Hosue 16:1-10
16 A tira lòt,+ i e desendientenan di Yósef+ a risibí e siguiente region: Frontera di nan region tabata kore for di riu Yordan, pegá ku Yériko, bai te na e fuentenan di awa ost di Yériko. Di Yériko, nan frontera tabata subi bai, krusa e desierto* ku tabata keda enfrente di Yériko i bai den direkshon di e teritorio yen di seru ku tabata keda pegá ku Bètel.+
2 Di Bètel, ku tabata keda pegá ku Luz, nan frontera a sigui kore bai te Átaròt, frontera di e arkitanan.
3 Di Átaròt, nan frontera a baha bai den direkshon wèst, pasa frontera di e yafletitanan, pasa frontera di Bèt-Hóròn Abou,+ bai den direkshon di Gézer+ i kaba na Laman Grandi.*
4 E desendientenan di Yósef,+ esta, e tribu di Mánases i e tribu di Efraím, a haña vários teritorio komo propiedat.+
5 E famianan di e tribu di Efraím a haña e siguiente region komo herensia: Nan frontera tabata kore di Átaròt-Adar+ (ku tabata keda den ost), bai Bèt-Hóròn Ariba+
6 i kaba na Laman Grandi. Di Mikmetat,+ ku tabata keda den nort, nan frontera a lora bai ost te Tanat-Silo i sigui bai den direkshon ost te Yanoa.
7 Di Yanoa, nan frontera a baha bai Átaròt, Nara, pasa pegá ku Yériko+ i bai kaba na riu Yordan.
8 Di Tapúa,+ nan frontera a sigui kore bai den direkshon wèst, pasa vaye* Kaná i kaba na Laman Grandi.+ Esei tabata e region ku e famianan di e tribu di Efraím a risibí komo herensia.
9 E desendientenan di Efraím a haña algun stat tambe den teritorio di e desendientenan di Mánases+ komo herensia. Nan a haña e pueblitonan den bisindario di e statnan ei tambe komo herensia.
10 E desendientenan di Efraím no a kore ku e kananeonan ku tabata biba na Gézer.+ Te dia djawe, tin kananeo ta biba den teritorio di Efraím.+ E efraimitanan a pone nan hasi trabou fòrsá.+
