Hosue 21:1-45
21 E kabesantenan di e famianan* levita a bini serka Saserdote Eleazar,+ Hosue, yu hòmber di Nun, i e kabesantenan di e famianan di e otro tribunan di Israel.
2 Nan a bini serka nan na Silo,+ na Kánan, i nan a bisa nan: “Moises a bisa ku Yehova a duna òrdu pa duna nos algun stat kaminda nos por biba i algun tereno di yerba pa nos bestianan.”+
3 E ora ei, for di nan mes herensia,+ e israelitanan a duna e levitanan algun stat+ i tambe e terenonan di yerba ku tabatin rònt di e statnan ei, di akuerdo ku òrdu di Yehova.
4 Nan a tira lòt, i e promé lòt a kai riba e famianan kohatita.+ E ora ei, e levitanan ku tabata desendiente di Saserdote Áròn a haña 13 stat. Nan a haña e statnan ei pa medio di tiramentu di lòt. Nan statnan tabata keda den teritorio di e tribu di Huda,+ den teritorio di e tribu di Símeòn+ i den teritorio di e tribu di Bènyamin.+
5 E otro desendientenan di Kóhat* a haña* dies stat. Nan a haña stat den teritorio di e tribu di Efraím,+ den teritorio di e tribu di Dan i den teritorio di mitar tribu di Mánases.+
6 E desendientenan di Gèrsòn+ a haña* 13 stat. Nan a haña stat den teritorio di e tribu di Ísakar, den teritorio di e tribu di Áser, den teritorio di e tribu di Nèftali i na Básan,+ ku tabata teritorio di mitar tribu di Mánases.
7 E desendientenan di Merari+ i nan famianan a haña 12 stat. Nan a haña stat den teritorio di e tribu di Ruben, den teritorio di e tribu di Gad i den teritorio di e tribu di Zébulòn.+
8 Pues, pa medio di tiramentu di lòt, e israelitanan a duna e levitanan vários stat i tambe e terenonan di yerba den bisindario di e statnan ei, manera Yehova a ordená pa medio di Moises.+
9 Pues, e levitanan a haña algun stat den teritorio di e tribu di Huda i algun stat den teritorio di e tribu di Símeòn. Nan a haña e siguiente statnan, ku ta ser menshoná na nòmber.+
10 E famianan kohatita ku tabata desendiente di Áròn di e tribu di Levi tabata promé na turno pa risibí algun stat pasobra e promé lòt a kai riba nan.
11 Nan a haña Kíriat-Arba,+ esta, Hébròn,+ ku tabata un stat den e serunan na Huda, i e terenonan di yerba ku tabatin rònt di Kíriat-Arba. (Arba tabata nòmber di tata di Ának.)
12 Anto e kunukunan i e pueblitonan rònt di Hébròn a ser duná na Kálèb, yu hòmber di Yefune.+
13 E desendientenan di Saserdote Áròn a haña e siguiente statnan: Hébròn,+ ku tabata un stat di refugio kaminda un hende ku a mata un persona+ por a hui bai; Libna;+
14 Yatir;+ Estemoa;+
15 Holon;+ Debir;+
16 Ain;+ Yuta;+ i Bèt-Sémes; nuebe stat i nan terenonan di yerba. E statnan ei tabata keda den teritorio di e tribu di Huda i den teritorio di e tribu di Símeòn.
17 Den teritorio di e tribu di Bènyamin, nan a haña Gábaòn,+ Gueba,+
18 Ánatòt+ i Álmòn; kuater stat i nan terenonan di yerba.
19 E desendientenan di Saserdote Áròn a haña 13 stat na tur, inkluso e terenonan di yerba ku tabatin rònt di e statnan ei.+
20 Pa medio di tiramentu di lòt, e sobrá levitanan ku tabata desendiente di Kóhat i nan famianan* a haña algun stat den teritorio di e tribu di Efraím.
