Karta pa e Hebreonan 1:1-14
1 Hopi tempu pasá, Dios a papia ku nos antepasadonan pa medio di e profetanan; Dios a hasi esei na hopi okashon i na hopi manera.+
2 Den e tempu akí,* e ta papia ku nos pa medio di su Yu,+ esta, su Yu ku el a nombra komo heredero di tur kos;+ sí, ta pa medio di e Yu ei, Dios a traha e kosnan riba tera i den shelu.*+
3 E Yu ta refleho di e gloria di Dios+ i kopia eksakto di Dios su personalidat.*+ E Yu ta sostené tur kos pa medio di Dios su palabra poderoso. Despues ku e Yu a kaba di purifiká nos di piká,+ el a sinta na man drechi di e Mahestat den shelu.+
4 Pues, e Yu a bira superior na e angelnan+ pasobra el a risibí un puesto mas haltu ku nan.*+
5 Por ehèmpel, na kua di e angelnan Dios a yega di bisa: “Bo ta mi yu; di awe padilanti, mi ta bo tata”?+ Òf tokante kua angel Dios a bisa: “Lo mi ta un tata p’e, i lo e ta mi yu”?+
6 Pero ora Dios bolbe manda su Promé Yu*+ na mundu, Dios ta bisa: “Laga tur angel di Dios bùig p’e.”*
7 Ademas, tokante e angelnan, Dios ta bisa: “Bo* ta hasi bo angelnan, esta, bo sirbidónan,+ poderoso,* i bo ta laga nan bira vlam di kandela.”+
8 Pero tokante e Yu, e ta bisa: “Dios ta duna bo outoridat komo rei*+ pa tur eternidat; bo tin un bara di rei, i lo bo goberná na un manera hustu.
9 Bo a stima hustisia i odia maldat.* P’esei Dios, bo Dios, a nombra bo+ i hasi bo mas kontentu* ku bo kompañeronan.”+
10 Ademas, e ta bisa: “O Señor, na kuminsamentu, bo a pone fundeshi di tera, i shelu ta obra di bo man.
11 Tera i shelu lo kaba na nada, pero abo lo keda pa semper. Nan lo gasta manera paña,
12 i lo bo lora nan manera un mantel i kambia nan manera ta kambia paña. Pero abo ta keda meskos, i e añanan di bo bida lo no yega na un fin.”+
13 Pero na kua di e angelnan Dios a yega di bisa: “Sinta na mi man drechi te ora mi pone bo enemigunan komo banki pa bo pia”?+
14 Akaso tur e angelnan akí no ta spiritu ku ta sirbi Dios?*+ No ta nan Dios a manda pa yuda* e hendenan ku lo risibí salbashon?
Nota
^ Lit.: “Na fin di e dianan akí.”
^ Òf: “su ser.”
^ Lit.: “el a heredá un nòmber ku ta mas ekselente ku esun di nan.”
^ Òf: “rindi homenage na dje.”
^ Lit.: “su promé ku a nase.”
^ Esta, Dios.
^ Lit.: “E ta hasi su angelnan spiritu.”
^ Lit.: “Dios ta bo trono.”
^ Òf: “i odia kibramentu di lei.”
^ Lit.: “ku ta den sirbishi santu?”
^ Òf: “sirbi.”
