Hosue 19:1-51
19 Nan a tira lòt, i e di dos lòt+ a kai riba e tribu di Símeòn.+ E área ku e famianan di e tribu di Símeòn a haña komo herensia tabata keda den teritorio di Huda.+
2 Nan a haña e siguiente statnan komo herensia: Berseba+ ku Seba, Molada+
3 Házar-Sual,+ Bala, Ésèm,+
4 Eltolad,+ Bétul, Horma,
5 Zíklag,+ Bèt-Markabòt, Házar-Susa,
6 Bèt-Lebaòt+ i Saruhen; 13 stat i nan pueblitonan.
7 Nan a haña tambe Ain, Rímòn, Eter i Ásan;+ kuater stat i nan pueblitonan.
8 Nan a haña tur e pueblitonan rònt di e statnan ei, bai te na Bálat-Beer, esta, Rama di Zùit. Esei tabata herensia di e famianan di e tribu di Símeòn.
9 E region ku e tribu di Huda a haña tabata muchu grandi pa Huda. P’esei, a kita algun teritorio for di nan pa duna e desendientenan di Símeòn algun tereno komo herensia. Sí, e desendientenan di Símeòn a haña algun tereno den teritorio di Huda komo propiedat.+
10 E di tres lòt+ a kai riba e famianan di e tribu di Zébulòn.+ Frontera di nan herensia tabata yega te Sarid.
11 Di Sarid, nan frontera a subi bai wèst den direkshon di Marala, pasa dilanti di Dabesèt i yega te e vaye* enfrente di Yòkneam.
12 Di Sarid, nan frontera a bai den direkshon ost, kaminda solo ta sali, pasa frontera di Kíslòt-Tábòr, pasa Daberat+ i subi bai Yafia.
13 Di Yafia, nan frontera a sigui bai den direkshon ost, kaminda solo ta sali, bai Gat-Héfer,+ pasa Et-Kazin, bai Rímòn i sigui pa Nea.
14 Nan frontera nort a lora bai den direkshon di Hánatòn i kaba na vaye Ifta-El.
15 E tribu di Zébulòn a haña e siguiente statnan tambe: Katat, Nahalal, Símròn,+ Idala i Bètlehèm;+ 12 stat na tur i nan pueblitonan.
16 Esei tabata herensia di e famianan di e tribu di Zébulòn.+ Nan a haña e pueblitonan den bisindario di e statnan ei tambe komo herensia.
17 E di kuater lòt+ a kai riba e famianan di e tribu di Ísakar.+
18 Nan frontera tabata kore den bisindario di vários stat. Bo tabata haña Yézrel,+ Kesulòt, Súnèm,+
19 Hafaraim, Siòn, Anaharat,
20 Rabit, Kísiòn, Ébes,
21 Remet, En-Ganim,+ En-Hada i Bèt-Pases.
22 Nan frontera a pasa pegá ku Tábòr.+ Nan frontera tabata kore pareu ku frontera di Sahazuma i pareu ku frontera di Bèt-Sémes i kaba na riu Yordan; 16 stat i nan pueblitonan.
23 Esei tabata herensia di e famianan di e tribu di Ísakar.+ Nan a haña e pueblitonan den bisindario di e statnan ei tambe komo herensia.
24 E di sinku lòt+ a kai riba e famianan di e tribu di Áser.+
25 Nan frontera tabata kore den bisindario di vários stat. Bo tabata haña Helkat,+ Hali, Béten, Áksaf,
26 Alámelèk, Ámad i Mísal. Nan frontera a sigui den direkshon wèst bai Karmelo+ i yega Síhòr-Líbnat.
27 Nan frontera a kohe direkshon ost bai Bèt-Dagon i yega frontera di Zébulòn. Djei, nan frontera a kore pareu ku vaye Ifta-El, bai den direkshon nort, pasa Bèt-Émèk i Nehiel i yega Kabul, ku tabata un pueblo na man robes.
