoreonan, kende tabata biba na Hèsbòn. E tabata goberná Aroer,+ un stat ku tabata keda na rant di vaye Árnòn.+ E tabata goberná henter e region for di meimei di vaye Árnòn tambe, inkluso mitar Gálad, te na vaye Yábòk. (Yábòk tabata frontera di teritorio di e amonitanan.)
3 Fuera di e teritorionan ei, Rei Síhòn tabata goberná Áraba, su parti ost, for di Laman di Kinerèt*+ te Laman di Áraba (Laman Salu)* bai den direkshon di Bèt-Yésimòt yega te zùit, na pia di seru Pisga.+
4 Un otro rei ku e israelitanan a derotá i poderá di su teritorionan tabata Rei Òg+ di Básan. Rei Òg tabata un di e delaster refaítanan.+ E tabata biba na Ástaròt i na Edrei.
5 E tabata goberná e region ku a inkluí seru Hèrmòn, Salka i henter Básan+ bai te frontera di e gesuritanan i frontera di e makatitanan.+ E tabata goberná tambe mitar Gálad, te frontera di teritorio di Rei Síhòn di Hèsbòn.+
6 Moises, sirbidó di Yehova, i e israelitanan a derotá e dos reinan ei.+ Anto Moises, sirbidó di Yehova, a duna e tribu di Ruben, e tribu di Gad i mitar tribu di Mánases e teritorionan di e reinan ei komo propiedat.+
7 Hosue i e israelitanan a derotá e reinan na parti wèst di riu Yordan, esta, for di Baal-Gad+ den vaye Líbanòn+ bai te seru Hálak,+ ku tabata keda enfrente di Seír.+ Despues, Hosue a duna e tribunan di Israel teritorio di e reinan ei komo propiedat, loke e israelitanan tabatin derecho riba dje.+
8 E israelitanan a risibí, entre otro, algun área yen di seru, Sefela, Áraba, e barikanan di seru, desierto* i Néguèv.+ Sí, Hosue a konkistá teritorio di e heteonan, teritorio di e amoreonan,+ teritorio di e kananeonan, teritorio di e perezitanan, teritorio di e heveonan i teritorio di e yebuseonan.+ Aki ta sigui un lista di e reinan ku e israelitanan a derotá:
9 Rei di Yériko;+ Rei di Ai+ (Ai tabata keda pegá ku Bètel);
10 Rei di Herúsalèm; Rei di Hébròn;+
11 Rei di Yarmut; Rei di Lákis;
12 Rei di Églòn; Rei di Gézer;+
13 Rei di Debir;+ Rei di Géder;
14 Rei di Horma; Rei di Árad;
15 Rei di Libna;+ Rei di Adulam;
16 Rei di Makeda;+ Rei di Bètel;+
17 Rei di Tapúa; Rei di Héfer;
18 Rei di Áfèk; Rei di Lásaròn;
19 Rei di Mádòn; Rei di Házòr;+
20 Rei di Símròn-Meròn; Rei di Áksaf;
21 Rei di Tának; Rei di Megido;
22 Rei di Kédes; Rei di Yòkneam+ na Karmelo;
23 Rei di Dor di e seritunan na Dor;+ Rei di Goim na Guilgal;
24 i Rei di Tirsa. Na tur, e israelitanan a derotá 31 rei.