21 Nan a haña Síkèm, ku tabata un stat di refugio, i su terenonan di yerba. Un hende ku a mata un persona+ por a hui bai Síkèm,+ ku tabata un stat den e serunan den teritorio di e tribu di Efraím. Ademas, nan a haña Gézer,+
22 Kibsaim i Bèt-Hóròn;+ kuater stat na tur i nan terenonan di yerba.
23 Den teritorio di e tribu di Dan, nan a haña Elteké, Guibetòn,
24 Ayalòn+ i Gat-Rímòn; kuater stat i nan terenonan di yerba.
25 Den teritorio di mitar tribu di Mánases, nan a haña Tának+ i Gat-Rímòn; dos stat i nan terenonan di yerba.
26 E otro famianan kohatita a haña dies stat na tur, inkluso e terenonan di yerba ku tabatin rònt di e statnan ei.
27 E famianan gersonita+ tambe tabata forma parti di e tribu di Levi. Nan a haña e siguiente statnan: Den teritorio di mitar tribu di Mánases, nan a haña Gólan, ku tabata un stat di refugio kaminda un hende ku a mata un persona por a hui bai, i Bes-Tera; dos stat i nan terenonan di yerba. Gólan+ tabata un stat na Básan.
28 Den teritorio di e tribu di Ísakar,+ e famianan gersonita a haña Kísiòn, Daberat,+
29 Yarmut i En-Ganim; kuater stat i nan terenonan di yerba.
30 Den teritorio di e tribu di Áser,+ nan a haña Mísal, Ábdòn,
31 Helkat+ i Réhòb;+ kuater stat i nan terenonan di yerba.
32 Den teritorio di e tribu di Nèftali, nan a haña e siguiente statnan: Kédes, ku tabata un stat di refugio+ kaminda un hende ku a mata un persona por a hui bai, Hámòt-Dor i Kartan; tres stat i nan terenonan di yerba. Kédes+ tabata un stat na Galilea.
33 E famianan gersonita a haña 13 stat na tur, inkluso e terenonan di yerba ku tabatin rònt di e statnan ei.
34 E sobrá levitanan, esta, e famianan merarita,+ a haña e siguiente statnan: Den teritorio di e tribu di Zébulòn,+ nan a haña Yòkneam,+ Karta,
35 Dimna i Nahalal;+ kuater stat i nan terenonan di yerba.
36 Den teritorio di e tribu di Ruben, nan a haña Bézer,+ Yáhas,+
37 Kedemòt i Mefat; kuater stat i nan terenonan di yerba.
38 Den teritorio di e tribu di Gad,+ nan a haña Rámòt ku tabata un stat na Gálad.+ Rámòt tabata un stat di refugio kaminda un hende ku a mata un persona por a hui bai. Fuera di Rámòt, e tribu di Gad a duna nan Mahanaim,+
39 Hèsbòn+ i Yázer;+ na tur, kuater stat i nan terenonan di yerba.
40 E sobrá famianan levita desendiente di Merari a haña* 12 stat na tur.
41 Na tur, e levitanan a haña 48 stat di e israelitanan. Nan a haña tambe e terenonan di yerba ku tabatin rònt di e statnan ei.+
42 Sí, tur e statnan ei tabatin nan terenonan di yerba rònt di nan. Esei tabata e kaso ku tur e statnan.
43 Yehova a duna e israelitanan henter e pais, manera el a primintí nan antepasadonan.+ Nan a poderá di e pais, i nan a establesé nan mes den dje.+
44 Ademas, Yehova a sòru pa e israelitanan biba trankil den e pais, manera el a hura nan antepasadonan.+ Tabata reina pas na tur frontera. Ni un di nan enemigunan no por a vense nan.+ Yehova a entregá tur nan enemigunan den nan man.+
45 Yehova a kumpli ku tur e kosnan maravioso ku el a primintí e pueblo di Israel. Tur su promesanan* a keda realisá.+