28 Nan frontera a sigui bai den direkshon di Ébròn, Réhòb, Hámòn i Kaná i yega te Sídòn Grandi.+
29 Djei, nan frontera a lora bai Rama, pasa Tiro,+ ku tabata un stat bon fortifiká, lora bai Hosa i kaba na laman, den region di Ákzib,
30 Uma, Áfèk+ i Réhòb.+ E tribu di Áser a haña 22 stat, inkluso nan pueblitonan.
31 Esei tabata herensia di e famianan di e tribu di Áser.+ Nan a haña e pueblitonan den bisindario di e statnan ei tambe komo herensia.
32 E di seis lòt+ a kai riba e famianan di e tribu di Nèftali.
33 Nan frontera tabata kore di Helèf, pasa e palu grandi na Zananim,+ bai Adami-Nékèb, Yabnel, Lákum i kaba na riu Yordan.
34 Nan frontera a bai den direkshon wèst, pasa Áznòt-Tábòr i bai te Hukoka. Nan frontera zùit tabata kore pareu ku frontera di Zébulòn; nan frontera wèst tabata kore pareu ku frontera di Áser, i nan frontera ost a yega te teritorio di Huda,* te riu Yordan.
35 E tribu di Nèftali a haña e siguiente statnan fortifiká: Sidim, Ser, Hámat,+ Rákat, Kinerèt,
36 Adama, Rama, Házòr,+
37 Kédes,+ Edrei, En-Házòr,
38 Yíròn, Migdal-El, Hórèm, Bèt-Anat i Bèt-Sémes;+ 19 stat i nan pueblitonan.
39 Esei tabata herensia di e famianan di e tribu di Nèftali.+ Nan a haña e pueblitonan den bisindario di e statnan ei tambe komo herensia.
40 E di shete lòt+ a kai riba e famianan di e tribu di Dan.+
41 Frontera di e region ku nan a haña komo herensia tabata kore den bisindario di vários stat. Bo tabata haña Zora,+ Estaol, Ir-Sémes,
42 Salabin,+ Ayalòn,+ Itla,
43 Élòn, Timna,+ Ékròn,+
44 Elteké, Guibetòn,+ Bálat,
45 Yéhud, Bene-Berak, Gat-Rímòn,+
46 Me-Yarkon i Rákon, i e frontera a pasa pegá ku Yope.+
47 E region ku e tribu di Dan a haña tabata muchu chikitu pa nan.+ P’esei, e tribu di Dan a ataká e stat Lésèm+ i konkist’é. Nan a mata tur e habitantenan di Lésèm ku spada. Nan a poderá di e stat, i nan a keda biba den e stat. Anto nan a kambia e nòmber Lésèm pa Dan; Dan tabata nòmber di nan antepasado.+
48 Esei tabata herensia di e famianan di e tribu di Dan. Nan a haña e pueblitonan den bisindario di e statnan ei tambe komo herensia.
49 Asina, e pais a ser partí den teritorio pa e tribunan haña nan teritorionan komo herensia. E israelitanan a duna Hosue, yu hòmber di Nun, un área den nan teritorio komo herensia.
50 Manera Yehova a ordená, nan a dun’é e stat ku el a pidi, esta, Timnat-Sera,+ ku tabata un stat den e serunan na Efraím. Hosue a rekonstruí e stat, i el keda biba den e stat.
51 Eseinan tabata e teritorionan ku Saserdote Eleazar, Hosue, yu hòmber di Nun, i e kabesantenan di e kasnan di famia* di e tribunan di Israel a repartí komo herensia.+ Nan a hasi esei na Silo+ pa medio di tiramentu di lòt. Nan a tira lòt dilanti di Yehova, na entrada di e tènt di reunion.+ Asina, nan a kaba di repartí e teritorionan.
Nota
^ Aparentemente, no tabata trata di teritorio di e tribu di Huda, sino di e famianan di un hòmber di Huda.
